ଲୁଜ୍ ଆର୍ଡିଡେନ୍, ୧୬ା୭-ସ୍ଲୋଭେନିଆର ଟାଡେଜ ପୋଗାକାର (ୟୁଏଇ ଟିମ୍ ଏମିରେଟ୍ସ) ଟୁର୍ ଡି ଫ୍ରାନ୍ସ ସାଇକେଲ ରେସ୍ର ୧୮ତମ ବିଜେତା ହୋଇଛନ୍ତି। ଏଥିସହିତ ସେ ଟାଇଟଲ ନିକଟତର ହୋଇଛନ୍ତି। ଗୁରୁବାର ପାଉଠାରୁ ଲୁଜ୍ ଆର୍ଡିଡେନ୍ ୧୨୯.୭ କିଲୋମିଟର ବିଶିଷ୍ଟ ଚଳିତବର୍ଷର ଶେଷ ପାର୍ବତ୍ୟାଞ୍ଚଳ ରେସ୍କୁ ସେ ୩ ଘଣ୍ଟା ୩୩ ମିନିଟ ୨୫ ସେକେଣ୍ଡରେ ଶେଷ କରିଥିଲେ। ସେ ରେସ୍ର ଶେଷ ୫୦୦ ମିଟର ତାଙ୍କ ସ୍ପିଡ୍ ବଢାଇଥିଲେ। ସେ ଡେନ୍ମାର୍କର ଜୋନାସ ଭିଙ୍ଗେଗାର୍ଡ ଓ ଇକ୍ୱେଡରର ରିଚାର୍ଡ କାରାପାଜ୍ଙ୍କୁ ୨ ସେକେଣ୍ଡ ବ୍ୟବଧାନରେ ପଛରେ ପକାଇ ଦେଇଥିଲେ। ଆଉ ୩ଟି ରେସ୍ ବାକି ରହିଛି। ରବିବାର ଇଭେଣ୍ଟର ଫାଇନାଲ ରେସ୍ ହେବ। ପୋଗାକାର ଜେନେରାଲ କ୍ଲାସିଫିକେଶନରେ ଭିଙ୍ଗେଗାର୍ଡଙ୍କଠାରୁ ୫ ମିନିଟ ୪୫ ସେକେଣ୍ଡ ଏବଂ ତୃତୀୟ ସ୍ଥାନରେ ଥିବା କାରାପାଜ୍ଙ୍କଠାରୁ ଆହୁରି ୬ ସେକେଣ୍ଡ ଆଗରେ ରହିଛନ୍ତି। ଅଷ୍ଟ୍ରେଲିଆର ବେନ୍ ଓ’କନର ୮ମିନିଟ ୧୮ ସେକେଣ୍ଡ ବ୍ୟବଧାନରେ ଚତୁର୍ଥ ସ୍ଥାନରେ ରହିଛନ୍ତି।
