ଆବଶ୍ୟକ ସାମଗ୍ରୀ: କଟା ପାଳଙ୍ଗ ଶାଗ- ୫୦୦ ଗ୍ରାମ, ସିଝା ମଟର- ୫୦୦ ଗ୍ରାମ, କଟା କଞ୍ଚାଲଙ୍କା-୨ଟା, ଅଦା ପେଷ୍ଟ-୧ଚାମଚ, ଗୋଲମରିଚ ଗୁଣ୍ଡ-୧/୪ଚାମଚ, ପାଉଁରୁଟି-୨ଟା ସ୍ଲାଇସ୍, ବେସନ-ଆବଶ୍ୟକ ଅନୁସାରେ, ତେଲ- ଆବଶ୍ୟକ ଅନୁସାରେ, ଲୁଣ-ସ୍ବାଦ ଅନୁସାରେ।
ପ୍ରସ୍ତୁତି ପ୍ରଣାଳୀ: ପ୍ରଥମେ ଗୋଟିଏ ପାତ୍ରରେ ସିଝା ମଟର, କଟା ପାଳଙ୍ଗ ଶାଗ, ପାଉଁରୁଟି, ଅଦା ପେଷ୍ଟ, କଞ୍ଚାଲଙ୍କା ପକାଇ ଭଲ ଭାବେ ଘାଣ୍ଟନ୍ତୁ । ପରେ ଏହାକୁ ଅଳ୍ପ ଗ୍ରାଇଣ୍ଡିଙ୍ଗ୍ କରନ୍ତୁ, ଯେପରି ଏହା ସମ୍ପୂର୍ଣ୍ଣ ପେଷ୍ଟ ନ ହୁଏ । ଏବେ ଏଥିରେ ସ୍ବାଦ ଅନୁସାରେ ଲୁଣ ଓ କିଛି ଗୋଲମରିଚ ଗୁଣ୍ଡ ପକାଇ ଭଲ ଭାବେ ଗୋଳାଇ ଦିଅନ୍ତୁ ।
ସେଗୁଡ଼ିକୁ ଏବେ ଗୋଲ୍ ଗୋଲ୍ ଆକାରର କରିରଖନ୍ତୁ। ଏକ ପାତ୍ରରେ ଅଳ୍ପ ବେସନ ନିଅନ୍ତୁ ଏବଂ ଗୋଲ କରି ରଖିଥିବା କବାବ୍କୁ ଏଥିରେ ଭଲ ଭାବେ ଗଡାଇ ଦିଅନ୍ତୁ, ଯେପରି ଶୁଖିଲା ବେସନର ଏକ ଲେୟାର ଏହା ଉପରେ ଲାଗିଯିବ। ଅନ୍ୟପଟେ ଏକ ପ୍ୟାନ୍ରେ ତେଲ ଗରମ କରନ୍ତୁ ।
ସେଥିରେ ପୂର୍ବ ପ୍ରସ୍ତୁତ କବାବ୍କୁ ପକାଇ ବାଦାମୀ ରଙ୍ଗ ଆସିବା ପର୍ଯ୍ୟନ୍ତ ଏପଟ ସେପଟ କରନ୍ତୁ । ଚୁଲା ବନ୍ଦ କରି ଗୋଟିଏ ପ୍ଲେଟକୁ ବାହାର କରି ସସ୍ ସହ ପରଷି ଦିଅନ୍ତୁ ମଟର କବାବ ।
