ନୂଆଦିଲ୍ଲୀ,୧୨।୯: ସେପ୍ଟେମ୍ବର ୧୨ ଅର୍ଥାତ୍ ଆଜିଠାରୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଦୁଇ ଦିନିଆ ଗୁଜରାଟ ଗସ୍ତରେ ଯିବେ। ସରକାରୀ ବିବୃତ୍ତି ଅନୁଯାୟୀ, ରାଷ୍ଟ୍ରପତି ମୁର୍ମୁ ମଙ୍ଗଳବାର ସନ୍ଧ୍ୟାରେ ଗାନ୍ଧିନଗରରେ ପହଞ୍ଚିବେ। ପରଦିନ ଅର୍ଥାତ୍ ୧୩ ସେପ୍ଟେମ୍ବରରେ ସେ ନ୍ୟାଶ୍ନାଲ୍ ଇ-ବିଧାନ ଆପ୍ଲିକେଶନ୍ (ନେଭା) ପ୍ରକଳ୍ପର ଉଦଘାଟନ କରିବେ। ସେ ଗାନ୍ଧିନଗରରେ ଗୁଜରାଟ ବିଧାନସଭା ସଦସ୍ୟମାନଙ୍କୁ ମଧ୍ୟ ସମ୍ବୋଧିତ କରିବେ। ବୁଧବାର ଗାନ୍ଧିନଗରର ରାଜ ଭବନରୁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟର ‘ଆୟୁଷ୍ମାନ ଭବ’ ଯୋଜନାର ଅନ୍ଲାଇନ୍ରେ ଶୁଭାରମ୍ଭ କରିବେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ‘ଓ୍ବାନ୍ ନେଶନ୍, ଓ୍ବାନ୍ ଆପ୍ଲିକେଶନ’ ସଂକଳ୍ପ ଦ୍ୱାରା ଅନୁପ୍ରାଣିତ ହୋଇ ବିଧାନସଭା ପ୍ରକ୍ରିୟାକୁ କାଗଜହୀନ କରିବା ଦିଗରେ ନେଭା ପ୍ରକଳ୍ପ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଭାରତ ସରକାରଙ୍କ ‘ଡିଜିଟାଲ ଇଣ୍ଡିଆ ପ୍ରୋଗ୍ରାମ’ ଅଧୀନରେ ଥିବା ୪୪ଟି ମିଶନ ମୋଡ ପ୍ରୋଜେକ୍ଟ (ଏମଏମ୍ପିି) ମଧ୍ୟରୁ ଜାତୀୟ ଇ-ଧିଧାନ ଆପ୍ଲିକେଶନ୍ (ନେଭା) ହେଉଛି, ଯାହା ସମସ୍ତ ରାଜ୍ୟ ବିଧାନସଭାର କାର୍ଯ୍ୟକୁ ‘ଡିଜିଟାଲ ହାଉସ’ରେ ରୂପାନ୍ତର କରି କାଗଜବିହୀନ କରିବାକୁ ଲକ୍ଷ୍ୟ ରଖିଛି।
