ଜୟପୁର, ୨୪।୯ : ରାଜସ୍ଥାନରେ ରାଜନୈତିକ ସମୀକରଣ ଦ୍ରୁତ ଗତିରେ ବଦଳୁଛି। ମୁଖ୍ୟନ୍ତ୍ରୀ ପଦବୀ ପାଇଁ ଜଣେ ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀ ସଚିନ ପାଇଲଟ ଅଶୋକ ଗେହଲୋଟଙ୍କ ଶିବିରର ବିଧାୟକଙ୍କ ସହ ମିଳାମିଶା କରିବା ଆରମ୍ଭ କରିଛନ୍ତି। କିନ୍ତୁ ଗେହଲୋଟଙ୍କ ସମର୍ଥକ ବିଧାୟକମାନେ ପାଇଲଟଙ୍କ ସହ ଖୋଲାଖୋଲି ଭାବେ ସମ୍ପର୍କରେ ଆସୁନାହାଁନ୍ତି। ଶୁକ୍ରବାର ପାଇଲଟ ବିଧାନସଭାରେ ପହଞ୍ଚିବା ପରେ ଗେହଲୋଟ ଶିବିରର ବିଧାୟକମାନେ ହାତରେ ଅଭିବାଦନ ଜଣାଇଥିଲେ କିନ୍ତୁ ଆଗକୁ ବଢ଼ି ନଥିଲେ।
ଏଥିରୁ ସ୍ପଷ୍ଟ ଯେ ଗେହଲୋଟ ସମର୍ଥକ ବିଧାୟକମାନେ ନିର୍ଦ୍ଦେଶକୁ ଅପେକ୍ଷା କରିଛନ୍ତି। ସୂଚନାନୁସାରେ, ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଶନିବାର ଜୟପୁରକୁ ଫେରିବେ। ତାଙ୍କ ସମର୍ଥକ ବିଧାୟକଙ୍କ ସହ ରଣନୀତି ବିଷୟରେ ଆଲୋଚନା କରିବେ।
୨୮ ସେପ୍ଟେମ୍ବରରେ କଂଗ୍ରେସ ଜାତୀୟ ଅଧ୍ୟକ୍ଷ ପଦ ପାଇଁ ଗେହଲୋଟ ତାଙ୍କ ନାମାଙ୍କନପତ୍ର ଦାଖଲ କରିବେ। ସୂଚନାନୁସାରେ, ଗେହଲୋଟକୁ ସମର୍ଥନ କରୁଥିବା ମନ୍ତ୍ରୀ ଏବଂ ବିଧାୟକମାନେ ସେପ୍ଟେମ୍ବର ୨୭ରେ ଦିଲ୍ଲୀ ଯିବାର ଯୋଜନା ରହିଛି। ଯଦି ଏପରି ଘଟେ, ତେବେ ଏହା ଦ୍ୱାରା ଗେହଲୋଟ ନିଜର ଶକ୍ତି ପ୍ରଦର୍ଶନ କରିବେ। ଯାହା ମାଧ୍ୟମରେ ସେ ସୂଚାଇ ଦେବେ ଯେ ରାଜସ୍ଥାନରେ ମୁଖ୍ୟମନ୍ତ୍ରୀ ପଦରେ କିଏ ବସିବ ସେଥିରେ ଗେହଲୋଟଙ୍କ ମତ ସବୁଠାରୁ ଗୁରୁତ୍ୱପୂର୍ଣ୍ଣ ହେବ। ଯେତେବେଳେ ଗେହଲୋଟ ନିଜେ କଂଗ୍ରେସ ହାଇକମାଣ୍ଡ ହେବାକୁ ଯାଉଛନ୍ତି, ସେତେବେଳେ ଗାନ୍ଧୀ ପରିବାର ଏହି ନିଷ୍ପତ୍ତିରେ ତାଙ୍କ ମତକୁ ନିଶ୍ଚିତ ଗୁରୁତ୍ୱପୂର୍ଣ୍ଣ ମନେ କରିବେ ବୋଲି ରାଜନୈତିକ ସମୀକ୍ଷକ ମତପୋଷଣ କରିଛନ୍ତି।
