Advertisement

ଡିସେମ୍ବରରୁ ଦେଓମାଳିରେ ପାରାଗ୍ଲାଇଡିଂ

ଭୁବନେଶ୍ୱର,୨୨।୧୧(ବ୍ୟୁରୋ):ଓଡ଼ିଶାର ଉଚ୍ଚତମ ଶୃଙ୍ଗ ଭାବେ ପରିଚିତ କୋରାପୁଟର ଦେଓମାଳି ଏଣିକି ଆହୁରି ଆକର୍ଷଣୀୟ ଦେଖାଯିବ। ଏହି ଉଚ୍ଚତମ ପାହାଡ଼ ସମେତ ପୂରା କୋରାପୁଟ ସହରକୁ ପର୍ଯ୍ୟଟକ ଏବେ ପକ୍ଷୀ ଭଳି ଆକାଶରେ ଉଡ଼ି ଦେଖିବା ସହ ପ୍ରକୃତିର ସୌନ୍ଦର୍ଯ୍ୟକୁ ଉପଭୋଗ କରିପାରିବେ। ପ୍ରାୟ ସାଢ଼େ ୬ ହଜାର ଫୁଟ ଉପରୁ କୋରାପୁଟ ସହରକୁ ଦେଖିହେବ। ଆଉ ହଜାରେ ଫୁଟ ଉପରୁ ଦେଓମାଳିର ସୁନ୍ଦର ପ୍ରାକୃତିକ ଦୃଶ୍ୟର ମଜା ନେଇହେବ। ତେବେ ଏଥିପାଇଁ ଦେଓମାଳିରେ ଆରମ୍ଭ ହେବାକୁ ଯାଉଛି ପାରାଗ୍ଲାଇଡିଂ। ଗ୍ରୀନ ସ୍ପେସ୍‌ ଆଡଭେଞ୍ଚର ପ୍ରାଇଭେଟ ଲିମିଟେଡ ପକ୍ଷରୁ ଏହି ବ୍ୟବସ୍ଥା ହେଉଥିବା ବେଳେ ପ୍ରାଥମିକ ପ୍ରସ୍ତୁତି ସରିଛି।
ଡିସେମ୍ବର ପ୍ରଥମ ସପ୍ତାହରୁ ଦେଓମାଳି ପାହାଡ଼ରେ ପର୍ଯ୍ୟଟକ ଏସବୁର ମଜା ନେଇପାରିବେ। ଏଥିପାଇଁ ଅଭିଜ୍ଞ ପ୍ରଶିକ୍ଷକମାନେ ଦେଓମାଳିରେ ଆସି ଡେରା ପକାଇଲେଣି। ୧୦ ମିନିଟ୍‌ ପାଇଁ ଏହି ରାଇଡ୍‌ ରହିଥିବାବେଳେ ନିଶ୍ଚିତ ଭାବେ ପର୍ଯ୍ୟଟକଙ୍କୁ ଏକ ରୋମାଞ୍ଚକର ଅନୁଭୂତି ଦେବା ସହ ରାଜ୍ୟ ଦୁଃସାହସିକ ପର୍ଯ୍ୟଟନରେ ନୂଆ ମାଇଲଖୁଣ୍ଟ ସ୍ଥାପନ କରିବ। ଫଳରେ ରାଜ୍ୟ ତଥା ରାଜ୍ୟ ବାହାରୁ ଆସୁଥିବା ପର୍ଯ୍ୟଟକ କୋରାପୁଟ, ଦେଓମାଳି ବୁଲିବା ସହ ପାରାଗ୍ଲାଇଡିଂର ମଜା ନେଇପାରିବେ। ଅନ୍ୟପଟେ ଡିସେମ୍ବରରୁ ରାଜ୍ୟ ପର୍ଯ୍ୟଟନ ବିଭାଗ ଦେଓମାଳିରେ ଇକୋ ରିଟ୍ରିଟ୍‌ କରିବାକୁ ମନସ୍ଥ କରିଥିବା ବେଳେ ଦୁଃସାହସିକ ପାରାଗ୍ଲାଇଡିଂ ଏଥିରେ ଆଉ ଏକ ନୂଆ ଅଧ୍ୟାୟ ଯୋଡ଼ିବ। ଏ ନେଇ ଗ୍ରୀନ ସ୍ପେସ ଆଡଭେଞ୍ଚର ପ୍ରାଇଭେଟ ଲିମିଟେଡର ଶଶାଙ୍କ ରଥ କହିଛନ୍ତି, ଦୁଃସାହସିକ କ୍ରୀଡ଼ାରେ ଭାଗ ନେଉଥିବା ପର୍ଯ୍ୟଟକଙ୍କୁ ଏହା ନିଶ୍ଚିତ ଭାବେ ଏକ ଭିନ୍ନ ଅନୁଭୂତି ଦେବ। ଏଥିପାଇଁ ହିମାଳୟରୁ ଅଭିଜ୍ଞ ପ୍ରଶିକ୍ଷକ ଆସିଛନ୍ତି। ଗତ ଦେଢ଼ ମାସ ହେବ ଟ୍ରାଏଲ୍‌ ସରିଛି। ଜିଲା ପ୍ରଶାସନ ଏଥିପାଇଁ ଅନୁମତି ବି ଦେଇସାରିଛନ୍ତି। ଖାଲି ଉଡ଼ାଣକୁ ଅପେକ୍ଷା। ହୃଦ୍‌ରୋଗ ଥିବା ପର୍ଯ୍ୟଟକଙ୍କ ବ୍ୟତୀତ ବାକି ସମସ୍ତେ ଏହାର ମଜା ନେଇପାରିବେ। ଏହାଛଡା ପ୍ରତିଟି ପର୍ଯ୍ୟଟକଙ୍କ ସୁରକ୍ଷା ଓ ଜୀବନକୁ ସୁରକ୍ଷିତ ରଖିବା ପାଇଁ ଆମେ ସେମାନଙ୍କୁ ଉଡ଼ାଣ ପୂର୍ବରୁ ଇନ୍‌ସୁରାନ୍ସର ଅନ୍ତର୍ଭୁକ୍ତ କରିବାକୁ ମନସ୍ଥ କରିଛୁ।
କେବଳ ପାରାଗ୍ଲାଇଡିଂ ନୁହେଁ, ରାଜ୍ୟ ପର୍ଯ୍ୟଟନ ବିଭାଗ ଗତ ଦୁଇ ବର୍ଷ ହେବ କୋରାପୁଟକୁ ପର୍ଯ୍ୟଟନ ଦୃଷ୍ଟିକୋଣରୁ ଗୁରୁତ୍ୱ ଦେଇ ତା’ର ପାରିପାର୍ଶ୍ୱିକ ବିକାଶ ପାଇଁ ଚିନ୍ତା କରିଛି। ଏଥିପାଇଁ କୋରାପୁଟ ମୁଖ୍ୟ ଫାଟକର ପ୍ରବେଶ ଦ୍ୱାରରେ ଶୁଳ୍କ ରଖାଯାଇଛି। ଆସନ୍ତା ଦିନରେ ସେଠାରେ କୋରାପୁଟର ଦେଶୀ ଖାଦ୍ୟ ବିକ୍ରିବଟା କରାଯିବା ସହ ନାଇଟ୍‌ କ୍ୟାମ୍ପିଂ ଓ କାରାବାନ୍‌ ଟୁରିଜମ କରାଯିବାକୁ ଚିନ୍ତା କରୁଛି। ଏଥିପାଇଁ ରାଜ୍ୟ ପର୍ଯ୍ୟଟନ ବିଭାଗ ଟେଣ୍ଡର ମାଧ୍ୟମରେ ଘରୋଇ ଉଦ୍ୟୋଗୀମାନଙ୍କ ଦ୍ୱାରା ସେଠାରେ ହୋଟେଲ ରହଣି, ଇକୋ ରିସର୍ଟ ଆଦିର ବ୍ୟବସ୍ଥା କରିଛି। ଜିଲା ପ୍ରଶାସନ ବି ସ୍ବତନ୍ତ୍ର ଭାବେ ସେଠାରେ କଫି ଓ ମାଣ୍ଡିଆ ଆଉଟ୍‌ଲେଟ କରିବା କାମ ଆରମ୍ଭ କରିଛି। ସେଠାରେ ଆଗାମୀ ଦିନରେ ଦେଓମାଳି ବୁଲିବାକୁ ଆସୁଥିବା ପର୍ଯ୍ୟଟକ କୋରାପୁଟ କଫି ସହ ମାଣ୍ଡିଆର ବିଭିନ୍ନ ଖାଦ୍ୟର ମଜା ନେଇପାରିବେ।


Enter your email to get our daily news in your inbox.

All Right Reserved By Dharitri.Com

ଆକ୍ରାନ୍ତଙ୍କଠାରୁ ସୁସ୍ଥ ଅଧିକ

ଭୁବନେଶ୍ୱର, ୪।୧୧(ବ୍ୟୁରୋ): ରାଜଧାନୀରେ ନୂଆ କରୋନା ଆକ୍ରାନ୍ତଙ୍କ ସଂଖ୍ୟାଠାରୁ ସୁସ୍ଥ ସଂଖ୍ୟା ଅଧିକ ରହିଛି। ଭୁବନେଶ୍ୱରରୁ ଗତ ୨୪ଘଣ୍ଟାରେ ୬୯ ପଜିଟିଭ ଚିହ୍ନଟ ହୋଇଥିବାବେଳେ ୧୮୦...

ଓଡ଼ିଶାରେ ସର୍ବାଧିକ କୋଭିଡ୍‌ ଅନାଥ

ନୂଆଦିଲ୍ଲୀ,୧୭ା୧ :ଘାତକ କରୋନା ଭୂତାଣୁ ସାରା ଦେଶର ପିଲାଙ୍କ ପାଠପଢ଼ାରେ ଏକପ୍ରକାର ଡୋରି ବାନ୍ଧିବା ସହ ସେମାନଙ୍କ ଶୈଶବ ମଧ୍ୟ ଉଜାଡ଼ିଦେଇଛି। ମହାମାରୀରେ ସର୍ବାଧିକ ପ୍ରଭାବିତ...

