ନୂଆଦିଲ୍ଲୀ,୨୫।୧ : ସାଧାରଣତନ୍ତ୍ର ଦିବସ ଅବସରରେ ୯୦୧ ଜଣ ପୋଲିସଙ୍କୁ ପୋଲିସ ମେଡାଲରେ ସମ୍ମାନୀତ କରାଯାଇଛି। ଏଥିରେ ୧୪୦ ଜଣ ପୋଲିସଙ୍କୁ ଗ୍ୟାଲେଣ୍ଟ୍ରି ପାଇଁ ବୀରତା ପଦକ ପ୍ରଦାନ କରାଯାଇଛି। ଏହା ବ୍ୟତୀତ ୯୩ ପୋଲିସଙ୍କୁ ବିଶିଷ୍ଟ ସେବା (ପିପିଏମ) ଏବଂ ରାଷ୍ଟ୍ରପତି ସେବା (ପିଏମ) ପାଇଁ ୬୬୮ ଜଣଙ୍କୁ ରାଷ୍ଟ୍ରପତି ପଦକ ପ୍ରଦାନ କରାଯାଇଛି।
ଅଧିକାରୀଙ୍କ ଅନୁଯାୟୀ, ସାହସିକତା ପାଇଁ ପୁରସ୍କୃତ ହୋଇଥିବା ପୋଲିସଙ୍କ ମଧ୍ୟରୁ ୮୦ ଜଣ ଉଗ୍ରବାଦୀ ପ୍ରଭାବିତ ଅଞ୍ଚଳରେ ଏବଂ ୪୫ ଜଣ ଜମ୍ମୁ-କଶ୍ମୀରରେ ସେବା ପାଇଁ ପୁରସ୍କୃତ ହୋଇଛନ୍ତି। ସେଥିମଧ୍ୟରୁ ୪୮ ଜଣ ସିଆରପିଏଫର, ୩୧ ଜଣ ମହାରାଷ୍ଟ୍ର ପୋଲିସର ଅଛନ୍ତି। ଏହା ସହିତ ଜମ୍ମୁ-କଶ୍ମୀରର ୨୫ ଜଣ, ଝାଡଖଣ୍ଡର ନଅ ଜଣ, ଦିଲ୍ଲୀ ପୋଲିସର ୭ ଜଣ ଅଛନ୍ତି। ଏହା ବ୍ୟତୀତ ଅନ୍ୟ ରାଜ୍ୟର ବିଏସଏଫ ଏବଂ ପୋଲିସ ଅଛନ୍ତି।