ଗେହଲଟଙ୍କ ମନ୍ତ୍ରୀ ସୁଭାଷ ଗଗ ର୍ ମୁଖ୍ୟମନ୍ତ୍ରୀଙ୍କ ପରାମର୍ଶଦାତା ସୟଂମ ଲୋଢ଼ାଙ୍କ ଟୁଇଟରେ ଲେଖିଛନ୍ତି ଯେ, ଏହା ଠିକ ଲେଖାଯାଇଛି। ମୁଁ ଜାଣେ ଯେ ନୀଲମ ସଞ୍ଜୀବ ରେଡ୍ଡୀ ୧୯୬୦ ରୁ ୧୯୬୩ ପର୍ଯ୍ୟନ୍ତ କଂଗ୍ରେସର ଜାତୀୟ ଅଧ୍ୟକ୍ଷ ଥିଲେ। ସେ ୨୦ ମାର୍ଚ୍ଚ ୧୯୬୨ରୁ ୨୦ ଫେବୃଆରୀ ୧୯୬୪ ପର୍ଯ୍ୟନ୍ତ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଥିଲେ। ବାସ୍ତବରେ, ଲୋଢ଼ା ଟୁଇଟ କରି ଲେଖିଥିଲେ ଯେ, ନିୟମ ଆଧାରରେ ରାଜନୈତିକ ନିଷ୍ପତ୍ତି ନିଆଯାଇପାରିବ ନାହିଁ। ସମୟର ଆବଶ୍ୟକତା, ମତ, ଅବହେଳା, ଆଶା , ସମସ୍ତଙ୍କର ମିଶ୍ରିତ ନିଷ୍ପତ୍ତି ଅନୁସାରେ କାର୍ଯ୍ୟ କରାଯାଇପାରେ।
ରାଜନୈତିକ ସମୀକ୍ଷକମାନେ କହିଛନ୍ତି ଯେ ଗେହଲୋଟ ଏତେ ସହଜରେ ହାର ମାନିବେ ନାହିଁ। ପାଇଲଟଙ୍କ କ୍ରାସ୍ ଉଡାଣ ପାଇଁ ସେ ପ୍ରସ୍ତୁତି କରିବାର ଆଶଙ୍କା ରହିଛି। ପାଇଲଟଙ୍କ ମୁଖ୍ୟମନ୍ତ୍ରୀ ହେବା ନେଇ ବର୍ତ୍ତମାନ ଏହାଯୋଗୁ ସନ୍ଦେହ ସୃଷ୍ଟି ହେବାରେ ଲାଗିଛି। ଗେହଲୋଟଙ୍କ ବିଧାୟକ ମହେନ୍ଦ୍ର ଚୌଧୁରୀଙ୍କ କରିଛନ୍ତି ଯେ କେବଳ ମୁଖ୍ୟମନ୍ତ୍ରୀ ହିଁ ରାଜ୍ୟର ବଜେଟ ଉପସ୍ଥାପନ କରିବେ। ତେବେ ସ୍ଥିତି କ’ଣ ହେବ କଂଗ୍ରେସ ଅଧ୍ୟକ୍ଷ ପଦ ନିର୍ବାଚନ ଫଳାଫଳ ପରେ ହିଁ ଏହା ଜଣା ପଡ଼ିବ । କିନ୍ତୁ ଏହା ନିଶ୍ଚିତ ଯେ ଗେହଲୋଟ ସହଜରେ ପାଇଲଟଙ୍କୁ ବାଟ ଛାଡ଼ିବେ ନାହିଁ।
ମୁଖ୍ୟମନ୍ତ୍ରୀ ଭାବେ ଏହା ଅଶୋକ ଗେହଲୋଟଙ୍କର ଏହା ତୃତୀୟ କାର୍ଯ୍ୟକାଳ। ୧୯୯୮ରେ ମୁଖ୍ୟମନ୍ତ୍ରୀ ହେବା ପାଇଁ ଗେହଲୋଟଙ୍କ ରାଜନୈତିକ କୌଶଳ କାମ ଦେଇଥିଲା। ସେ କୂଟନୀତିରେ ରାଜ୍ୟ ରାଜନୀତିରେ ପାରଦର୍ଶିତା ପ୍ରଦର୍ଶନ କରିବା ଜାରି ରଖିଛନ୍ତି।
