Posted inଫୁରସତ

ପେନ୍‌ : ସହଜ ନୁହେଁ କିଣିବା

ପେନ୍‌ ସମ୍ପର୍କରେ ପ୍ରାୟ ସମସ୍ତେ ଜାଣନ୍ତି ଆଉ ଏହାକୁ ବ୍ୟବହାର ମଧ୍ୟ କରନ୍ତି । ପେନ୍‌କୁ ଲେଖକଙ୍କର ଜଣେ ଭଲ ସାଥୀ ବୋଲି ବି କୁହାଯାଇଥାଏ। ନୂଆ ଆଉ ସୁନ୍ଦର ପେନ୍‌ରେ ଲେଖିବାର ସଉକ ମଧ୍ୟ ଅନେକଙ୍କର ଥାଏ। ସେଥିପାଇଁ ସେମାନଙ୍କ ପାଖେ ଯେତେ ପେନ୍‌ ଥିଲେ ବି ମାର୍କେଟରେ କୌଣସି ନୂଆ ଡିଜାଇନ୍‌ର ପେନ୍‌ ଦେଖିଲେ ତାହାକୁ କିଣି ଆଣିଥାନ୍ତି । ହେଲେ ଏଠାରେ ଯେଉଁ ପେନ୍‌ ସମ୍ପର୍କରେ କୁହାଯାଉଛି, ତାହାକୁ କିଣିବା ସମସ୍ତଙ୍କ ପକ୍ଷେ ସମ୍ଭବ ନୁହେଁ। କାରଣ ଏସବୁ ହେଉଛି ଗୋଟିଏ ଗୋଟିଏ ଦାମୀ ପେନ୍‌। କେଉଁଥିରେ ସୁନାର ବ୍ୟବହାର ହୋଇଛି ତ କେଉଁଥିରେ ହୀରା କିମ୍ବା ଅନ୍ୟ କୌଣସି ମୂଲ୍ୟବାନ ଧାତୁ ଲାଗିଛି । ସେମିତି କିଛି ଦାମୀ ପେନ୍‌ ସମ୍ପର୍କରେ –
ମୋଣ୍ଟ ବ୍ଲାଙ୍କ ବୋହେମେ ରୟାଲ୍‌ ପେନ୍‌: ଏହି ପେନ୍‌ରେ ୧୮ କ୍ୟାରେଟର ସୁନା, ପ୍ଲାଟିନମ୍‌ ପ୍ଲେଟେଡ୍‌ ରେଟ୍ରେକ୍ଟେବଲ୍‌ ନିବ୍‌ ଏବଂ ଏହାର ବ୍ୟାରେଲ୍‌ ଓ କ୍ୟାପ୍‌ରେ ୧୮ କ୍ୟାରେଟର ହ୍ବାଇଟ୍‌ଗୋଲ୍ଡ ତଥା ପ୍ରାୟ ୧୪୩୦ଟି ହୀରା ବ୍ୟବହାର କରାଯାଇଛି । ଏଥିସହିତ ଏହି ପେନ୍‌ରେ ଲାଗିଥିବା ମୋଣ୍ଟ ବ୍ଲାଙ୍କ ଷ୍ଟାର୍‌ ଲୋଗୋରେ ମଧ୍ୟ ୧୮ଟି ହୀରା ଓ ୧୮ କ୍ୟାରେଟର ହ୍ବାଇଟ୍‌ଗୋଲ୍ଡ ବ୍ୟବହୃତ ହୋଇଛି। ସେଥିପାଇଁ ଏହାର ଦାମ୍‌ ପ୍ରାୟ ୧.୧ ମିଲିୟନ୍‌ ପାଉଣ୍ଡ ରଖାଯାଇଛି ।
ଔରୋରା ଡିଆମାଣ୍ଟେ ପେନ୍‌: ସଲିଡ୍‌ ପ୍ଲାଟିନମ୍‌ରେ ତିଆରି ଏହି ପେନ୍‌ରେ ୩୦ କ୍ୟାରେଟର ଅନେକ ଛୋଟ ଛୋଟ ହୀରା ଲାଗିଛି। ତାସହିତ ଏହାର ନିବ୍‌ଟିକୁ ମଧ୍ୟ ୧୮ କ୍ୟାରେଟ ସୁନାରେ ତିଆରି କରାଯାଇଛି । ତେଣୁ ଏହାର ଦାମ୍‌ ପ୍ରାୟ ୯୪୪,୦୦୦ ପାଉଣ୍ଡ ରହିଛି ।
ହେଭେନ୍‌ ଗୋଲ୍ଡ ପେନ୍‌: ଏଥିରେ ୪୬୧ଟି ବ୍ରିଲିଆଣ୍ଟ କଲର୍‌ ଡାଇମଣ୍ଡ ତଥା ୪୩ କ୍ୟାରେଟର ଜେମ୍ସଷ୍ଟୋନ୍‌ ବ୍ୟବହାର କରାଯାଇଛି । ସେଥିପାଇଁ ଏହାର ମୂଲ୍ୟ ପ୍ରାୟ ୭୩୪,୧୮୮ ପାଉଣ୍ଡ ରହିଛି ।
