ଶକ୍ତିଶାଳୀ ଆଇଇଡି ବୋମା ଜବତ
10:29 pmJanuary 9, 2023January 9, 2023 / 09

ମାଲକାନଗିରି, ୯ା୧(ଡି.ଏନ.ଏ.): ମାଲକାନଗିରି ଜିଲା ସୀମାନ୍ତ ଛତିଶଗଡ଼ର ନାରାୟଣପୁର ଜିଲାରେ କୋମ୍ବିଂ ଅପରେଶନ ବେଳେ ସୋମବାର ଯବାନମାନେ ଏକ ଶକ୍ତିଶାଳୀ ଆଇଇଡି ବୋମା ସହ କିଛି ମାଓବାଦୀ ପୋଷ୍ଟର ଜବତ କରିଛନ୍ତି। ନାରାୟଣପୁର ଜିଲାର ଗୋରା ଗ୍ରାମ ନିକଟ ଜଙ୍ଗଲରେ ସ୍ଥାନୀୟ ପୋଲିସ ଓ ଡିଆରଜି ଯବାନମାନେ କୋମ୍ବିଂ ଅପରେଶନ କରୁଥିଲେ। ଏହି ସମୟରେ ଯବାନଙ୍କୁ ଟାର୍ଗେଟ କରି ମାଓବାଦୀମାନେ ସେହି ଅଞ୍ଚଳରେ ଖଞ୍ଜିଥିବା ଏକ ଆଇଇଡି ବୋମାକୁ ଯବାନମାନେ ଠାବ କରିଥିଲେ। ଏହାର ଓଜନ ୨୫ କେଜି। ଅତ୍ୟନ୍ତ ଶକ୍ତିଶାଳୀ ଥିବା ଏହି ବୋମା ବିସ୍ଫୋରଣ ହୋଇଥିଲେ ଯବାନମାନଙ୍କୁ ବଡ଼ଧରଣର କ୍ଷତି ପହଞ୍ଚାଇଥାନ୍ତା। ତେବେ କୌଣସି ଅଘଟଣ ଘଟିବା ପୂର୍ବରୁ ବୋମାକୁ ଜବତ କରି ଯବାନମାନେ ନିଷ୍କ୍ରିୟ କରିଦେବାରୁ ଏକ ବିପଦ ଟଳିଯାଇଛି। ଖବର ଲେଖା ହେବା ପର୍ଯ୍ୟନ୍ତ ସମ୍ପୃକ୍ତ ଅଞ୍ଚଳରେ କୋମ୍ବିଂ ଅପରେଶନ ଜାରି ରହିଥିଲା।