କୋକସରା,୨୨।୧୧ (ଡି.ଏନ.ଏ.)-କଳାହାଣ୍ଡି ଜିଲା କୋକସରା ବ୍ଲକ ଟେମରାଠାରେ ପଞ୍ଚାୟତସ୍ତରୀୟ କଳାକାର ସମ୍ମିଳନୀ ଅନୁଷ୍ଠିତ ହୋଇଯାଇଛି। ଆବାହକ ଶମ୍ଭୁ ଶଙ୍କର ମାଝି ଓ ନିବେଦକ ରାଜେନ୍ଦ୍ର ନାଏକଙ୍କ ନେତୃତ୍ୱରେ ପଞ୍ଚାୟତର ଅନେକ ଲୋକ କଳାକାରଙ୍କ ସମେତ ବାଦ୍ୟ କଳାକାର ଯୋଗଦେଇଥିଲେ । ଏହି ଅବସରରେ ରାଜ୍ୟ ସରକାର ଗ୍ରାମାଞ୍ଚଳରେ ରହୁଥିବା କଳାକାରଙ୍କୁ ଅଣଦେଖା କରୁଥିବା କଳାକାରମାନେ ମତପ୍ରକାଶ କରିଥିଲେ। ଆଜି ବି ଅନେକ ଲୁକ୍କାୟିତ କଳାକାର ଭତ୍ତା ଯୋଜନାରୁ ବାଦ ପଡ଼ିଥିବା ବେଳେ ସେମାନଙ୍କୁ ବ୍ଲକ ପ୍ରଶାସନ ଚିହ୍ନଟ କରି କଳାକାରର ମାନ୍ୟତା ଦେବାକୁ ଦାବି କରିଥିଲେ। ସମ୍ମିଳନୀରେ ମୁଖ୍ୟଅତିଥି ରୂପେ ପୂର୍ବତନ ବ୍ଲକ ଉପାଧ୍ୟକ୍ଷ ପର୍ଶୁରାମ ପ୍ରଧାନୀ, ମୁଖ୍ୟବକ୍ତା ତିଲତ୍ତମା ନାଏକ, ଟେମରା ସରପଞ୍ଚ ଗୌରୀ ଦଳପତି, ବିହାରୀ ପୂଝାରୀ, କୋକସରା ସମିତି ସଭ୍ୟ ତ୍ରିଭୁବନ ନାଏକ, ପୂର୍ବତନ ପ୍ରଧାନ ଶିକ୍ଷକ ଗଗନ ବିହାରୀ ପୂଝାରୀ, ସୁଧିର ପାତ୍ର, ବିଘ୍ନେଶ୍ୱର ନାଏକ, ଶମ୍ଭୁ ଶଙ୍କର ମାଝି ପ୍ରମୁଖ ଅତିଥି ଭାବେ ଯୋଗଦେଇଥିଲେ । ଏହି ଅବସରରେ କଳାକାର ମହେନ୍ଦ୍ର ନାଏକ, ବଟ ଠେଲା, ଜଗା ନାଏକ, ହେମନ୍ତ ବାଣୁଆ, ଦୁଷ୍ମନ୍ତ କୁମାର ପାତ୍ର, ଚୈଧୁରୀ ଦୁର୍ଗା ପ୍ରମୁଖ କଳାକାରଙ୍କ ସମେତ ଟେମେରା ପଞ୍ଚାୟତ ବିଭିନ୍ନ ଗ୍ରାମରୁ କଳାକାରମାନେ ଯୋଗଦେଇଥିଲେ।
