ବ୍ରହ୍ମପୁର, ୨୧/୫(ସୁବାସ ଚନ୍ଦ୍ର ପାଢ଼ୀ): ବ୍ରହ୍ମପୁର ଗିରିରୋଡ ଆକ୍ରମଣ ଘଟଣାରେ ଅଭିଯୁକ୍ତ ମୁକେଶ ସାହୁକୁ ଏନକାଉଣ୍ଟର କରାଯାଇଛି। ଡିଜିଙ୍କ ଚରମବାଣୀ ପରେ ଅପରାଧୀଙ୍କୁ କାଉଣ୍ଟର ପାଇଁ ଏନକାଉଣ୍ଟର ଜାରି ରଖିଛି ବ୍ରହ୍ମପୁର ପୋଲିସ। ଗତ ସପ୍ତାହକ ମଧ୍ୟରେ ଏହା ଦ୍ୱିତୀୟ ଏନକାଉଣ୍ଟର। ଗିରିରୋଡ଼ରେ ଉମେଶ ରଥ ଓ ତାଙ୍କ ସ୍ତ୍ରୀ’ଙ୍କୁ ସର୍ବ ସମ୍ମୁଖରେ ରାସ୍ତା ଉପରେ ନିସ୍ତୁକ ମାଡ ମାରିଥିଲେ ମୁକେଶ ଓ ଅନ୍ୟ ସହଯୋଗୀ । ବୁଧବାର ବିଳମ୍ବିତ ରାତିରେ ଗୋଳନ୍ଥରା ଥାନା ଅନ୍ତର୍ଗତ ଟାମଣା ଘଟିଠାରେ ପୋଲିସ ଗୋଡ଼ାଇ ଗୋଡାଇ ଏନକାଉଣ୍ଟର କରିବା ପରେ ମୁକେଶକୁ ଏମକେସିଜି ମେଡିକାଲ ଆଇସିୟୁରେ ଭର୍ତ୍ତି କରାଯାଇଛି । ଏହି ଘଟଣାରେ ପୋଲିସ ବୁଧବାର ରାଜ ମଲୋହୋତ୍ର ଓ ରିଙ୍କୁ ସାମଲଙ୍କୁ ଗିରଫ କରିଥିଲା । ମାମଲାରେ ସମ୍ପୃକ୍ତ ଆଉ ଜଣେ ଅଭିଯୁକ୍ତ ଏବେ ମଧ୍ୟ ଫେରାର ରହିଛି ।
ଉମେଶ ରଥ ଆକ୍ରମଣ ଘଟଣା ପରେ ପୋଲିସ ଟିମ ଉମେଶଙ୍କ ଗତିବିଧି ଉପରେ ନଜର ରଖିଥିଲା। ବୁଧବାର ରାତ୍ର ୧୨ ବେଳେ ସେ ଚିକିଟି ଅଭିମୁଖେ ଯାଉଥିବା ପୋଲିସ ଖବର ପାଇଥିଲା। ପୋଲିସ ଟିମ ତାଙ୍କୁ ପିଛା କରିଥିଲା। ଟାମଣା ଘାଟି ପାଖରେ ପୋଲିସକୁ ଦେଖି ମୁକେଶ ପ୍ରଥମେ ଏନକାଉଣ୍ଟର କରିଥିଲା। ଏହାର ପାଲଟା ଜବାବରେ ପୋକିଛତାଙ୍କ ଉପରକୁ ତିନି ରାଉଣ୍ଡ ଗୁଳି ଚାଳନା କରିଥିଲା। ମୁକେଶଙ୍କ ଦୁଇ ଗୋଢ଼ର ଆଣ୍ଠୁ ଓ ହାତରେ ଗୁଳି ବାଜିଛି। ସେ ଏବେ ଏମକେସିଜି ମେଡିକାଲରେ ଚିକିତ୍ସାଧୀନ ରହିଛନ୍ତି। ପୋଲିସ ତଦନ୍ତ ଜାରି ରଖିଛି। ତାଙ୍କ ବିରୋଧରେ ବିଭିନ୍ନ ଥାନାରେ ମାମଲା ଥିବା ପୋଲିସ କହିଛି। ପୂର୍ବରୁ ଗତ ୧୬ ତାରିଖରେ ଜଣେ ଯୁବକଙ୍କୁ ଓଭର ବ୍ରିଜରୁ ତଳକୁ ଠେଲି ହତ୍ୟା ଉଦ୍ୟମ କରିଥିବା ଘଟଣାର ମାଷ୍ଟରମାଇଣ୍ଡ ଦିପୁନା ସାହୁଙ୍କୁ ଗୋପାଳପୁର ପୋଲିସ କୀର୍ତ୍ତିପୁର ଛକରେ ଦୁର୍ଦ୍ଦାନ୍ତ ଏନକାଉଣ୍ଟର କରିଥିଲା। ଅପରାଧୀଙ୍କ ଛାତି ଏବେ ଧଡ଼ଧଡ଼ ହେବାରେ ଲାଗିଥିବା ଶୁଣିବାକୁ ମିଳୁଛି।
Dharitri – Odisha’s No.1 Odia Daily
