ମହାକାଳପଡ଼ା,୨ା୧(ଡି.ଏନ.ଏ.):କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବରକନ୍ଧା ପଞ୍ଚାୟତର ତେନ୍ତୁଲୀକନ୍ଧା ଗଁାରେ ଜଳ ମୁନ୍ଦେ ପାଇଁ ଲୋକେ ବିଭିନ୍ନ ସମସ୍ୟାରେ ସମ୍ମୁଖିନ ହେଉଛନ୍ତି। ଗଁାରେ ଖନନ କରାଯାଇଥିବା ନଳକୂପରୁ ବାହାରୁଛି ଲୌହ ମିଶ୍ରିତ ହଳଦିଆ ରଙ୍ଗର ଲୁଣା ପାଣି। ଫଳରେ ଗଁାରେ ଦୀର୍ଘବର୍ଷ ହେବ ପାନୀୟ ଜଳ ସମସ୍ୟା ଲାଗି ରହିଛି। ଗଁାରେ ୫୦୦ରୁ ଅଧିକ ଲୋକ ବସବାସ କରୁଛନ୍ତି। ନଳକୂପରୁ ବାହାରୁଥିବା ଜଳକୁ ପାନୀୟ ଜଳ ରୂପେ ବ୍ୟବହାର କରି ହେଉନାହିଁ। ଏହି ଜଳ ପିଇବା ଦ୍ୱାରା ଅନେକ ସମୟରେ ପେଟ ରୋଗ ସମସ୍ୟା ଦେଖାଯାଉଛି। ଫଳରେ ଲୋକେ ବାଧ୍ୟ ହୋଇ ଗଁା ଠାକୁରାଣୀ ପୋଖରୀ ଜଳକୁ ପାନୀୟ ଜଳ ରୂପେ ବ୍ୟବହାର କରିବାକୁ ପଡ଼େ ବୋଲି ଯୁବକମାନେ କହିଛନ୍ତି। ଗଁାର ଯୁବକମାନେ ମିଳିତ ହୋଇ ପୋଖରୀକୁ ଦଳ ସଫା କରିବା ସହ ବିଶୋଧନ ପାଇଁ ଚୁନ ବ୍ୟବହାର କରୁଥିବା ଦେଖିବାକୁ ମିଳୁଛି। ଯୁବକମାନଙ୍କ କହିବା କଥା ଦଳ ଭର୍ତ୍ତିି ପୋଖରୀରୁ ପାଣି ପିଇବା ଦ୍ୱାରା ବିଭିନ୍ନ ପେଟ ରୋଗର ସମସ୍ୟା ସୃଷ୍ଠି ହେଉଛି ବୋଲି ସୁଧାଂଶୁ ନଳିନୀ ସେନାପତି, ପବିତ୍ର କୁମାର ସାହୁ, ଚୈତନ୍ୟ ସ୍ବାଇଁ, ଶଶଧର ରାଉତ, ରବୀନ୍ଦ୍ର ପ୍ରଧାନ ପ୍ରମୁଖ ଅଭିଯୋଗ କରିଛନ୍ତି।
