ଆବଶ୍ୟକ ସାମଗ୍ରୀ: ମିଡିୟମ୍ ସାଇଜ ଚିଙ୍ଗୁଡ଼ି ୫୦୦ ଗ୍ରାମ୍, ତେଜ ପତ୍ର ୨ଟି, ୨ ଖଣ୍ଡ ଡାଳଚିନି, ଲବଙ୍ଗ ୩-୪ଟି, ହଳଦୀ ୨ଟି ସ୍ପୁନ,ଗରମ ମସଲା ୨ଟି ସ୍ପୁନ୍, ୧ଟି ସ୍ପୁନ୍ ଗୁଜୁରାତି ଗୁଣ୍ଡ, ଲୁଣ, ସୋରିଷ ତେଲ ୧ ଟେବୁଲ୍ ସ୍ପୁନ୍, ବଡ଼ କଟା ପିଆଜ ୧ଟି, କଟା ଅଦା ୧ ଟେବୁଲ୍ ସ୍ପୁନ୍, ଜିରା ୨ଟି ସ୍ପୁନ, କଶ୍ମୀରୀ କିମ୍ବା ଅନ୍ୟାନ୍ୟ ଲାଲ୍ ଲଙ୍କା ପାଉଡର ୧ଟି ସ୍ପୁନ, ଚିନି ୧ଟି ସ୍ପୁନ, ନଡିଆ କ୍ଷୀର ୧ କପ୍, ଦହି ୨ ଟେବୁଲ୍ ସ୍ପୁନ୍, ଘିଅ ୧ ଟେବୁଲ୍ ସ୍ପୁନ୍, କଟା ଧନିଆ ପତ୍ର, ରନ୍ଧା ହୋଇଥିବା ବାସୁମତି ଚାଉଳ, ପତଳା କଟା ହୋଇଥିବା ଲେମ୍ବୁ ସ୍ଲାଇସ୍।
ପ୍ରସ୍ତୁତି ପ୍ରଣାଳୀ: ପ୍ରଥମେ ଚିଙ୍ଗୁଡରେ ଆବଶ୍ୟକ ମାତ୍ରାରେ ଲୁଣ ପକାଇ ଗୋଳାନ୍ତୁ। ସେଥିରେ ତେଜପତ୍ର, ଅଳେଇଚ, ଲବଙ୍ଗ, ହଳଦୀ, ଗରମ ମସଲା, ଡାଳଚିନି ପକାଇ ୧ ଘଣ୍ଟା ଓଦା କନାରେ ଘୋଡେଇ ରଖିବା ପରେ ସେଥିରୁ ତେଜପତ୍ର, ଡାଳଚିନି ଏବଂ ଲବଙ୍ଗ କାଢ଼ି ଦିଅନ୍ତୁ। ଏକ ବଡ଼ କଡ଼େଇରେ ତେଲ ଗରମ କରି ପିଆଜ, ଅଦା, ଜିରା, ଲଙ୍କା ପାଉଡର ଓ ଅଳ୍ପ ଚିନି ପକାଇ ଭାଜନ୍ତୁ। ନଡ଼ିଆ କ୍ଷୀର, ଦହିକୁ ଗୋଳାନ୍ତୁ। ଚିଙ୍ଗୁଡି ଓ ଘିଅ ପକାଇ ୭ ରୁ ୮ ମିନିଟ୍ ପଯର୍ୟନ୍ତ ଭାଜନ୍ତୁ। ସ୍ବାଦ ଅନୁସାରେ ଲୁଣ ପକାନ୍ତୁ। ବର୍ତ୍ତମାନ ପ୍ରସ୍ତୁତ ହୋଇସାରିଛି ଚିଙ୍ଗୁଡି ମଲାଇ। ଏହା ଉପରେ କଟା ଧନିଆପତ୍ର ପକାଇ ପରଷି ଦିଅନ୍ତୁ।