ମିଷ୍ଟ୍ରି ମାଷ୍ଟରପିସ୍‌ ପେନ୍‌: ଏଥିରେ ପ୍ରାୟ ୩୦ କ୍ୟାରେଟର ଏନକ୍ରଷ୍ଟେଡ୍‌ ଜେମ୍ସ ଓ ଛୋଟ ଛୋଟ ଅନେକ ହୀରା ଲାଗିଛି । ତେଣୁ ଏହାର ମୂଲ୍ୟ ପ୍ରାୟ ୫୩୮,୩୭୫ ପାଉଣ୍ଡ ରଖାଯାଇଛି ।
କାରାନ୍‌ ଡି’ ଆଚେ ଗୋଥିକା ପେନ୍‌: ଏଥିରେ ରୋଡିୟମ୍‌ କୋଟେଡ୍‌ର ସଲିଡ୍‌ ସିଲଭର୍‌କୁ ବ୍ୟବହାର କରାଯାଇଛି । ତା’ସହିତ କିଛି ହୀରା, ରୁବି ଓ ଏମେରାଲ୍ଡ ମଧ୍ୟ ବ୍ୟବହୃତ ହୋଇଛି । ତେଣୁ ଏହାର ମୂଲ୍ୟ ପ୍ରାୟ ୨୯୯,୭୫୬ ପାଉଣ୍ଡ ରହିଛି ।
କାରାନ୍‌ ଡି’ ଆଚେ ଲା ମଡର୍ଣ୍ଣିଷ୍ଟା ଡାଇମଣ୍ଡ ପେନ୍‌: ଏହି ପେନ୍‌ରେ ରୋଡିୟମ୍‌ କୋଟେଡ୍‌ ହୋଇଥିବା ସିଲଭର୍‌ କମ୍ପୋନେଣ୍ଟ, ୧୮ କ୍ୟାରେଟର ଗୋଲ୍ଡ ନିବ୍‌, ୨୦ କ୍ୟାରେଟର ପ୍ରାୟ ୫୦୭୨ଟି ୱେସେଲଟନ୍‌ ଡାଇମଣ୍ଡ ଏବଂ ୩୨ କ୍ୟାରେଟ ବିଶିଷ୍ଟ ୯୬ଟି ରୁବି ବ୍ୟବହାର କରାଯାଇଛ । ତେଣୁ ଏହାର ମୂଲ୍ୟ ୧୯୫,୪୩୮ ପାଉଣ୍ଡ ରହିଛି ।
ପ୍ରିନ୍ସ ରେନିଅର୍‌ ଲିମିଟେଡ ଏଡିସନ୍‌ ୮୧ ପେନ୍‌: ଏଥିରେ ୧୮ କ୍ୟାରେଟର ହ୍ବାଇଟ୍‌ଗୋଲ୍ଡ, ୯୯୬ଟି ହୀରା ଓ ୯୬ ଟି ରୁବି ଲାଗିଛି । ତା’ସହିତ ଏହାର କ୍ୟାପ୍‌ର ରିଂରେ ୧୯ଟି ରୁବି ଏବଂ ନିବ୍‌ରେ ବି ୧୮ କ୍ୟାରେଟ ସୁନାର ବ୍ୟବହାର କରାଯାଇଛି। ଏହି ପେନ୍‌ର ମୂଲ୍ୟ ୧୮୮, ୮୦୦ ପାଉଣ୍ଡ ରହିଛି ।
ଲିମିଟେଡ ଏଡିସନ୍‌ ବୋହେମେ ପାପିଲିୟନ୍‌ ପେନ୍‌: ଏହି ପେନ୍‌ରେ ଧଳା, ହଳଦିଆ ଓ ରୋଜ୍‌ କଲର୍‌ ସୁନାର ବ୍ୟବହାର କରାଯାଇଛି । ତା’ସହିତ ଏଥିରେ ପ୍ରାୟ ୧୪୦୦ଟି ଡାଇମଣ୍ଡ ଓ ସଫାୟାର୍‌ ବି ଲାଗିଛି । ଏହାର ମୂଲ୍ୟ ହେଉଛି ପ୍ରାୟ ୧୬୯,୯୨୭ ପାଉଣ୍ଡ।
ପେରିୟର୍‌ ଜୌଏଟ୍‌ ଆନିଭରସାରି ଏଡିସନ୍‌ ପେନ୍‌: ଏଥିରେ ୧୮ କ୍ୟାରେଟ ସୁନାର ବ୍ୟବହାର କରାଯାଇଛି। ଏହାର ମୂଲ୍ୟ ପ୍ରାୟ ୯୯,୩୪୧ ପାଉଣ୍ଡ ରହିଛି ।


