ମାର୍ଗାଓ, ୧୩ା୨ (ପି.ଟି.)-ଇଟାଲିର ଅଭିଜ୍ଞ ମାର୍କୋ ପେଜାଓଲି ଇଣ୍ଡିଆନ ସୁପର ଲିଗ୍ (ଆଇଏସ୍ଏଲ) ଦଳ ବେଙ୍ଗାଲୁରୁ ଏଫ୍ସିର ନୂଆ ମୁଖ୍ୟ କୋଚ୍ ଭାବେ ନିଯୁକ୍ତ ପାଇଛନ୍ତି। ତାଙ୍କ ସହିତ ଦଳ ୩ବର୍ଷିଆ ପ୍ରଦର୍ଶନ ଭିତ୍ତିକ ଚୁକ୍ତି କରିଛି। ଚଳିତ ଆଇଏସ୍ଏଲ୍ ଶେଷ ହେବା ପରେ ସେ କ୍ଲବର ଦାୟିତ୍ୱ ନେବେ। ଜର୍ମାନୀ ଜନ୍ମିତ ପେଜାଓଲିଙ୍କ ତତ୍ତ୍ୱାବଧାନରେ ବେଙ୍ଗାଲୁରୁ ଏଫ୍ସି ପ୍ରଥମେ ଏପ୍ରିଲ ୧୪ରେ ଏଏଫ୍ସି କପ୍ ପ୍ରିଲିମିନାରି ଷ୍ଟେଜ୍ -୨ ମ୍ୟାଚ ଖେଳିବ। ୨୦୨୩-୨୪ ସିଜନ ଶେଷ ପର୍ଯ୍ୟନ୍ତ ତାଙ୍କ କାର୍ଯ୍ୟକାଳ ରହିବ। ୫୨ ବର୍ଷୀୟ ପେଜାଓଲି ଏହା ପୂର୍ବରୁ ବୁଣ୍ଡେସଲିଗା ଦଳ ଏଣ୍ଟ୍ରାଚ୍ ଫ୍ରାଙ୍କ୍ଫର୍ଟର ବୈଷୟିକ ନିର୍ଦ୍ଦେଶକ ଦାୟିତ୍ୱ ତୁଲାଇଥିଲେ।
