ନୂଆଦିଲ୍ଲୀ/ଜୋହାନ୍ସବର୍ଗ,୨୪ା୮: ଭାରତର ଚନ୍ଦ୍ରୟାନ-୩ ମିଶନର ସଫଳତା ସାରା ବିଶ୍ୱରେ ଚର୍ଚ୍ଚା ହେଉଛି। ଏହି ସଫଳତା ପାଇଁ ବିଶ୍ୱର ସମସ୍ତ ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଆଇଏସ୍ଆର୍ଓଙ୍କୁ ଅଭିନନ୍ଦନ ଜଣାଇଛନ୍ତି। ଆମେରିକୀୟ ସ୍ପେସ୍ ଏଜେନ୍ସି ନାସା, ରୁଷିଆର ସ୍ପେସ୍ ଏଜେନ୍ସି ରସ୍କୋସମୋସ, ୟୁରୋପୀୟ ସ୍ପେସ୍ ଏଜେନ୍ସି ଚନ୍ଦ୍ରର ସାଉଥ ପୋଲ୍ରେ ମହାକାଶଯାନର ସଫ୍ଟ ଲ୍ୟାଣ୍ଡିଂ ପାଇଁ ଭାରତୀୟ ବୈଜ୍ଞାନିକମାନଙ୍କୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ବ୍ରିକ୍ସ ଶିଖର ସମ୍ମିଳନୀରେ ଯୋଗଦେବା ପାଇଁ ଦକ୍ଷିଣ ଆଫ୍ରିକାର ଜୋହାନ୍ସବର୍ଗ ଯାଇଛନ୍ତି। ଯେଉଁଠାରେ ସେ ମଧ୍ୟ ଭାରତର ଏହି ସଫଳତାକୁ ପାଳନ କରୁଥିବା ଦେଖିବାକୁ ମିଳିଛି।
ଗୁରୁବାର ସକାଳେ ବ୍ରିକ୍ସ ସମ୍ମିଳନୀରୁ ବୈଦେଶିକ ବ୍ୟାପାର ମନ୍ତ୍ରୀ ଏସ୍.ଜୟଶଙ୍କର ଏକ ଫଟୋ ଶେୟାର କରିଛନ୍ତି। ଯେଉଁଥିରେ ପ୍ରଧାନମନ୍ତ୍ରୀ ଏକ ଖବରକାଗଜ ଧରି ବ୍ରାଜିଲର ରାଷ୍ଟ୍ରପତି ଲୁଲା ଦେ ସିଲ୍ଭାଙ୍କ ନିକଟରେ ଛିଡ଼ା ହୋଇଛନ୍ତି। ଭାରତର ଚନ୍ଦ୍ରୟାନ-୩ ମିଶନର ପ୍ରଶଂସା ଖବରକାଗଜର ପ୍ରଥମ ପୃଷ୍ଠାରେ ବୋଲ୍ଡ ଅକ୍ଷରରେ ଛପା ହୋଇଛି। ଯାହା ପ୍ରଧାନମନ୍ତ୍ରୀ ତାଙ୍କ ବ୍ରାଜିଲର ରାଷ୍ଟ୍ରପତି ଡି ସିଲଭାଙ୍କୁ ଦେଖାଉଛନ୍ତି। ଖବରକାଗଜର ପ୍ରଥମ ପୃଷ୍ଠାରେ ମୁଖ୍ୟ କାହାଣୀ ହେଉଛି ‘ଭାରତର ମୋଦି ଏହି ଦୁନିଆରୁ’।
