୩୬ ଘଣ୍ଟା, ୭୦୦ କି.ମି.

ଭୁବନେଶ୍ୱର,୩।୨(ବ୍ୟୁରୋ): ଭୁବନେଶ୍ୱର ଲକ୍ଷ୍ମୀସାଗର ଥାନା ଅନ୍ତର୍ଗତ ଝାରପଡ଼ା ଅଞ୍ଚଳରୁ ଜଣେ ବ୍ୟବସାୟୀଙ୍କ ପୁଅଙ୍କୁ ଅପହରଣ କରି ୩୦ ଲକ୍ଷ ଟଙ୍କାରେ ମୁଣ୍ଡ ଜାମିନ ଘଟଣାରେ କମିଶନରେଟ ପୋଲିସକୁ ସଫଳତା ମିଳିଛି। ତ୍ୱରିତ ପଦକ୍ଷେପ ଯୋଗୁ ଜଣେ ଯୁବକଙ୍କ ଜୀବନ ବଞ୍ଚତ୍ୟାଇଛି। ୩୬ ଘଣ୍ଟାର ଅପରେଶନ ଓ ଛକାପଞ୍ଝା ପରେ ପୋଲିସ ୪ ପେସାଦାର ଅପହର୍ତ୍ତାଙ୍କୁ ନୟାଗଡ଼ରୁ ଗିରଫ କରିବା ସହ ସେମାନଙ୍କ କବଳରୁ ଅପହୃତ ଯୁବକ ଇଶାନ ଅଗ୍ରଓ୍ବାଲଙ୍କୁ ଉଦ୍ଧାର କରିବାରେ ସକ୍ଷମ ହୋଇଛି। ଗିରଫ ଅଭିଯୁକ୍ତମାନେ ହେଲେ ଗଞ୍ଜାମ ଜିଲା ବ୍ରହ୍ମପୁର ବିଜିପୁରର ରାମ କ୍ରିଷ୍ଣା(୨୭), ସମ୍ବଲପୁର ଜିଲା ରେଢ଼ାଖୋଲର ସନ୍ତୋଷ କୁମାର ରାଉତ(୨୨), ନୟାଗଡ଼ ଜିଲା ଗୌଡ଼ପୁଟର ଧନେଶ୍ୱର ପାତ୍ର(୨୪) ଓ ଭୁବନେଶ୍ୱର ଖଣ୍ଡଗିରି ଥାନା ଅନ୍ତର୍ଗତ ରଘୁନାଥନଗରର ଏମ୍‌ଡି ମୁସ୍ତାକ ଅଲ୍ଲୀ(୨୫)। ଏମାନେ ଅପହରଣରେ ବ୍ୟବହାର କରିଥିବା ଏକ କାର୍‌, ୫ ମୋବାଇଲ ଫୋନ୍‌ ଓ ୨ଟି ଛୁରି ଜବତ କରାଯାଇଛି। ଅଭିଯୁକ୍ତଙ୍କୁ ଗୁରୁବାର କୋର୍ଟ ଚାଲାଣ କରାଯିବ। ଟିଆଇ ପରେଡ ପରେ ୭ ଦିନିଆ ରିମାଣ୍ଡ ଆବେଦନ କରାଯିବ ବୋଲି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ କହିଛନ୍ତି। ଏଥିସହ ପୂରା ଘଟଣା ସମ୍ପର୍କରେ ସୂଚନା ଦେଇ କମିଶନର କହିଛନ୍ତି, ଇଶାନଙ୍କୁ ଅପହରଣ କରିବା ପରେ ଅଭିଯୁକ୍ତମାନେ ଖୋର୍ଦ୍ଧା, ନୟାଗଡ଼, ଗଞ୍ଜାମ ଦେଇ ପାଖାପାଖି ୮୦୦ କି.ମି. ବୁଲାଇଛନ୍ତି। ପୋଲିସକୁ ମଧ୍ୟ ଅପହର୍ତ୍ତାଙ୍କ ନିକଟରେ ପହଞ୍ଚତ୍ବାକୁ ୩୬ ଘଣ୍ଟା ମଧ୍ୟରେ ୭୦୦ କି.ମି. ବୁଲିବାକୁ ପଡ଼ିଥିଲା। ତେବେ ଗିରଫ ଅଭିଯୁକ୍ତମାନେ ବୃତ୍ତିଗତ ଭାବେ ଏପରି ଅପହରଣ କରି ଟଙ୍କା ମାଗନ୍ତି। ଏହାପୂର୍ବରୁ ଏମାନେ ଭୁବନେଶ୍ୱରର ଜଣେ ବ୍ୟବସାୟୀଙ୍କୁ ମଧ୍ୟ ବ୍ରହ୍ମପୁରରୁ ଅପହରଣ କରିଥିଲେ। ଏହି ର଼୍ୟାକେଟ ସହ ଏକାଧିକ ବ୍ୟକ୍ତି ସମ୍ପୃକ୍ତ ଥିବା ଜଣାପଡିଛି। ରିମାଣ୍ଡରେ ଆଣି ଅଧିକ ପଚରାଉଚରା କରାଗଲେ ସମ୍ପୃକ୍ତ ଅନ୍ୟ ସହଯୋଗୀମାନେ ଧରାପଡ଼ିବେ ବୋଲି କମିଶନର କହିଛନ୍ତି।

ସୂଚନା ଅନୁଯାୟୀ, ଇଶାନ ବେଙ୍ଗାଲୁରରେ ବିବିଏ ପଢ଼ୁଛନ୍ତି। କୋଭିଡ୍‌ ପାଇଁ କ୍ଲାସ ବନ୍ଦ ହୋଇଯିବାରୁ ସେ ଘରକୁ ଆସିଥିଲେ। ଅନ୍ୟପକ୍ଷରେ ଇଶାନଙ୍କ ବାପା ରାମରୂପ ଅଗ୍ରୱାଲ ଜଣେ ଧନୀ ବ୍ୟବସାୟୀ ହୋଇଥିବାରୁ ଅପହର୍ତ୍ତାମାନେ ଟଙ୍କା ପାଇଁ ପୁଅ ଇଶାନଙ୍କୁ ଅପହରଣ କରିବାକୁ ସୁଯୋଗ ଖୋଜୁଥିଲେ। ଏଥିପାଇଁ ତାଙ୍କୁ ସେମାନେ କିଛିଦିନ ହେଲା ଫଲୋ କରୁଥିଲେ। ସୋମବାର ସା ପ୍ରାୟ ୬ଟାରେ ଇଶାନ ଝାରପଡ଼ା ନିକଟ ଏକ ଓମ୍‌ଫେଡ୍‌ ଷ୍ଟଲକୁ ଚା’ ପିଇବାକୁ ଯାଇଥିବାବେଳେ ଅପହର୍ତ୍ତାମାନେ ତାଙ୍କୁ ତାଙ୍କ ନାମ ଧରି ଡାକିଥିଲେ। ସେମାନେ ସମସ୍ତେ ମାସ୍କ ଓ ଟୋପି ପିନ୍ଧିଥିବାରୁ ମୁହଁ ସ୍ପଷ୍ଟ ଦେଖାଯାଉ ନ ଥିଲା। ଇଶାନ ତାଙ୍କ ପାଖକୁ ଯିବାପରେ ଅପହର୍ତ୍ତାମାନେ ଜୋର୍‌ ଜବରଦସ୍ତି କାର୍‌ର ପଛ ଡୋର ଖୋଲି ତାଙ୍କୁ ଭିତରେ ପୂରାଇ ନେଇଯାଇଥିଲେ। ଏହାପରେ ସେମାନେ ଇଶାନଙ୍କ ମୋବାଇଲରୁ ବାପା ରାମରୂପଙ୍କୁ ଫୋନ କରିଥିଲେ। ଏଥିସହ ଇଶାନଙ୍କ ବେକରେ ଛୁରି ଲଗାଇ ଏକ ଫଟୋ ତାଙ୍କ ହ୍ବାଟ୍ସଆପ୍‌କୁ ପଠାଇଥିଲେ। ୩୦ ଲକ୍ଷ ଟଙ୍କା ଦେଲେ ଇଶାନଙ୍କୁ ଛଡ଼ାଯିବ ବୋଲି ବାପାଙ୍କୁ ସେମାନେ ଧମକ ଦେଇଥିଲେ। ଏହାପରେ ରାମରୂପ ତୁରନ୍ତ ଥାନାରେ ଅଭିଯୋଗ କରିବା ପରେ ପୋଲିସ ଏକ ଅପହରଣ ମାମଲା (ନଂ. ୫୧/୨୨) ରୁଜୁ କରି ତଦନ୍ତ ଆରମ୍ଭ କରିଥିଲା।

