Posted inଖେଳ

ପାଓ୍ବାର ଭାରତୀୟ ମହିଳା କ୍ରିକେଟ ମୁଖ୍ୟ କୋଚ୍‌

ନୂଆଦିଲ୍ଲୀ, ୧୪।୫(ପି.ଟି.): ପୂର୍ବତନ ଟିମ୍‌ ଇଣ୍ଡିଆ ସ୍ପିନର ରମେଶ ପାଓ୍ବାର ଭାରତୀୟ ମହିଳା କ୍ରିକେଟ ଦଳର ମୁଖ୍ୟ କୋଚ୍‌ ପଦକୁ ଫେରିଛନ୍ତି। ସେ ଡବ୍ଲ୍ୟୁଭି ରମଣଙ୍କ ସ୍ଥାନ ନେଇଛନ୍ତି। ରମେଶ ପୂର୍ବରୁ ମହିଳା ଦଳର ମୁଖ୍ୟ କୋଚ୍‌ ଥିଲେ। ମାତ୍ର ଏକଦିବସୀୟ ଅଧିନାୟିକା ମିଥାଲି ରାଜଙ୍କ ସହ ମନାନ୍ତର ଯୋଗୁ ବହିଷ୍କୃତ ହୋଇଥିଲେ। ୨ ବର୍ଷରୁ ଊର୍ଦ୍ଧ୍ୱ ବ୍ୟବଧାନ ପରେ ସେ ପୁଣି ଏହି ଗୁରୁଦାୟିତ୍ୱ ପାଇଛନ୍ତି। ମଦନ ଲାଲ୍‌ଙ୍କ ନେତୃତ୍ୱାଧୀନ କ୍ରିକେଟ ପରାମର୍ଶଦାତା କମିଟି (ସିଏସି) ରମଣଙ୍କ ସହ ୮ ପ୍ରାର୍ଥୀଙ୍କ ସାକ୍ଷାତକାର ନେବାପରେ ୪୨ ବର୍ଷୀୟ ପାଓ୍ବାରଙ୍କୁ ନିଯୁକ୍ତି ଦେଇଛନ୍ତି। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଏହି ପଦ ପାଇଁ ବିଜ୍ଞାପନ ଦେଇଥିଲା। ମୋଟ ୩୫ ଜଣ ଆବେଦନ କରିଥିଲେ। ସମସ୍ତ ଔପଚାରିକତା ପୂରଣ ପରେ ପାଓ୍ବାରଙ୍କୁ ମୁଖ୍ୟ କୋଚ୍‌ଭାବେ ନିଯୁକ୍ତି ଦିଆଯାଇଥିବା ବିସିସିଆଇ ପକ୍ଷରୁ ଏକ ବିବୃତିରେ ପ୍ରକାଶ କରାଯାଇଛି। ପୂର୍ବତନ ଉଇକେଟ କିପର ଅଜୟ ରାତ୍ରା ଏବଂ ପୂର୍ବତନ ଚୟନ କମିଟି ମୁଖ୍ୟ ହେମଲତା କାଲାଙ୍କ ସମେତ ୪ ମହିଳା ଏହି ଦୌଡ଼ରେ ଥିଲେ।
ତାଙ୍କୁ ଏହି ପଦ ପାଇଁ ଉପଯୁକ୍ତ ମନେ କରାଯାଇଥିବାରୁ ସିଏସି ଓ ବିସିସିଆଇକୁ ଧନ୍ୟବାଦ ଜଣାଇଛନ୍ତି ପାଓ୍ବାର। ସେ ଏହି ଗୁରୁଦାୟିତ୍ୱ ପାଇଁ ପ୍ରସ୍ତୁତ ଥିବା ଟୁଇଟ୍‌ କରି ଜଣାଇଛନ୍ତି। ଦଳ ପାଇଁ ସ୍ପଷ୍ଟ ଦୃଷ୍ଟିକୋଣ ଯୋଗୁ ରମେଶଙ୍କୁ ଚୟନ କରାଯାଇଥିବା ମଦନ ଲାଲ କହିଛନ୍ତି। ” ସେ କୋଚିଂ ଦେବାର ଅଭିଜ୍ଞତା ରଖିଛନ୍ତି। ଦଳ ପାଇଁ ତାଙ୍କର ଦୃଷ୍ଟିକୋଣ ଆମକୁ ସବୁଠାରୁ ଅଧିକ ପ୍ରଭାବିତ କରିଛି। ଦଳକୁ ଭିନ୍ନଏକ ସ୍ତରକୁ ନେଇଯିବା ପାଇଁ ତାଙ୍କର ସ୍ବତନ୍ତ୍ର ଯୋଜନା ରହିଛି। କ୍ରିକେଟର ସମସ୍ତ ଦିଗ ପ୍ରତି ତାଙ୍କ ନଜର ରହିଛି। ଏବେ ସେ ତାହାକୁ କାର୍ଯ୍ୟରେ ପରିଣତ କରିବାର ସମୟ“ ବୋଲି ମଦନ ଲାଲ ପ୍ରକାଶ କରିଛନ୍ତି। ଏବେ ମିଥାଲିଙ୍କ ସହ ରମେଶ କିପରି କାର୍ଯ୍ୟ କରୁଛନ୍ତି ତାହା ଦେଖିବାକୁ ଉତ୍ସୁକତା ରହିବ। ହରମନପ୍ରୀତ କୌରଙ୍କୁ ଟି୨୦ ଅଧିନାୟିକା କରାଯିବା ଏବଂ ବହୁ ଗୁରୁତ୍ୱପୂର୍ଣ୍ଣ ବିଶ୍ୱ କପ୍‌ ସେମିଫାଇନାଲରୁ ବାଦ୍‌ ପଡ଼ିବା ପରେ ପାଓ୍ବାର ତାଙ୍କ କ୍ୟାରିୟର ନଷ୍ଟ କରିଦେବାକୁ ଚେଷ୍ଟା କରୁଛନ୍ତି ବୋଲି ମିଥାଲି ଅଭିଯୋଗ ଆଣିଥିଲେ। ଏ ସମ୍ପର୍କରେ ସେ ଏକ ପତ୍ର ମଧ୍ୟ ବିସିସିଆଇକୁ ଦେଇଥିଲେ। ଅନ୍ୟପକ୍ଷରେ ପାଓ୍ବାର ଏହାକୁ ଖଣ୍ଡନ କରିବା ସହ ମିଥାଲି ଖରାପ ମିଜାଜ ସହ ଦଳରେ ବିଭେଦ ସୃଷ୍ଟି କରିବାକୁ ଚେଷ୍ଟା କରୁଛନ୍ତି ବୋଲି କହିଥିଲେ। ମହିଳା କ୍ରିକେଟ ଦଳରୁ ଦୂରେଇ ରହିବା ପରେ ପାଓ୍ବାର ନିଜକୁ ଦକ୍ଷ କୋଚ୍‌ ଭାବେ ପ୍ରମାଣିତ କରିଥିଲେ। ଟି୨୦ ପ୍ରତିଯୋଗିତାରେ ମୁମ୍ବାଇ ନୈରାଶ୍ୟଜନକ ପ୍ରଦର୍ଶନ କରିଥିବାବେଳେ ପାଓ୍ବାରଙ୍କ ପ୍ରଶିକ୍ଷଣରେ ଦଳ ବିଜୟ ହଜାରେ ଟ୍ରଫିରେ ଚମକ ସୃଷ୍ଟି କରିଥିଲା। ଏହା ବ୍ୟତୀତ ସେ ଜାତୀୟ କ୍ରିକେଟ ଏକାଡେମୀରେ ବୋଲିଂ କୋଚ୍‌ ଭାବେ ମଧ୍ୟ କାର୍ଯ୍ୟ କରିଥିଲେ।
ମିଥାଲିଙ୍କ ସହ ତାଙ୍କ ମତଭେଦ ସମ୍ପର୍କରେ ପାଓ୍ବାରଙ୍କୁ ସାକ୍ଷାତକାର ଅବସରରେ ପ୍ରଶ୍ନ କରାଯାଇଥିଲା। ମାତ୍ର ଏଥିରେ ତାଙ୍କର କିଛି ଦୋଷ ନାହିଁ। ସେ ପିଲାମାନଙ୍କ ସହ କାର୍ଯ୍ୟ କରିବାକୁ ସମ୍ପୂର୍ଣ୍ଣ ପ୍ରସ୍ତୁତ ବୋଲି କହିଥିବା ମଦନ ଲାଲ ପ୍ରକାଶ କରିଛନ୍ତି। ୪ ମହିଳା ପ୍ରାର୍ଥୀଙ୍କ ଆଭିମୁଖ୍ୟରେ ସେ ଖୁବ୍‌ ପ୍ରଭାବିତ ବୋଲି କହିଛନ୍ତି ମଦନ। ସେମାନେ କ୍ରିକେଟ ସହିତ ସମ୍ପୂର୍ଣ୍ଣଭାବେ ଜଡ଼ିତ ହୋଇରହିଛନ୍ତି। ଫଳରେ ସେମାନଙ୍କ ଭବିଷ୍ୟତ ଉଜ୍ଜ୍ୱଳ ବୋଲି ସେ କହିଛନ୍ତି। ପାଓ୍ବାର ଭାରତ ପକ୍ଷରୁ ୨ ଟେଷ୍ଟ ଏବଂ ୩୧ଟି ଦିନିକିଆ ଖେଳିଛନ୍ତି। ୨୦୧୮ ଜୁଲାଇରୁ ନଭେମ୍ବର ପର୍ଯ୍ୟନ୍ତ ସେ ଭାରତୀୟ ମହିଳା ଦଳ ଦାୟିତ୍ୱରେ ଥିଲେ। ତାଙ୍କ ପ୍ରଶିକ୍ଷଣରେ ଭାରତ ସେହିବର୍ଷ ଟି୨୦ ବିଶ୍ୱକପର ସେମିଫାଇନାଲରେ ପ୍ରବେଶ କରିଥିଲା। ଏହା ବ୍ୟତୀତ କ୍ରମାଗତ ୧୪ଟି ଟି୨୦ ମ୍ୟାଚ ଜିତିବାରେ ମଧ୍ୟ ରେକର୍ଡ କରିଥିଲା। ୨୦୧୮ ଡିସେମ୍ବରରେ ପାଓ୍ବାରଙ୍କ ସ୍ଥାନ ନେଇଥିବା ରମଣଙ୍କ ଅବସ୍ଥା ମଧ୍ୟ ଅନୁରୂପ। ତାଙ୍କ ପ୍ରଶିକ୍ଷଣରେ ଭାରତ ଗତବର୍ଷ ଟି୨୦ ବିଶ୍ୱକପ ଫାଇନାଲ ଖେଳିଥିଲା। ତେବେ ଗତ ମାର୍ଚ୍ଚରେ ଦକ୍ଷିଣ ଆଫ୍ରିକାଠାରୁ ଦିନିକିଆ ଓ ଟି୨୦ ସିରିଜରେ ଦଳର ଶୋଚନୀୟ ପ୍ରଦର୍ଶନ ତାଙ୍କ ପାଇଁ ମହଙ୍ଗା ପଡ଼ିଲା। ଟିନ୍‌ ଏଜ୍‌ ବିଗ୍‌ ହିଟର ଶେଫାଳୀ ବର୍ମା ଏବଂ ସିନିୟର ପେସ୍‌ ବୋଲର ଶିଖା ପାଣ୍ଡେଙ୍କୁ ଦଳରୁ ବାଦ୍‌ଦେବା ନିଷ୍ପତ୍ତିକୁ ନେଇ ମଧ୍ୟ ପ୍ରଶ୍ନ ଉଠିଥିଲା। କୋଚ୍‌ ପଦକୁ ଫେରିଥିବାରୁ ପାଓ୍ବାରଙ୍କୁ ଟୁଇଟ୍‌ କରି ଶୁଭେଚ୍ଛା ଜଣାଇଛନ୍ତି ରମଣ। ଆସନ୍ତା ବର୍ଷ ନ୍ୟୁଜିଲାଣ୍ଡରେ ହେବାକୁଥିବା ଦିନିକିଆ ବିଶ୍ୱକପ ପାଇଁ ଦଳକୁ ପ୍ରସ୍ତୁତ କରିବା ପାଓ୍ବାରଙ୍କ ପାଇଁ ସବୁଠାରୁ ବଡ଼ ଚ୍ୟାଲେଞ୍ଜ ହେବ। ତେବେ ତାଙ୍କ ପ୍ରଶିକ୍ଷଣରେ ଦଳ ପ୍ରଥମେ ୟୁକେରେ ସମ୍ପୂର୍ଣ୍ଣ ସିରିଜ ଖେଳିବ। ୭ ବର୍ଷ ବ୍ୟବଧାନରେ ଭାରତ ପ୍ରଥମଥର ପାଇଁ ଟେଷ୍ଟ ମ୍ୟାଚ ଖେଳିବ। ଜୁନ୍‌ ୧୬ରୁ ଏହା ଆରମ୍ଭ ହେବା କାର୍ଯ୍ୟସୂଚୀ ରହିଛି। ବିଶ୍ୱକପ ପୂର୍ବରୁ ଭାରତୀୟ ଦଳ ଅଷ୍ଟ୍ରେଲିଆ ଯିବାର ମଧ୍ୟ କାର୍ଯ୍ୟସୂଚୀ ଅଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

