କେସିଙ୍ଗା,୨୫।୧୨,( ତୁମେଶ୍ୱର ସାହୁ): ପିଲାଙ୍କ ଜନ୍ମ ଦିନରୁ ମାତାପିତାଙ୍କର ଯେଉଁ ଭଳି ଯତ୍ନ ଓ ଶିକ୍ଷା ମିଳି ଥାଏ, ତଦନୁଯାୟୀ ପିଲା ଭବିଷ୍ୟତରେ ଏକ ସୁନାଗରିକ ହୋଇ ଦେଶ ଗଢିବାରେ ସାହାଯ୍ୟ କରିଥାଏ। ଦୃଢ଼ ଆତ୍ମ ବିଶ୍ୱାସ ଅଧ୍ୟୟନରତ ଛାତ୍ରୀଛାତ୍ରଙ୍କ ମୂଳମନ୍ତ୍ର ହେବା ଉଚିତ ,ବଡ଼ ହେବା ପାଇଁ ସ୍ବପ୍ନ ଦେଖି ଛାତ୍ରୀଛାତ୍ରମାନେ ଆଗକୁ ବଢନ୍ତୁ । ବୁଧବାର ସାରେ କଳାହାଣ୍ଡି ଜିଲା କେସିଙ୍ଗା ସହର ସ୍ଥିତ ପ୍ରାରମ୍ଭ ସ୍କୁଲର ୮ମ ବାର୍ଷିକ ଉତ୍ସବ ସମାରୋହରେ ମୁଖ୍ୟ ବକ୍ତା ଭାବେ ଟିଟିଲାଗଡ ପ୍ରଭାବତୀ ପବ୍ଲିକ ସ୍କୁଲର ପ୍ରିନ୍ସିପାଲ ଡ଼.ସୁନନ୍ଦା ଜାତି ଯୋଗଦେଇ ଏହା କହିଛନ୍ତି ଓ ସେ କହିଥିଲେ କୌଣସି କ୍ଷେତ୍ରରେ ଲକ୍ଷ୍ୟ ହୀନ ଜୀବନ ବଞ୍ଚିବା ନୁହେଁ । ଗଭୀର ଆତ୍ମ ବିଶ୍ବାସ ଏବଂ କଠିନ ପରିଶ୍ରମ କରି ପ୍ରାରମ୍ଭ ସ୍କୁଲ ଛାତ୍ରୀଛାତ୍ର ମାନେ ଅଗ୍ରସର ହୁଅନ୍ତୁ। ଏହି ସ୍କୁଲରେ ପ୍ରଥମେ ୩୭ ଜଣ ପିଲା ଆଡ଼ମିଶନ କରିଥିଲେ। ବର୍ତ୍ତମାନ ୨୭୮ଜଣ ଛାତ୍ରୀ ଛାତ୍ର ଅଧ୍ୟୟନ କରୁଛନ୍ତି।
ଏହି ଅବସରରେ ମୁଖ୍ୟ ଅତିଥି ଭାବେ ଡ଼.ହେମସାଗର ସାହା ଯୋଗଦେଇ କହିଛନ୍ତି ଯେ, ମାତାପିତାଙ୍କ ଦ୍ୱାରା ପିଲା ଯେଉଁ ପ୍ରାଥମିକ ଶିକ୍ଷା ପ୍ରାପ୍ତି କରି ଥାଆନ୍ତି, ତାହା ସେମାନଙ୍କ ଭବିଷ୍ୟତକୁ ଉଜ୍ବଳମୟ କରିବା ସହ ଜଣେ ଭଲ ମଣିଷ ତିଆରି ହୋଇଥାଆନ୍ତି ଏବଂ ଛାତ୍ରୀଛାତ୍ର ପରବର୍ତ୍ତୀ ମୁହୂର୍ତ୍ତରେ ଯେ କୌଣସି କ୍ଷେତ୍ରରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିପାରିଲେ ତାହା ସେମାନଙ୍କର ସେହି ଅନୁଷ୍ଠାନ ପ୍ରତି ହେବ ଶ୍ରେଷ୍ଠ ତ୍ୟାଗ ବୋଲି ଶ୍ରୀ ସାହା ପ୍ରକାଶ କରିଥିଲେ।
ବୁଧବାର ସନ୍ଧ୍ୟାରେ ଆୟୋଜିତ ଅନୁଷ୍ଠାନର ୮ମ ବାର୍ଷିକ ଉତ୍ସବ ଆୟୋଜିତ ହୋଇଥିଲା। ଏଥିରେ ଉକ୍ତ ସ୍କୁଲ ବିବରଣୀ ପ୍ରିନ୍ସିପାଳ ସୁଶାନ୍ତ କୁମାର ମୁଣ୍ଡ ପଠନ କରିଥିଲେ। ଅନୁଷ୍ଠାନ ପରିଚାଳନା କମିଟିର ସମ୍ପାଦକ ବି.ଚନ୍ଦ୍ରଶେଖର ଆଚାରୀଙ୍କ ସଭାପତିତ୍ୱରେ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା ଏହି ସ୍କୁଲ ପ୍ରତିଷ୍ଠାତା ସଂଜୀବ ଜୈନ,କୋଷାଧ୍ୟକ୍ଷ କମଳ କୁମାର ଜୈନ, ଅନୁଷ୍ଠାନର ଟ୍ରଷ୍ଟି ସଦସ୍ୟା ଭବାନ ଜୈନ,ଜାଜ୍ଞସେନି ସାହା ପ୍ରମୁଖ ଯୋଗଦେଇ ଏହି ଶିକ୍ଷାନୁଷ୍ଠାନର ପ୍ରତିଷ୍ଠା, ଅଗ୍ରଗତି ଏବଂ ସହଯୋଗ କରିଥିବା ଅଞ୍ଚଳର ଦିବଂଗତ ବ୍ୟକ୍ତିବିଶେଷଙ୍କ ସମ୍ପର୍କରେ ଆଲୋଚନା କରି ଛାତ୍ରୀଛାତ୍ରଙ୍କ ଉଜ୍ଜଳ ଭବିଷ୍ୟତ କାମନା କରିଥିଲେ। ପରିଶେଷରେ ଉକ୍ତ ସ୍କୁଲର ଛାତ୍ରୀଛାତ୍ରଙ୍କ ଦ୍ୱାରା ବିଭିନ୍ନ ସାଂକୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବିଜେତା ଛାତ୍ରୀଛାତ୍ରଙ୍କୁ ଅତିଥିମାନେ ପୁରସ୍କୃତ କରିଥିଲେ। ସ୍କୁଲର ଏକ ବିବରଣୀ ପୁସ୍ତକ ଉନ୍ମୋଚନ ଓ ସ୍କୁଲ ବିଲ୍ଡିଂଗର ଫଟୋ ଉନ୍ମୋଚନ କରିଥିଲେ। ପ୍ରଥମେ ଶ୍ରୀଗଣେଶଙ୍କ ମୂର୍ତ୍ତିରେ ପୂଜାର୍ଚ୍ଚନା କରି ସଭା କାର୍ଯ୍ୟ ଅନୁଷ୍ଠିତ ହୋଇଥିଲା।
Dharitri – The Largest & Most Trusted Odia Daily