ଇଶାନଙ୍କୁ ଉଦ୍ଧାର କରିବାକୁ କମିଶନରେଟ ପୋଲିସର ସ୍ପେଶାଲ ସ୍କ୍ବାଡ୍‌ ନେତୃତ୍ୱରେ ତୁରନ୍ତ ୪ଟି ଟିମ୍‌ ଗଠନ କରାଯାଇଥିଲା। ପୋଲିସ ଟିମ୍‌ ରାମରୂପଙ୍କୁ ସାଙ୍ଗରେ ଧରି ଅପରେଶନ ଆରମ୍ଭ କରିଥିଲା। ସମସ୍ତ ପୋଲିସ ସାଦା ପୋଷାକରେ ଥିଲେ। ଅପହର୍ତ୍ତାମାନେ ଇଶାନଙ୍କ ମୋବାଇଲରୁ ବାପାଙ୍କ ପାଖକୁ ଫୋନ୍‌ କରିବା ପରେ ସଙ୍ଗେସଙ୍ଗେ ସୁଇଚ୍‌ ଅଫ୍‌ କରି ଦେଉଥିଲେ। ଏପରିକି ଅପହର୍ତ୍ତାମାନେ କଲ୍‌ କରି ୩୦ରୁ ୪୦ କି.ମି. ପଳାଉଥିଲେ। ଫଳରେ ପୋଲିସ ତାଙ୍କ ମୋବାଇଲକୁ ଟ୍ରାକ୍‌ କରି ଅପହର୍ତ୍ତାଙ୍କ ନିକଟରେ ପହଞ୍ଚତ୍ବାକୁ କଷ୍ଟସାଧ୍ୟ ହୋଇଥିଲା। ପୋଲିସ ଟିମ୍‌ ମୋବାଇଲ ନମ୍ବରକୁ ଟ୍ରାକ୍‌ କରି ନୟାଗଡ଼, ଗଞ୍ଜାମ, ଖୋର୍ଦ୍ଧା ଜିଲାର ବିଭିନ୍ନ ଅଞ୍ଚଳରେ ଚଢ଼ାଉ କରିଥିଲା। ହେଲେ ଚଢ଼ାଉ ପୂର୍ବରୁ ଅପହର୍ତ୍ତାମାନେ ସେଠାରୁ ଚମ୍ପଟ ମାରୁଥିଲେ। ଏମିତି ଛକାପଞ୍ଝା ଭିତରେ ପୋଲିସ ପ୍ରାୟ ୭୦୦ କି.ମି. ବୁଲିସାରିଥିଲା। ମଙ୍ଗଳବାର ରାତି ପ୍ରାୟ ୧୧ଟାବେଳେ ଅପହର୍ତ୍ତା ଓ ଇଶାନଙ୍କ ମୋବାଇଲ୍‌ ଫୋନ୍‌ ନୟାଗଡ଼ ଜିଲା ସୁନାଖଳା ଜଙ୍ଗଲ ନିକଟରେ ଥିବା ଜଣାପଡ଼ିଥିଲା। ସେତେବେଳକୁ ପୋଲିସ ପାଖାପାଖି ଅଞ୍ଚଳରେ ଥିବାରୁ କାଳ ବିଳମ୍ବ ନ କରି ତୁରନ୍ତ ଉକ୍ତ ସ୍ଥାନରେ ପହଞ୍ଚତ୍ୟାଇଥିଲା। ସେଠାରେ ଏକ ନମ୍ବରବିହୀନ କାର ଥୁଆ ହୋଇଥିବା ଦେଖି ପୋଲିସ ଟିମ୍‌ ଘେରିଯାଇ ସମସ୍ତ ଅପହର୍ତ୍ତାଙ୍କୁ କାବୁ କରିବା ସହ ଇଶାନଙ୍କୁ ଉଦ୍ଧାର କରିଥିଲା। ତେବେ ଉଦ୍ଧାର ହେବା ପରେ ଇଶାନ ଓ ତାଙ୍କ ପରିବାର ଓଡ଼ିଶା ପୋଲିସକୁ ଧନ୍ୟବାଦ ଜଣାଇଛନ୍ତି।


Enter your email to get our daily news in your inbox.

All Right Reserved By Dharitri.Com

ବିଜୁ ମଇଦାନରୁ ମୁହଁ ଫେରାଉଛନ୍ତି ବୟସ୍କ

ଅନୁଗୋଳ ଅଫିସ, ୧୪।୧: ଅନୁଗୋଳ ସହର ଭିଆଇପି ରୋଡ୍‌ରେ ଥିବା ବିଜୁ ମଇଦାନରେ ଏବେ ସୁସ୍ଥ ବାତାବରଣ ନାହିଁ। ବିଶେଷକରି ସନ୍ଧ୍ୟାରେ ଏଠାରେ ଅସାମାଜିକଙ୍କ ଆଡ୍ଡା ଜମୁଛି।...

ମୁଖ୍ୟମନ୍ତ୍ରୀଙ୍କ ଭିଣୋଇ ସୋନି ମେହେଟ୍ଟାଙ୍କ ପରଲୋକ

ଭୁବନେଶ୍ୱର, ୩୧।୧୨(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭିଣୋଇ ତଥା ଲେଖିକା ଗୀତା ମେହେଟ୍ଟାଙ୍କ ସ୍ବାମୀ ସୋନି ମେହେଟ୍ଟାଙ୍କ ପରଲୋକ ଘଟିଛି। ମୃତ୍ୟୁବେଳକୁ ତାଙ୍କ ୭୬ ବର୍ଷ...

