ନୂଆଦିଲ୍ଲୀ,୧୩।୫: ଭାରତର ପୁରୁଷ ବ୍ୟାଡମିଣ୍ଟନ ଦଳ ରବିବାର ଏକପାଖିଆ ଫାଇନାଲରେ ୧୪ଥର ଚାମ୍ପିୟନ ଇଣ୍ଡୋନେସିଆକୁ ୩-୦ରେ ପରାସ୍ତ କରି ପ୍ରଥମ ଥର ପାଇଁ ଥୋମାସ କପ ଟାଇଟଲ ଜିତି ଇତିହାସ ରଚିଛି। ଭାରତୀୟ ଦଳର ଐତିହାସିକ ପ୍ରଦର୍ଶନ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫୋନରେ ଥୋମାସ କପ ଜିତିଥିବା ବ୍ୟାଡମିଣ୍ଟନ ଦଳ ସହ କଥା ହୋଇ ସେମାନଙ୍କୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ କହିଛନ୍ତି, ଏହି ବିଜୟ ଆମ ଆଗାମୀ ପିଢିକୁ ବହୁତ ଉତ୍ସାହିତ କରିବ। ଭାରତର ବ୍ୟାଡମିଣ୍ଟନ ଦଳ ଇତିହାସ ସୃଷ୍ଟି କରିଛି। ଥୋମାସ କପ ଜିତିବା ପରେ ପୁରା ଦେଶ ଉତ୍ସାହିତ। ଆମ ଦଳକୁ ଅନେକ ଅନେକ ଅଭିନନ୍ଦନ ଏବଂ ଭବିଷ୍ୟତ ପାଇଁ ଶୁଭେଚ୍ଛା।
୧୯୭୯ରୁ ଥୋମାସ କପର ସେମିଫାଇନାଲରେ ଭାରତୀୟ ଦଳ କେବେ ବି ପହଞ୍ଚି ନ ଥିଲା। କିନ୍ତୁ ୨୦୨୨ରେ ମାଲେସିଆ ଏବଂ ଡେନମାର୍କ ପରି ଏକ ଶକ୍ତିଶାଳୀ ଦଳକୁ ପରାସ୍ତ ଭାରତ ଟାଇଟେଲ୍ ବିଜୟୀ ହୋଇଛି।
