ପାଇଲଟ୍‌ ପ୍ରକଳ୍ପ ବାଟବଣା

ଜଳେଶ୍ୱର, ୩।୬(ଡି.ଏନ.ଏ.) ଦୁଇବର୍ଷ ତଳେ ବାଲେଶ୍ୱର ଜିଲାର କ୍ଲଷ୍ଟର ରୁରାଲ ହାଉସିଂ କଲୋନୀ ଜଳେଶ୍ୱର ବ୍ଲକରେ ପାଇଲଟ ପ୍ରକଳ୍ପ ଭାବେ କାର୍ଯ୍ୟ ଆରମ୍ଭ କରିଥିଲା ା ଅଦ୍ୟାବଧି କାର୍ଯ୍ୟ ଶେଷ ହେବାର ନାମ ଧରୁନାହିଁ। ସେଠାରେ ୬୦ପରିବାର ରହିବାକୁ ଥିବା ବେଳେ ଅଦ୍ୟାବଧି ୩ଟି ପରିବାର ଅସହାୟ ଭାବେ ବସବାସ କରୁଛନ୍ତି ା ଉକ୍ତ ଘର ଓ ସଂଲଗ୍ନ ପାଇଖାନା ଗୃହଗୁଡିକରେ କବାଟ, ଝରକା ନ ଥିବା ବେଳେ ବିଦ୍ୟୁତ୍‌, ପିଇବା ପାଣି ବ୍ୟବସ୍ଥା ହୋଇନାହିଁ ା ଅପରପକ୍ଷେ ଏସବୁ କାର୍ଯ୍ୟର ସମସ୍ତ ବିଲ୍‌ ପୈଠ ହୋଇସାରିଥିବା ଜଣାଯାଇଛି ା ଏପରି ଏକ ଆଦର୍ଶ ପ୍ରକଳ୍ପ କାର୍ଯ୍ୟ ଶେଷ କରି ୬୦ପରିବାରକୁ ଥଇଥାନ କରିବା ସହିତ ସମସ୍ତ କାଯର୍‌ୟର ଭିଜିଲାନ୍ସ ତଦନ୍ତ କରିବାକୁ ଦାବି ହୋଇଛି ା
୨୦୧୯-୨୦ ଆର୍ଥିକ ବର୍ଷରେ ବାଲେଶ୍ୱର ଜିଲାର ପାଇଲଟ ପ୍ରକଳ୍ପ ଭାବେ କ୍ଲଷ୍ଟର ରୁରାଲ ହାଉସିଂ କାଯର୍‌ୟ ଆରମ୍ଭ ହୋଇଥିଲା। ଜଳେଶ୍ୱର ବ୍ଲକର ରାଜପୁର ଓ ମହମ୍ମଦନଗରପାଟଣା ଗ୍ରାମର ୬୦ଜଣ ଭୂମି ଓ ଗୃହହୀନ ପରିବାରକୁ ଥଇଥାନ କରିବା ଲାଗି ଓଳିନ୍ଦା ଗ୍ରାମରେ ଏପରି ଏକ ପ୍ରକଳ୍ପକୁ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ହାତକୁ ନେଇଥିଲେ ା ଜିଲାପାଳ ଓ ଜିଲା ପ୍ରଶାସନର ବାରମ୍ବାର ଗସ୍ତ ଫଳରେ ସେଠାରେ ୬୦ ପରିବର୍ତ୍ତେ ୫୫ଟି ଗୃହ କାର୍ଯ୍ୟ ଆରମ୍ଭ ହୋଇଥିଲା ା ସେହି ଆର୍ଥିକ ବର୍ଷ ଶେଷସୁଦ୍ଧା ଘରଗୁଡିକ ପୂର୍ଣ୍ଣାଙ୍ଗ କରି ଲୋକଙ୍କୁ ବସବାସ କରାଇବା ଲକ୍ଷ୍ୟ ଥିଲା ା ହିତାଧିକାରୀ ପ୍ରତି ୨ଡିସିମିଲ ସ୍ଥାନରେ ୧ଲକ୍ଷ ୨୦ହଜାର ଟଙ୍କାର ଗୃହ, ୧୨ହଜାର ଟଙ୍କାର ପାଇଖାନା, ୧୦ହଜାର ଟଙ୍କାର ବୋନସ୍‌ ଓ ୧୨ହଜାର ଟଙ୍କାର ଏକ କମ୍ପୋଷ୍ଟ ଖତଗାଡି ନିର୍ମାଣ ଲାଗି ଯୋଜନା ଥିଲା ା ଏହାବ୍ୟତୀତ ବିଶୁଦ୍ଧ ପାଇପ୍‌ ପିଇବା ପାଣି, ପୋଖରୀ, ବିଦ୍ୟୁତ୍‌ ଯୋଗାଣ, କଲୋନୀକୁ ରାସ୍ତା, ଆମୋଦପ୍ରମୋଦ ଲାଗି ପାର୍କ, ଆବଶ୍ୟକସ୍ଥଳେ ବିଦ୍ୟାଳୟ, ଖେଳପଡିଆ ଆଦି ବ୍ୟବସ୍ଥାର ଯୋଜନା ଥିଲା। ଏନ୍‌ଆର୍‌ଇଜିଏସ୍‌ର ଅର୍ଥ ମଧ୍ୟ ସେଠାରେ ବିନିଯୋଗ ହେବାକୁ ଥିବା ବେଳେ ଅଦ୍ୟାବଧି ପୁରୁଣା ପୋଖରୀକୁ ଖନନ ବ୍ୟତିତ ଅନ୍ୟ କୌଣସି କାର୍ଯ୍ୟ ଶେଷ ହୋଇନାହିଁ ା ଏବେ ବିଦ୍ୟୁତ୍‌ ତାର ଟଣାଯାଉଥିବା ବେଳେ ପାଣି ପ୍ରକଳ୍ପ କାର୍ଯ୍ୟ କରୁ ନ ଥିବାରୁ ସେଠାରେ ରହୁଥିବା ୩ ପରିବାର ଡହଳବିକଳ ହେଉଛନ୍ତି ା ୨୧ନଂ. ଘରେ ରଘୁନାଥ ଟୁଡୁ, ୧୮ନଂ. ଘରେ ଅଜିତ୍‌ ଟୁଡୁ ଓ ୪୫ନଂ. ଘରେ ହେମଜର ମାରାଣ୍ଡି ବାସ କରୁଥିବା ବେଳେ କାହାରି ଘରେ ଝରକା, କବାଟ, ପାଇଖାନା କବାଟ ଲାଗି ନାହିଁ ା ବିଦ୍ୟୁତ୍‌ ବ୍ୟବସ୍ଥା ନ ଥିବା ବେଳେ ପିଇବାପାଣି ସାତସପନ। ଅନ୍ୟପକ୍ଷରେ ଏସବୁ ଘରକୁ ନିଜେ ହିତାଧିକାରୀ ନିର୍ମାଣ କରିବାକୁ ଥିବା ବେଳେ ଠିକାଦାର ସମସ୍ତ ବିଲ ଧରି ଚମ୍ପଟ ମାରିଥିବା ଜଣାପଡିଛି। କେତେକ ଘରର ଛାତ ଫାଟିଥିବା ବେଳେ ଅନ୍ୟ କେତେକ ଘରେ ରଙ୍ଗ କିମ୍ବା ପ୍ଳାଷ୍ଟାରିଂ ହୋଇନାହିଁ ା କାର୍ଯ୍ୟ ସମ୍ପୂର୍ଣ୍ଣ ହୋଇ ନ ଥିବାରୁ ଅବିଳମ୍ବେ ଶେଷ କରିବାକୁ ହିତାଧିକାରୀ ଓ ସ୍ଥାନୀୟ ଲୋକେ ଦାବି କରିଛନ୍ତି। ଏ ସମ୍ପର୍କରେ ସ୍ଥାନୀୟ ସରପଞ୍ଚ ଅରୁଣ କୁମାର ସେନାପତିଙ୍କୁ ପଚାରିବାରୁ ବିଗତ ଦିନରେ ସ୍ଥାନୀୟ ନେତୃବୃନ୍ଦ ଦୃଷ୍ଟି ଦେଇ ନ ଥିବା ଅଭିଯୋଗ କରିଛନ୍ତି ା ଅନ୍ୟପକ୍ଷରେ ବିଡିଓ ଅଶ୍ୱିନୀ କୁମାର ଦାସଙ୍କ ଦୃଷ୍ଟି ଆକର୍ଷଣ କରାଯିବାରୁ ତାଙ୍କ କାର୍ଯ୍ୟକାଳ ସମୟରେ ଏହା ହୋଇ ନ ଥିବାରୁ ଏ ସମ୍ପର୍କରେ ଆଗରୁ ଜାଣି ନାହାନ୍ତି। ଶୁକ୍ରବାର ସେଠାକୁ ପରିଦର୍ଶନ କରି ଆବଶ୍ୟକ ପଦକ୍ଷେପ ଓ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି କହିଛନ୍ତି ା