ରାଉରକେଲାରେ ହେବ ବିଶ୍ୱସ୍ତରୀୟ ହକି ଷ୍ଟାଡିୟମ

ଭୁବନେଶ୍ୱର,୨୪।୧୨(ବ୍ୟୁରୋ)-୨୦୨୩ରେ ହେବାକୁ ଥିବା ପୁରୁଷ ହକି ବିଶ୍ୱକପକୁ ଓଡ଼ିଶା ସରକାର ଆୟୋଜନ କରିବେ। ଏ ନେଇ କ୍ରୀଡ଼ା ଭିତ୍ତିଭୂମିର ବିକାଶ କରାଯାଉଛି। ବିଶ୍ୱକପକୁ ଦୃଷ୍ଟିରେ ରଖି...

ରାଜ୍ୟରେ ୨୦୮ କରୋନା ଆକ୍ରାନ୍ତ ଚିହ୍ନଟ: ନୂଆପଡ଼ାରୁ ସର୍ବାଧିକ

ଭୁବନେଶ୍ୱର,୨୯।୩(ବ୍ୟୁରୋ): ରାଜ୍ୟରେ ଦିନକୁ ଦିନ କରୋନା ଚିନ୍ତା ବଢ଼ାଉଛି। ସୋମବାର ରାଜ୍ୟରେ ୨୦୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆକ୍ରାନ୍ତଙ୍କ ମଧ୍ୟରୁ ୧୨୨ କ୍ୱାରାଣ୍ଟାଇନ୍‌ରୁ...

କେନ୍ଦ୍ର ପଠାଇଥିବା ୭୩ ଭେଣ୍ଟିଲେଟର ଅଚଳ

ଭୁବନେଶ୍ୱର, ୨୩ା୫(ବ୍ୟୁରୋ): କେନ୍ଦ୍ର ସରକାର ଓଡ଼ିଶାକୁ ପଠାଇଥିବା ୫୬୭ ଭେଣ୍ଟିଲେଟର ମଧ୍ୟରୁ ୭୩ଟି ଅଚଳ ହୋଇପଡ଼ିରହିଛି। ସେଥିରୁ ୧୮ଟିରେ ଉତ୍ପାଦନଗତ ତ୍ରୁଟି ରହିଥିବାବେଳେ ଅବଶିଷ୍ଟ ୫୫...

ନବନିର୍ମାଣ କୃଷକ ସଙ୍ଗଠନର ନ୍ୟାୟ ଯାତ୍ରା

ବୋଲଗଡ,୧୩ା୨(ଡି.ଏନ.ଏ.): ଚାଷୀମାନଙ୍କ ନ୍ୟାଯ୍ୟ ଦାବି ହାସଲ ପାଇଁ ସଂଗ୍ରାମ ଚଳାଇଥିବା ନବନିର୍ମାଣ କୃଷକ ସଙ୍ଗଠନର ନ୍ୟାୟ ଯାତ୍ରା ବୁଧବାର ବୋଲଗଡ଼ ବ୍ଲକ ସାଗରଗଁା ପଞ୍ଚାୟତରେ ପହଞ୍ଚତ୍ଥିଲା।...

କାଠଯୋଡ଼ି ବ୍ରିଜ୍‌ ମରାମତି ପାଇଁ ଯାତାୟାତରେ କଟକଣା

କଟକ ଅଫିସ, ୧ା୭:କଟକ କାଠଯୋଡ଼ି ମଝି ବ୍ରିଜ୍‌ର ମରାମତି କାର୍ଯ୍ୟ କରାଯିବ। ଏଥିପାଇଁ ଯାନବାହନ ଚଳାଚଳ ନିମନ୍ତେ କଟକଣା ଲାଗୁ କରାଯାଇଛି। ଏହା ଜୁଲାଇ ୧ରୁ...

ପିପିଲି ଉପନିର୍ବାଚନ: ଅଧିକ ୭୭ ବୁଥ୍‌ ହେବ

ପୁରୀ ଅଫିସ,୧୩।୧୧: ଆଗକୁ ପିପିଲି ବିଧାନସଭା ଆସନ ପାଇଁ ଉପନିର୍ବାଚନ ହେବ। ପ୍ରଦୀପ ମହାରଥୀଙ୍କ ବିୟୋଗ ପରେ ଏହି ଆସନ ଖାଲିପଡ଼ିଛି। ୬ମାସ ଭିତରେ ନିର୍ବାଚନ...

Advertisement
Archives

Model This Week