ଭୁବନେଶ୍ୱର,୧୬।୧: ଦେଶର ପ୍ରମୁଖ ଟିଏମ୍ଟି ବାର୍ ନିର୍ମାତା ରୁଙ୍ଗ୍ଟା ମାଇନ୍ସ ଲିମିଟେଡ୍ ପକ୍ଷରୁ ନିକଟରେ ଏକ ପାର୍ଟନର୍ସ ମିଟ୍ର ଆୟୋଜନ କରାଯାଇଥିଲା। ଉକ୍ତ ମିଟ୍ରେ କଟକ, ଯାଜପୁର, ନୟାଗଡ଼, କେନ୍ଦ୍ରାପଡ଼ା, ଜଗତ୍ସିଂହପୁର, ଅନୁଗୋଳ ଓ ଢେଙ୍କାନାଳର ୧୪୦ରୁ ଅଧିକ ଡିଲର ପାର୍ଟନର ଅଂଶଗ୍ରହଣ କରିଥିଲେ। ଏ ସମ୍ପର୍କରେ ରୁଙ୍ଗ୍ଟା ମାଇନ୍ସ ଲିମିଟେଡ୍ (ବିକ୍ରି ଓ ମାର୍କେଟିଂ) ର ମୁଖ୍ୟ ଅରବିନ୍ଦ କୁମାର କହିଛନ୍ତି, ଏକ ଉତ୍ତମ ଭବିଷ୍ୟତ ପାଇଁ ଉଦ୍ୟମ କରିବାକୁ ସେ ସେମାନଙ୍କୁ ଉତ୍ସାହିତ କରିଥିବା ବେଳେ ଉଲ୍ଲେଖନୀୟ ଅଭିବୃଦ୍ଧି ଲକ୍ଷ୍ୟ ହାସଲ କରିବା ଲାଗି ଅଭିନବ ଚିନ୍ତାଧାରା ଜରିଆରେ ସେମାନଙ୍କୁ ଉତ୍ସାହିତ କରିଛନ୍ତି।
ଏପରିକି କୁମାର କମ୍ପାନୀର ଲକ୍ଷ୍ୟ ଉପରେ ବିସ୍ତୃତ ଆଲୋକପାତ କରିଥିବା ବେଳେ ବ୍ୟବସାୟର ପ୍ରତିଟି କ୍ଷେତ୍ରରେ ସହଯୋଗ କରିବାକୁ ପ୍ରତିଶ୍ରୁତି ମଧ୍ୟ ଦେଇଛନ୍ତି ଏବଂ ରୁଙ୍ଗ୍ଟା ଷ୍ଟିଲ୍ର ରହିଥିବା ପରିଚୟରୁ ଲାଭବାନ ହେବା ଲାଗି ସେ ପାର୍ଟନରମାନଙ୍କୁ କହିଛନ୍ତି। ଚଳିତ ଆର୍ଥିକ ବର୍ଷରେ ଉଲ୍ଲେଖନୀୟ ପ୍ରଦର୍ଶନ କରିଥିବା ଡିଲରମାନଙ୍କୁ ଉକ୍ତ ସମ୍ମିଳନୀରେ ସମ୍ମାନିତ କରାଯାଇଛି। ବିଶେଷକରି ରୁଙ୍ଗ୍ଟା ମାଇନ୍ସ ଲିମିଟେଡ୍ର ଦୀର୍ଘମିଆଦୀ ଚ୍ୟାନେଲ୍ ପାର୍ଟନର୍ ଷ୍ଟିଲ୍ଫୋର୍ସ ଉପରୋକ୍ତ ଅଞ୍ଚଳ ପାଇଁ କମ୍ପାନୀର ବିଶ୍ୱସନୀୟ ସହଯୋଗୀ ଭାବେ କାର୍ଯ୍ୟ କରୁଛି। ଅପରପକ୍ଷରେ ଷ୍ଟିଲ୍ଫୋର୍ସରୁ ସୁନୀଲ ପଟ୍ଟନାୟକ, ବିଜୟ ପୁହାଣଙ୍କ ସମେତ ରୁଙ୍ଗ୍ଟା ମାଇନ୍ସର ଅଧିକାରୀ ଯଥା ଅରବିନ୍ଦ କୁମାର, ସୁଭାଷ ଦଳାଇ, ଶଶାଙ୍କ ଶେଖର ଆଚାର୍ଯ୍ୟ, ପ୍ରଦୀପ ସେନାପତି, ଚଣ୍ଡି ଦାସ ପଣ୍ଡା ପ୍ରମୁଖ ଯୋଗ ଦେଇଥିଲେ।