ରୋହିତ ପୂଜାରୀ ହେଲେ ବିଜେଡିର ଉପମୁଖ୍ୟ ସଚେତକ

ଭୁବନେଶ୍ୱର,୨୩।୯(ବ୍ୟୁରୋ): ରୋହିତ ପୂଜାରୀ ହେଲେ ସରକାରୀ ଦଳ ଉପମୁଖ୍ୟ ସଚେତକ। ପୂର୍ବରୁ ଏହି ପଦବୀରେ ଥିବା ପ୍ରଣବ ବଳବନ୍ତ ରାୟଙ୍କୁ ବିଦା କରାଯାଇ ରୋହିତଙ୍କୁ ଅବସ୍ଥାପିତ...

ଡାକ ବିଭାଗକୁ ରିପୋର୍ଟ ତଲବ

କଟକ ଅଫିସ,୨୨।୫: ପୁରୀରେ ଥିବା ରେଳ ଡାକସେବା (ଆର୍‌ଏମ୍‌ଏସ୍‌)କୁ ଖୋର୍ଦ୍ଧା ରୋଡ୍‌କୁ ସ୍ଥାନାନ୍ତର ପାଇଁ ଚାଲିଥିବା ଯୋଜନାକୁ ବିରୋଧ ହୋଇଛି। ଏନେଇ ହାଇକୋର୍ଟରେ ଏକ ଜନସ୍ବାର୍ଥ...

ଦଶହରାରେ ଆତଙ୍କବାଦୀ ଆକ୍ରମଣ ଆଶଙ୍କା : ଓଡ଼ିଶାରେ ହାଇ ଆଲର୍ଟ, ବଢ଼ିଲା ସୁରକ୍ଷା

ଭୁବନେଶ୍ୱର,୪ା୧୦(ବ୍ୟୁରୋ) : ଭାରତକୁ ପାକିସ୍ତାନ ପଟୁ ପଶି ଆସିଛନ୍ତି ଆତଙ୍କବାଦୀ। ଆତଙ୍କବାଦୀ ସଂଗଠନ ଜୈସ-ଇ-ମହମ୍ମଦ ଦିଲ୍ଲୀ ସମେତ ଦେଶର ବଡ଼ ବଡ଼ ସହରକୁ ଟାର୍ଗେଟ କରିଛି।...

ଆସିଲା ବ୍ୟବଚ୍ଛେଦ ରିପୋର୍ଟ, ଶ୍ୱାସରୁଦ୍ଧ ଯୋଗୁ ହୋଇଛି ମୃତ୍ୟୁ

ଭୁବନେଶ୍ୱର,୨।୯(ବ୍ୟୁରୋ): ଭୁବନେଶ୍ୱର ଖାରବେଳନଗର ଥାନା ଅନ୍ତର୍ଗତ ଶାସ୍ତ୍ରୀନଗରର ଶୁଭଶ୍ରୀ ମହାପାତ୍ରଙ୍କ ବ୍ୟବଚ୍ଛେଦ ରିପୋର୍ଟ ଆସିଛି। ଶ୍ୱାସରୁଦ୍ଧ ଯୋଗୁ ମୃତ୍ୟୁ ହୋଇଥିବା ନେଇ  ବ୍ୟବଚ୍ଛେଦ ରିପୋର୍ଟରେ ଉଲ୍ଲେଖ...

ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର,୧୦ା୯(ବ୍ୟୁରୋ):ଆସନ୍ତା ୧୩ ତାରିଖରେ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗର, ଆନ୍ଧ୍ର ଏବଂ ଦକ୍ଷିଣ ଓଡ଼ିଶା ଉପକୂଳରେ ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି। ଏହାର ପ୍ରଭାବରେ...

ମଧୁ ଆପ୍‌ରେ ପାଠ ପଢୁଛନ୍ତି ୧ଲକ୍ଷ ୧ହଜାର ସ୍କୁଲ ପିଲା: ଟୁଇଟ୍‌କରି ସୂଚନା ଦେଲେ ଗଞ୍ଜାମ ଜିଲାପାଳ

ଛତ୍ରପୁର, ୨୩।୫(ଡି.ଏନ୍‌.ଏ.): ଗଞ୍ଜାମ ଜିଲା ପ୍ରଶାସନ ପକ୍ଷରୁ ସ୍କୁଲ ପିଲାମାନଙ୍କ ପାଠପଢ଼ା ନିମନ୍ତେ ଗତବର୍ଷ ଠାରୁ ମଧୁ ଆପ୍‌ ଆରମ୍ଭ ହୋଇଛି। ଏହାକୁ ଭିଡିଓ କନ୍‌ଫରେନ୍ସିଂ...

Advertisement
Archives

Model This Week