୫ମ ଥର ଡାକଶ୍ରୀ ଟାଇଟଲ ପାଇଁ ଜନ୍ମେଜୟ ଆଶାବାଦୀ

ଭୁବନେଶ୍ୱର, ୩୧।୮(କ୍ରୀଡ଼ା ପ୍ରତିନିଧି)- ସେପ୍ଟେମ୍ବର ୨୬ରୁ ୨୯ ପର୍ଯ୍ୟନ୍ତ ୩୫ତମ ସର୍ବଭାରତୀୟ ପୋଷ୍ଟାଲ ପ୍ରତିଯୋଗିତା ବ୍ରହ୍ମପୁରରେ ଅନୁଷ୍ଠିତ ହେବ। ଏଥିପାଇଁ ଶୁକ୍ରବାର ବ୍ରହ୍ମପୁରସ୍ଥିତ ହନୁମାନ କ୍ଲବଠାରେ...

ଅନ୍ଧାରରେ ଭାରତ-ଓ୍ବେଷ୍ଟଇଣ୍ଡିଜ ସିରିଜ୍‌

ଅହମ୍ମଦାବାଦ୍‌,୨।୨: ଆସନ୍ତା ୬ ତାରିଖରୁ ଭାରତ ଓ ଓ୍ବେଷ୍ଟଇଣ୍ଡିଜ ମଧ୍ୟରେ ଆରମ୍ଭ ହେବାକୁ ଯାଉଥିବା ସୀମିତ ଓଭର ସିରିଜ୍‌ ଉପରେ କଳାବାଦଲ ଦେଖା ଦେଇଛି। ୩...

ରୋହିତ ସମ୍ପୂର୍ଣ୍ଣ ଫିଟ୍‌ ନାହାନ୍ତି: ଗାଙ୍ଗୁଲି

ନୂଆଦିଲ୍ଲୀ : ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ରେ ଚାମ୍ପିୟନ ମୁମ୍ବାଇ ଇଣ୍ଡିଆନ୍ସର ନେତୃତ୍ୱ ନେଇଥିବା ରୋହିତ ଶର୍ମାଙ୍କ ଫିଟ୍‌ନେସ୍‌କୁ ନେଇ ଆଲୋଚନା ଜୋର ଧରିଛି। ବିଶେଷ...

