ଇଣ୍ଡିଆନ ପ୍ରିମିୟର ଲିଗର ୧୪ତମ ସଂସ୍କରଣ ୨୦୨୧ ଚେନ୍ନାଇରେ ଏପ୍ରିଲ ୯ରୁ ଆରମ୍ଭ ହେବ। ପ୍ରଥମ ମ୍ୟାଚ ଡିଫେଣ୍ଡିଂ ଚାମ୍ପିଅନ ତଥା ଆଇପିଏଲର ସଫଳତମ ଦଳ ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ମଧ୍ୟରେ ହେବ। ଆଇପିଏଲ୍ରେ ସର୍ବାଧିକ ଛକା ମାରିଥିବା ତାଲିକାରେ ଟପ୍ରେ କିଏ ଅଛନ୍ତି ଜାଣିଛନ୍ତି କି..
ୱେଷ୍ଟଇଣ୍ଡିଜ୍ର କ୍ରିସ ଗେଲ ଛକା ମାରିବା ପାଇଁ ପ୍ରସିଦ୍ଧ। ସେ ଆଇପିଏଲ୍ରେ ଛକା ତାଲିକାର ଶୀର୍ଷରେ ଅଛନ୍ତି। ଏପର୍ଯ୍ୟନ୍ତ ସେ ୧୩୧ ଇନିଂସରେ ମୋଟ ୩୪୯ ଛକା ମାରିଛନ୍ତି।
ଦକ୍ଷିଣ ଆଫ୍ରିକାର ପୂର୍ବତନ ଭେଟେରାନ ଏବି ଡି ଭିଲିୟର୍ସ ଆଇପିଏଲରେ ମାତ୍ର ୧୬୯ ମ୍ୟାଚ ଖେଳିଛନ୍ତି କିନ୍ତୁ ତାଙ୍କ ନାମରେ ୨୩୫ ଛକା ରହିଛି। ସେ ଏପର୍ଯ୍ୟନ୍ତ ଏହି ଟି -୨୦ ଲିଗର ୧୫୬ ଇନିଂସରେ ମୋଟ ୪୮୪୯ ରନ ସଂଗ୍ରହ କରିଛନ୍ତି।
ଚେନ୍ନାଇ ସୁପର କିଙ୍ଗ୍ସର ଅଧିନାୟକ ମହେନ୍ଦ୍ର ସିଂ ଧୋନୀ ଏହି ଲିଗରେ ଏପର୍ଯ୍ୟନ୍ତ ୨୦୪ଟି ମ୍ୟାଚ ଖେଳିଛନ୍ତି ଏବଂ ସେ ଛକା ତାଲିକାରେ ତୃତୀୟ ସ୍ଥାନରେ ଅଛନ୍ତି। ସେ ଏପର୍ଯ୍ୟନ୍ତ ୨୧୬ ଛକା ମାରିଛନ୍ତି। ସେ ୧୮୨ଇନିଂସରେ ମୋଟ ୪୬୩୨ ରନ କରିଛନ୍ତି।
ରେକର୍ଡ ପାଞ୍ଚ ଥର ଚାମ୍ପିଅନ ମୁମ୍ବାଇ ଇଣ୍ଡିଆନ ଅଧିନାୟକ ରୋହିତ ଶର୍ମା ଏପର୍ଯ୍ୟନ୍ତ ୨୦୦ ଆଇପିଏଲ ମ୍ୟାଚରେ ମୋଟ ୨୧୩ଟି ଛକା ମାରିଛନ୍ତି। ସେ ଛକା ତାଲିକାରେ ଚତୁର୍ଥ ସ୍ଥାନରେ ଅଛନ୍ତି। ଏହି ସମ୍ମାନଜନକ ଟି -୨୦ ଲିଗରେ ରୋହିତ ୫୨୩୦ ରନ ସଂଗ୍ରହ କରିଛନ୍ତି।
ଏହି ଲିଗ୍ରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ହୁଏତ ଥରେ ଟାଇଟଲ ଜିତି ନ ଥାଇପାରେ, କିନ୍ତୁ ଏହାର ଅଧିନାୟକ ବିରାଟ କୋହଲିଙ୍କ ପ୍ରତ୍ୟେକ ସିଜିନରେ ଚମତ୍କାର ପ୍ରଦର୍ଶନ କରିଥାନ୍ତି। ବିରାଟ ଏପର୍ଯ୍ୟନ୍ତ ଆଇପିଏଲରେ ୧୯୨ଟି ମ୍ୟାଚ ଖେଳି ମୋଟ ୫୮୭୮ ରନ୍ କରିଛନ୍ତି। ଏଥିରେ ୨୦୧ଟି ଛକା ସାମିଲ ଅଛି।
