ଅମ୍ବାଲା,୧୪ ।୧୦: ପଞ୍ଚାୟତ ନିର୍ବାଚନ ପୂର୍ବରୁ ଅମ୍ବାଲାର ଢକୌଲା ଗାଁରେ ୱାର୍ଡ ନମ୍ବର ୬ର ମତଦାତା ସୂଚୀରେ ଆଶ୍ଚର୍ଯ୍ୟକର ଘଟଣା ଦେଖିବାକୁ ମିଳିଛି । ଏଠାରେ ଚରଣଜିତ କୌର ନାମକ ଜଣେ ୭୫ ବର୍ଷୀୟା ମହିଳାଙ୍କର ଫଟୋ ୧୦୦ ଭୋଟର ଆଇଡିରେ ପ୍ରିଣ୍ଟ କରାଯାଇଛି । ତେବେ ଏହି ଘଟଣା ଆଜିର ନୁହେଁ ବରଂ ଗତ ୭ ବର୍ଷ ହେଲାଣି ମତଦାତା ସୂଚୀର ଏହା ହେଉଛି ଅବସ୍ଥା । ହେଲେ ମହିଳା ଜଣଙ୍କ କହିଛନ୍ତି, ଏ ସମ୍ପର୍କରେ ସେ ବହୁବାର ଅଭିଯୋଗ କରିଛନ୍ତି, ହେଲେ ମତଦାତା ସୂଚୀ ଏପର୍ଯ୍ୟନ୍ତ ଠିକ ହୋଇ ପାରିନାହିଁ ।
ସୂଚନାଯୋଗ୍ୟ, ପୁଣିଥରେ ପଞ୍ଚାୟତ ନିର୍ବାଚନ ପାଖେଇ ଆସୁଥିବାରୁ ଏହି ମତଦାନ ସୂଚୀ ଚର୍ଚ୍ଚାକୁ ଆସିଛି । ଏହାସହ ଲୋକଙ୍କ ଆକ୍ରୋଶ ବି ଦେଖିବାକୁ ମଳିଛି । କାରଣ ଏହାଦ୍ୱାରା ଅନ୍ୟମାନେ ବି ପ୍ରଭାବିତ ହେଉଛନ୍ତି । ଗ୍ରାମବାସୀଙ୍କ ଆକ୍ରୋଶକୁ ଦେଖି ପଞ୍ଚାୟତ ଅଧିକାରୀ ଏଥିପାଇଁ ଏକ ଯାଞ୍ଚ କମିଟି ଗଠନ କରିଛନ୍ତି । ଚରଣଜିତ କୌର ଢକୋଲା ଗାଁର ବାସିନ୍ଦା । ସେ କହିଛନ୍ତି ଏହି ଭୁଲ ପ୍ରଥମେ ୨୦୧୫ ମସିହାରେ ହୋଇଥିଲା ।