କଶ୍ମୀର ଘଟଣା: ସର୍ଫରାଜ ଅହମ୍ମଦଙ୍କ ଟିପ୍ପଣୀ

କରାଚୀ,୧୪।୮- କେନ୍ଦ୍ର ସରକାର ଜମ୍ମୁ-କଶ୍ମୀର ରାଜ୍ୟର ସ୍ବତନ୍ତ୍ର ମାନ୍ୟତା ପ୍ରତ୍ୟାହାର କରି କେନ୍ଦ୍ର ଶାସିତ ଅଞ୍ଚଳ ଘୋଷଣା କରିବାର ଗୋଟିଏ ସପ୍ତାହ ପରେ ପାକିସ୍ତାନ କ୍ରିକେଟ...

ଆମେରିକୀୟ ଓକିଲଙ୍କ ସହ ସାମିଙ୍କ ପରାମର୍ଶ

ନୂଆଦିଲ୍ଳୀ,୮।୯- ସ୍ତ୍ରୀ ହସିନ ଜାହାଁ ଘରୋଇ ହିଂସା ନେଇ ଦାଏର କରିଥିବା କେସ୍‌ର ସମ୍ମୁଖୀନ ହେବା ପାଇଁ ଭାରତୀୟ ତାରକା ଦ୍ରୁତ ବୋଲର ମହମ୍ମଦ ସାମି...

ସ୍ବତନ୍ତ୍ର କ୍ଲବରେ ମାଲିଙ୍ଗା

ଲିଡ୍ସ,୨୧।୬: ଶ୍ରୀଲଙ୍କାର ଅଭିଜ୍ଞ ପେସର ଲସିଥ ମାଲିଙ୍ଗା ଏକ ସ୍ବତନ୍ତ୍ର କ୍ଲବରେ ସ୍ଥାନ ପାଇଛନ୍ତି। ଏଠାରେ ଇଂଲଣ୍ଡ ବିପକ୍ଷରେ ଖେଳାଯାଇଥିବା ମ୍ୟାଚ୍‌ରେ ସେ ୪ ଉଇକେଟ...

ଆଇସିସି ବିଶ୍ୱକପ୍‌: ଦକ୍ଷିଣ ଆଫ୍ରିକା ବିପକ୍ଷରୁ ଭାରତର ଅଭିଯାନ

ସାଉଥାମ୍ପଟନ,୪।୬ (ପି.ଟି.)- ଆନ୍ତର୍ଜାତିକ କ୍ରିକେଟ କାଉନସିଲ (ଆଇସିସି) ବିଶ୍ୱକପ୍‌ର ଚଳିତ ଦ୍ୱାଦଶ ସଂସ୍କରଣରେ ଭାରତ ବୁଧବାରଠାରୁ ଅଭିଯାନ ଆରମ୍ଭ କରିବ। ଭାରତ ତା’ର ପ୍ରଥମ ମ୍ୟାଚ୍‌ରେ...

ରଣଜୀ ଟ୍ରଫି: ସୂର୍ଯ୍ୟକାନ୍ତଙ୍କୁ ୬ ଉଇକେଟ, ଓଡ଼ିଶା ଅଗ୍ରଣୀ

କଟକ ଅଫିସ,୧୧ା୧: ରୋହତକର ଚୌଧୁରୀ ବଂଶୀଲାଲ କ୍ରିକେଟ ଷ୍ଟାଡିୟମରେ ଶନିବାରଠାରୁ ଓଡ଼ିଶା-ହରିୟାଣା ରଣଜୀ ମ୍ୟାଚ୍‌ ଆରମ୍ଭ ହୋଇଛି। ଓଡ଼ିଶାର ପେସ୍‌ ବୋଲିଂ ଆଟାକ ପୁଣି ଥରେ...

Advertisement
Archives

Model This Week