କାନପୁର,୧୦।୧୧: ଉତ୍ତରପ୍ରଦେଶର କାନପୁର ଦେହାତରେ ପୋଲିସର ବର୍ବରତାର ଏକ ଭିଡିଓ ସାମ୍ନାକୁ ଆସିଛି। ଭିଡିଓରେ ଏକ ଶିଶୁକୁ ନିଜ କୋଳରେ ବୋହି ନେଉଥିବା ବ୍ୟକ୍ତିଙ୍କ ଉପରେ ପୋଲିସ ଲାଠିଚାର୍ଜ କରୁଥିବା ଦେଖିବାକୁ ମିଳିଛି। କାନପୁର ଦେହାତର ଆକବରପୁର ଜିଲା ଡାକ୍ତରଖାନା ସମ୍ମୁଖରେ ଏହି ଘଟଣା ଘଟିଛି।
ସୂଚନାଯୋଗ୍ୟ, ଇନ୍ସପେକ୍ଟର ଭି.କେ ମିଶ୍ର କୋଳରେ ଶିଶୁ ଧରିଥିବା ବ୍ୟକ୍ତିଙ୍କୁ କେବଳ ବାଡିରେ ଆକ୍ରମଣ କରିନାହାଁନ୍ତି ବରଂ ତାଙ୍କ ପିଲାକୁ ଛଡ଼େଇ ନେବାକୁ ଚେଷ୍ଟା କରିଥିଲେ। ଭିଡିଓରେ ଯୁବକ ଜଣକ କହୁଛନ୍ତି, ପିଲାକୁ ମାର ନାହିଁ। ମୋର ଇଏ ଗୋଟିଏ ସନ୍ତାନ। ତା’ ମା’ ମଧ୍ୟ ନାହିଁ। କିନ୍ତୁ ପୋଲିସ ଏହା ନ ଶୁଣି ବ୍ୟକ୍ତିଙ୍କ ଉପରେ ଲାଠିଚାର୍ଜ କରିବା ସହ ପିଟିଥିଲେ। କିଛି ଅଧିକାରୀ ଶିଶୁଟିକୁ ତାଙ୍କ ପାଖରୁ ଟାଣି ଆଣିବାକୁ ଚେଷ୍ଟା କରିଥିଲେ। ପିଲାଟି କାନ୍ଦିବା ପରେ ମଧ୍ୟ ପୋଲିସ ବର୍ବର କାମ କରିଚାଲିଥିଲା। ପୋଲିସ ଦାବି କରିଛି ଯେ, ଏହି ବ୍ୟକ୍ତି ଜଣଙ୍କ ଇନ୍ସପେକ୍ଟରଙ୍କ ହାତରେ କାମୁଡିଥିଲେ। ଭିଡିଓ ଭାଇରାଲ ହେବା ପରେ ଙ୍ଏଡିଜି ଜୋନ ଭାନୁ ଭାସ୍କର ଇନ୍ସପେକ୍ଟରଙ୍କୁ ନିଲମ୍ବନ କରିଥିଲେ।
सशक्त कानून व्यवस्था वो है जहां कमजोर से कमजोर व्यक्ति को न्याय मिल सके।
यह नहीं कि न्याय मांगने वालों को न्याय के स्थान पर इस बर्बरता का सामना करना पड़े,यह बहुत कष्टदायक है।भयभीत समाज कानून के राज का उदाहरण नहीं है।
सशक्त कानून व्यवस्था वो है जहां कानून का भय हो,पुलिस का नहीं। pic.twitter.com/xoseGpWzZH
— Varun Gandhi (@varungandhi80) December 10, 2021
ଭାଜପା ଏମ୍ପି ବରୁଣ ଗାନ୍ଧୀ ଟୁଇଟ କରି ଏହି ପ୍ରସଙ୍ଗରେ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି ଯେ, ଏହା ଏକ କଷ୍ଟଦାୟକ। ନ୍ୟାୟ ଖୋଜୁଥିବା ଲୋକଙ୍କୁ ନ୍ୟାୟ ବଦଳରେ ଏହି ବର୍ବରତାର ସାମ୍ନା କରିବାକୁ ପଡୁଛି।