Enter your email to get our daily news in your inbox.

All Right Reserved By Dharitri.Com

ପୋଲିସ ନମ୍ବରରୁ ହ୍ବାଟ୍ସଆପ୍‌କୁ ଆସିବ କଲ୍‌, ମିଳିବ ଧମକ, ଭୟଭୀତ ହେଲେ ଆକାଉଣ୍ଟ ହୋଇଯିବ ଖାଲି…

ଦୁଇମାସ ତଳେ କେରଳର ଜଣେ ବାସିନ୍ଦା ପୋଲିସ ଅଧିକାରୀଙ୍କ ଡିପି ଥାଇ ଏକ ନମ୍ବରରୁ ହ୍ବାଟ୍ସଆପ୍‌କୁ କଲ୍‌ ଆସିଥିଲା। ସେ ଏହାକୁ ଉଠାଇବା ମାତ୍ରେ ଏକ...

ଅଜବ ଘର: ଦେଖିବାକୁ ବଙ୍କାତେଢ଼ା ମାତ୍ର ଆକର୍ଷଣୀୟ, ଜାଣନ୍ତୁ ଏହାର ସ୍ବତନ୍ତ୍ରତା…

ଦୁନିଆରେ ଅନେକ ଅଟ୍ଟାଳିକା ଅଛି, ଯାହା ଅନେକ କାରଣ ପାଇଁ ଲୋକଙ୍କୁ ଆକର୍ଷିତ କରିଥାଏ। କିଛି ଘର ଡିଜାଇନକୁ ନେଇ ବେଶ୍‌ ଆକର୍ଷଣୀୟ ହୋଇଥାଏ। ଆଜି...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଭାରତର ଏହି ସହରରେ ପ୍ରସ୍ତୁତ ହୁଏ ଆଇପିଏଲ୍‌ ବଲ୍‌, ବର୍ଷକୁ ୫୦୦ କୋଟି ଟଙ୍କା ରୋଜଗାର

ବର୍ତ୍ତମାନ ଆଇପିଏଲ ଚାଲିଛି। ଇଣ୍ଡିଆନ ପ୍ରିମିୟର ଲିଗ୍‌କୁ ନେଇ ଲୋକଙ୍କ ମଧ୍ୟରେ ଏକ ବଡ଼ କ୍ରେଜ୍‌ ରହିଛି। ଏହି ପ୍ରତିଯୋଗିତା ୬୬ ଦିନ ପର୍ଯ୍ୟନ୍ତ ଚାଲିବ।...

କଫି ସହ ମଣିଷ ରକ୍ତ ମିଶାଇ ପିଉଛନ୍ତି ଏହି ମହିଳା

ଦୁନିଆରେ,ପ୍ରତ୍ୟେକ ମଣିଷଙ୍କର ନିଜସ୍ବ ସଉକ ଅଛି। କିଏ ଭ୍ରମଣ କରିବାକୁ ଭଲ ପାଆନ୍ତି ତ ଆଉ କିଏ ଖାଇବାକୁ ଭଲ ପାଆନ୍ତି। କେତେକ ଗୀତ ଗାଇବାକୁ...

ପୃଥିବୀର ପଡୋଶୀରେ ଅଛନ୍ତି ଏଲିଏନ୍ସ, ୨୦୩୦ ସୁଦ୍ଧା ଖୋଜିଦେବ ନାସା!

ଓ୍ବାଶିଂଟନ,୨୫।୩: ଏଲିଲନ୍ସ ସତରେ ଅଛନ୍ତି କି। ଯଦି ଅଛନ୍ତି, ସେମାନେ କେଉଁଠାରେ ରୁହନ୍ତି? ଏହି ଦୁଇଟି ପ୍ରଶ୍ନର ଉତ୍ତର ଖୋଜିବାରେ ସାରା ବିଶ୍ୱର ସ୍ପେସ ଏଜେନ୍ସିମାନେ...

ଓଡ଼ିଆ ଜନଜୀବନରେ ଦୋଳଯାତ୍ରା

ଫାଲ୍‌ଗୁନ ଶୁକ୍ଳ ଦଶମୀ ତିଥିଠାରୁ ସାଧାରଣତଃ ଓଡ଼ିଆ ଜନଜୀବନରେ ଦୋଳଯାତ୍ରା ଆଧ୍ୟାତ୍ମିକ ଭକ୍ତିପୂତ ପରିବେଶରେ ଆରମ୍ଭ ହୋଇଥାଏ। ଏହି ପର୍ବର ମୁଖ୍ୟ ଆରାଧ୍ୟ ଠାକୁର ପ୍ରେମମୟ...

ବୋତଲ ଭିତରେ ଅଠା ଲାଖେ ନାହିଁ କାହିଁକି

ବିଜ୍ଞାପନରେ ଅନେକ ଅଠା କମ୍ପାନୀ ଦାବି କରନ୍ତି ଯେ, ତାଙ୍କର ସାମାନ୍ୟ ଟିକେ ଅଠା ଯେକୌଣସି ଜିନିଷକୁ ଯୋଡିପାରେ। ଆଉ ଏମିତି ଯୋଡିବ ଯେ ଯୋଡା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri