ରାଞ୍ଚି, ୨୨।୭- ଭାରତୀୟ କ୍ରିକେଟ୍ର ସବୁଠାରୁ ସଫଳ ଅଧିନାୟକ ବିବେଚିତ ହୋଇଥିବା ମହେନ୍ଦ୍ର ସିଂ ଧୋନୀ ଗତ ଜୁଲାଇ ୭ରେ ନିଜର ୩୯ତମ ଜନ୍ମଦିବସ ପାଳନ କରିଥିଲେ। ଏହି ଅବସରରେ କ୍ରୀଡ଼ା ଜଗତରୁ ଧୋନୀଙ୍କ ନିକଟକୁ ସୋସିଆଲ ମିଡିଆରେ ଶୁଭେଚ୍ଛାର ସୁଅ ଆସିଥିଲା। କିନ୍ତୁ କରୋନା ମହାମାରୀ କଟକଣା ସତ୍ତ୍ୱେ ଭାରତୀୟ କ୍ରିକେଟ୍ର ଦୁଇ ଅଲ୍ରାଉଣ୍ଡର ତଥା ପାଣ୍ଡ୍ୟା ବ୍ରଦର୍ସ ହାର୍ଦ୍ଦିକ ଓ କ୍ରୁନାଲ ଜନ୍ମଦିନର ଶୁଭେଚ୍ଛା ଜଣାଇବାକୁ ଧୋନୀଙ୍କୁ ଘରେ ପହଞ୍ଚିଥିଲେ। ଏକ ଚାର୍ଟର ବିମାନ ଯୋଗେ ଉଭୟ ହାର୍ଦ୍ଦିକ ଓ କ୍ରୁନାଲ ରାଞ୍ଚତ୍ ବିମାନ ବନ୍ଦରରେ ପହଞ୍ଚିବା ପରେ ଏକ ଏସ୍ୟୁଭି କାର୍ ଯୋଗେ ସିଧା ରାଞ୍ଚିସ୍ଥିତ ଧୋନୀଙ୍କ ଫାର୍ମ ହାଉସ୍କୁ ଯାଇଥିଲେ। ସେଠାରେ ଧୋନୀଙ୍କ ସ୍ତ୍ରୀ ସାକ୍ଷୀ, ଝିଅ ଜିଭା ଓ ଅଳ୍ପ କିଛି ସଦସ୍ୟଙ୍କ ଗହଣରେ ଉଭୟ ପାଣ୍ଡ୍ୟା ବ୍ରଦର୍ସ ଧୋନୀଙ୍କ ଜନ୍ମଦିନ ପାଳନ କରିଥିଲେ। ଯାହାର ଫଟୋ ପ୍ରଥମଥର ପାଇଁ ସୋସିଆଲ ମିଡିଆରେ ଭାଇରାଲ ହୋଇଛି। ଧୋନୀଙ୍କ ସ୍ତ୍ରୀ ସାକ୍ଷୀ ଏହାର ୧୫ ଦିନ ପରେ ନିଜ ଇନ୍ଷ୍ଟାଗ୍ରାମ ପୃଷ୍ଠାରେ ଏହି ଫଟୋକୁ ପୋଷ୍ଟ କରିଛନ୍ତି। ଯେଉଁଥିରେ ଧୋନୀ, କ୍ରୁନାଲ, କ୍ରୁନାଲଙ୍କ ସ୍ତ୍ରୀ ପାଙ୍ଖୁରୀ ଶର୍ମା ଠିଆ ହୋଇଥିବାବେଳେ ଏକ ଚେୟାର ଉପରେ ହାର୍ଦ୍ଦିକ ଓ ଜିଭା ବସିଥିବାର ଦେଖବାକୁ ମିଳିଛି। ସେହିଭଳି ଧୋନୀଙ୍କ ୩ ଜଣ ବନ୍ଧୁ ମଧ୍ୟ ଏହି ଫଟୋରେ ନଜର ଆସିଛନ୍ତି। କିନ୍ତୁ ସାକ୍ଷୀ ଏହି ଫଟୋରେ ଦେଖାଯାଉ ନାହାନ୍ତି। ଏହି ଫଟୋ ତଳେ ‘ମିସିଂ ଦି ହାପି ସ୍କ୍ବାଡ୍’ ବୋଲି ସାକ୍ଷୀ କ୍ୟାପ୍ସନରେ ଉଲ୍ଲେଖ କରିଛନ୍ତି। ଏହି ଫଟୋ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଛି। ଏଠାରେ ଉଲ୍ଲେଖଯୋଗ୍ୟ, ଗତ ବର୍ଷ ବିଶ୍ୱକପ୍ ପରଠାରୁ ଧୋନୀ କୌଣସି ଅନ୍ତର୍ଜାତୀୟ ପ୍ରତିଯୋଗିତାରେ ଅଂଶଗ୍ରହଣ କରୁନାହାନ୍ତି। ତେବେ ଆଇପିଏଲ୍ରେ ଧୋନୀ ଖେଳିବେ ବୋଲି ଆଶା କରାଯାଉଥିଲେ ମଧ୍ୟ କରୋନା ଲାଗି ଏହାକୁ ସ୍ଥଗିତ ରଖାଯାଇଛି।ରାଞ୍ଚି, ୨୨।୭- ଭାରତୀୟ କ୍ରିକେଟ୍ର ସବୁଠାରୁ ସଫଳ ଅଧିନାୟକ ବିବେଚିତ ହୋଇଥିବା ମହେନ୍ଦ୍ର ସିଂ ଧୋନୀ ଗତ ଜୁଲାଇ ୭ରେ ନିଜର ୩୯ତମ ଜନ୍ମଦିବସ ପାଳନ କରିଥିଲେ। ଏହି ଅବସରରେ କ୍ରୀଡ଼ା ଜଗତରୁ ଧୋନୀଙ୍କ ନିକଟକୁ ସୋସିଆଲ ମିଡିଆରେ ଶୁଭେଚ୍ଛାର ସୁଅ ଆସିଥିଲା। କିନ୍ତୁ କରୋନା ମହାମାରୀ କଟକଣା ସତ୍ତ୍ୱେ ଭାରତୀୟ କ୍ରିକେଟ୍ର ଦୁଇ ଅଲ୍ରାଉଣ୍ଡର ତଥା ପାଣ୍ଡ୍ୟା ବ୍ରଦର୍ସ ହାର୍ଦ୍ଦିକ ଓ କ୍ରୁନାଲ ଜନ୍ମଦିନର ଶୁଭେଚ୍ଛା ଜଣାଇବାକୁ ଧୋନୀଙ୍କୁ ଘରେ ପହଞ୍ଚିଥିଲେ। ଏକ ଚାର୍ଟର ବିମାନ ଯୋଗେ ଉଭୟ ହାର୍ଦ୍ଦିକ ଓ କ୍ରୁନାଲ ରାଞ୍ଚତ୍ ବିମାନ ବନ୍ଦରରେ ପହଞ୍ଚିବା ପରେ ଏକ ଏସ୍ୟୁଭି କାର୍ ଯୋଗେ ସିଧା ରାଞ୍ଚିସ୍ଥିତ ଧୋନୀଙ୍କ ଫାର୍ମ ହାଉସ୍କୁ ଯାଇଥିଲେ। ସେଠାରେ ଧୋନୀଙ୍କ ସ୍ତ୍ରୀ ସାକ୍ଷୀ, ଝିଅ ଜିଭା ଓ ଅଳ୍ପ କିଛି ସଦସ୍ୟଙ୍କ ଗହଣରେ ଉଭୟ ପାଣ୍ଡ୍ୟା ବ୍ରଦର୍ସ ଧୋନୀଙ୍କ ଜନ୍ମଦିନ ପାଳନ କରିଥିଲେ। ଯାହାର ଫଟୋ ପ୍ରଥମଥର ପାଇଁ ସୋସିଆଲ ମିଡିଆରେ ଭାଇରାଲ ହୋଇଛି। ଧୋନୀଙ୍କ ସ୍ତ୍ରୀ ସାକ୍ଷୀ ଏହାର ୧୫ ଦିନ ପରେ ନିଜ ଇନ୍ଷ୍ଟାଗ୍ରାମ ପୃଷ୍ଠାରେ ଏହି ଫଟୋକୁ ପୋଷ୍ଟ କରିଛନ୍ତି। ଯେଉଁଥିରେ ଧୋନୀ, କ୍ରୁନାଲ, କ୍ରୁନାଲଙ୍କ ସ୍ତ୍ରୀ ପାଙ୍ଖୁରୀ ଶର୍ମା ଠିଆ ହୋଇଥିବାବେଳେ ଏକ ଚେୟାର ଉପରେ ହାର୍ଦ୍ଦିକ ଓ ଜିଭା ବସିଥିବାର ଦେଖବାକୁ ମିଳିଛି। ସେହିଭଳି ଧୋନୀଙ୍କ ୩ ଜଣ ବନ୍ଧୁ ମଧ୍ୟ ଏହି ଫଟୋରେ ନଜର ଆସିଛନ୍ତି। କିନ୍ତୁ ସାକ୍ଷୀ ଏହି ଫଟୋରେ ଦେଖାଯାଉ ନାହାନ୍ତି। ଏହି ଫଟୋ ତଳେ ‘ମିସିଂ ଦି ହାପି ସ୍କ୍ବାଡ୍’ ବୋଲି ସାକ୍ଷୀ କ୍ୟାପ୍ସନରେ ଉଲ୍ଲେଖ କରିଛନ୍ତି। ଏହି ଫଟୋ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଛି। ଏଠାରେ ଉଲ୍ଲେଖଯୋଗ୍ୟ, ଗତ ବର୍ଷ ବିଶ୍ୱକପ୍ ପରଠାରୁ ଧୋନୀ କୌଣସି ଅନ୍ତର୍ଜାତୀୟ ପ୍ରତିଯୋଗିତାରେ ଅଂଶଗ୍ରହଣ କରୁନାହାନ୍ତି। ତେବେ ଆଇପିଏଲ୍ରେ ଧୋନୀ ଖେଳିବେ ବୋଲି ଆଶା କରାଯାଉଥିଲେ ମଧ୍ୟ କରୋନା ଲାଗି ଏହାକୁ ସ୍ଥଗିତ ରଖାଯାଇଛି।
