ନୂଆଦିଲ୍ଲୀ,୨୧ ।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ରାତି ପ୍ରାୟ ୯ଟା ୧୫ରେ ନୂଆଦିଲ୍ଲୀର ଲାଲ କିଲାରେ ଗୁରୁ ତେଗ ବାହାଦୂରଙ୍କ ୪୦୦ତମ ପ୍ରକାଶ ପର୍ବ ସମାରୋହରେ ସାମିଲ ହେବେ । ଏହି ଅବସରରେ ମୋଦି ଉପସ୍ଥିତ ଜନତାଙ୍କୁ ସମ୍ବୋଧିତ କରିବେ ଓ ଏକ ସ୍ମାରକ କଏନ ଓ ଡାକ ଟିକେଟ ଜାରି କରିବେ ।
ପ୍ରଧାନମନ୍ତ୍ରୀ କାର୍ଯ୍ୟାଳୟ(ପିଏମଓ) ଦ୍ୱାରା ଜାରି ପ୍ରେସ ବିଜ୍ଞପ୍ତି ଅନୁଯାୟୀ, କାର୍ଯ୍ୟକ୍ରମର ଆୟୋଜନ ଭାରତ ସରକାରଙ୍କ ଦ୍ୱାରା ଦିଲ୍ଲୀ ଶିଖ ଗୁରୁଦ୍ୱାର ପ୍ରବନ୍ଧକ କମିଟିର ସହଯୋଗରେ କରାଯାଇଛି । ଏହି ଦୁଇ ଦିନିଆ(୨୦-୨୧ ଏପ୍ରିଲ) କାର୍ଯ୍ୟକ୍ରମରେ ଦେଶର ବିଭିନ୍ନ ଭାଗରୁ ରାଗି ଓ ଶିଶୁ ‘ଶବ୍ଦ କିର୍ତ୍ତନ’ରେ ଅଂଶ ଗ୍ରହଣ କରିବେ । ଏହାସହ ସେଠାରେ ଗୁରୁ ତେଗ ବାହାଦୂରଙ୍କ ଜୀବନୀ ଉପରେ ଏକ ଭବ୍ୟ ଲାଇଟ ଆଣ୍ଡ ସାଉଣ୍ଡ ଶୋ’ ହେବ । ଏହାସହ ଶିଖଙ୍କ ପାରମ୍ପରିକ ମାର୍ଶଲ ଆର୍ଟ ’ଗତକା’ର ବି ଆୟୋଜନ କରାଯାଇଛି । ଏହି କାର୍ଯ୍ୟକ୍ରମ ନବମ ଶିଖ ଗୁରୁ ତେଗ ବାହାଦୂରଙ୍କ ଉଦ୍ଦେଶ୍ୟକୁ ରେଖାଙ୍କିତ କରିବ ।