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

ରାଜ୍ୟର ୬ଟି ଲୋକ ସଭା ଆସନରେ କାହାକୁ ଟିକେଟ ଦେବ ବିଜେଡି, ଚର୍ଚ୍ଚାରେ ଏହି ନାଁ

ଭୁବନେଶ୍ୱର,୨୮।୩: ୨୦୨୪ ସାଧାରଣ ନିର୍ବାଚନ ପାଇଁ ଓଡ଼ିଶାର ୨୧ଟି ଲୋକ ସଭା ନିର୍ବାଚନ ମଣ୍ଡଳୀ ଭିତରୁ ୧୮ଟି ସ୍ଥାନରେ ନିଜର ପ୍ରାର୍ଥୀ ଘୋଷଣା କରିଥିବା ବେଳେ...

ଓଡ଼ିଶା ପାଇଁ ଏପ୍ରିଲ ପ୍ରଥମ ସପ୍ତାହରେ ପ୍ରାର୍ଥୀ ଘୋଷଣା କରିବ କଂଗ୍ରେସ

ଭୁବନେଶ୍ୱର,୨୮।୩: ଓଡ଼ିଶା ପାଇଁ ଭାରତୀୟ ଜନତା ପାର୍ଟି(ଭାଜପା) ୧୮ ଟି ଲୋକ ସଭା ଆସନ ପାଇଁ ପ୍ରାର୍ଥୀ ଘୋଷଣା କରିଥିବା ବେଳେ ବିଜୁ ଜନତା ଦଳ(ବିଜେଡି)...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri