ଲଣ୍ଡନ,୩ା୧୧: ବ୍ରିଟେନର ଜଣେ ମହିଳାଙ୍କ ବାଥ୍ରୁମ୍ରେ ଜଣେ ୫୭ ବର୍ଷୀୟ ପ୍ଲମ୍ବର ଗୁପ୍ତ କ୍ୟାମେରା ଲଗାଇଥିଲେ। ଏହା ଦ୍ୱାରା ମହିଳାଙ୍କ ସମସ୍ତ ବାଥ୍ରୁମ୍ ଦୃଶ୍ୟ ଏହି କ୍ୟାମେରାରେ ରେକର୍ଡ କରିଥିଲେ। ଦିନେ ମହିଳାଙ୍କ ନଜର ଏହି କ୍ୟାମେରା ଉପରେ ପଡ଼ିଥିଲା। ଏହା ପରେ ସେ ପୋଲିସକୁ ସୂଚନା ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ପ୍ଲମ୍ବରଙ୍କୁ ଗିରଫ କରିଛି।
ଏହି ଘଟଣା ବ୍ରିଟେନର ନଟିଘମରେ ଘଟିଛି। ଏଠାକାର ୫୭ ବର୍ଷୀୟ ଜେମ୍ସ ହୁଲ୍ମେ ୨୦୧୮ରେ ମହିଳାଙ୍କ ଘରର ପ୍ଲମ୍ବିଂ କାମ କରୁଥିଲେ। ଏହି ସମୟରେ ସେ ମହିଳାଙ୍କ ବାଥ୍ରୁମ୍ରେ ଏକ କ୍ୟାମେରା ଲଗାଇଥିଲେ। ଯାହା ମହିଳା ଜଣକ ଜାଣି ପାରି ନ ଥିଲେ। ଦିନେ ମହିଳା ଜଣକଙ୍କ ନଜର ଏହି କ୍ୟାମେରା ଉପରେ ପଡ଼ିଥିଲା। ସେ ସଙ୍ଗେ ସଙ୍ଗେ ପୋଲିସକୁ ସୂଚନା ଦେଇଥିଲେ। ପୋଲିସ ପହଞ୍ଚି ଘଟଣାର ତଦନ୍ତ କରିଥିଲା। ପରେ ସେ ଜେମ୍ସ୍ଙ୍କ ଘରେ ପହଞ୍ଚିଥିଲେ। ଏଥିରେ ପୋଲିସ ଯାହା ଜାଣିଲା ଆଶ୍ଚର୍ଯ୍ୟ ହୋଇଗଲା। ତାଙ୍କ ଘରେ ଥିବା କମ୍ପ୍ୟୁଟରରୁ ୩୦୨ ଅଶ୍ଳୀଳ ଫଟୋ ମିଳିଥିଲା। ଆଉ କିଛି ମହିଳାଙ୍କ ବାଥ୍ରୁମ୍ର ଅଶ୍ଳୀଳ ଫଟୋ ବି ମିଳିଥିଲା। ପୋଲିସ ଜେମ୍ସଙ୍କୁ ପଚାରିବାରୁ ସେ ସବୁ ସତକଥା ମାନିଥିଲେ। ସେ କହିଥିଲେ, ତାଙ୍କୁ ମହିଳାଙ୍କ ଅଶ୍ଳୀଳ ଫଟୋ ଦେଖିବାକୁ ଭଲ ଲାଗେ। ତେଣୁ ସେ ଏମିତି ଚୋରାରେ କ୍ୟାମେରା ଲଗାଇଥାନ୍ତି, ଯାହା ଅନ୍ୟମାନେ ଜାଣି ପାରି ନ ଥାନ୍ତି। ଅନ୍ୟପକ୍ଷରେ ଜେମ୍ସଙ୍କୁ ୧୨ ମାସ ଜେଲ ଦଣ୍ଡ ଶୁଣାଇଛନ୍ତି କୋର୍ଟ।
