ପୌର ନିର୍ବାଚନରେ ପଡ଼ିପାରେ ପଞ୍ଚାୟତର ପ୍ରଭାବ

ଭୁବନେଶ୍ୱର, ୧।୩ (ବ୍ୟୁରୋ):ରାତି ପାହିଲେ ପୌର ନିର୍ବାଚନ ପାଇଁ ନାମାଙ୍କନପତ୍ର ଦାଖଲ ଆରମ୍ଭ ହେବ। ଏଥିପାଇଁ ୩ ପ୍ରମୁଖ ଦଳ ମଧ୍ୟରେ କସରତ ଆରମ୍ଭ ହୋଇଗଲାଣି। ପଞ୍ଚାୟତ ନିର୍ବାଚନରେ ଶାସକ ଦଳ ବିଜେଡିର ସଂଖ୍ୟା ଗରିଷ୍ଠତା ବିଜୟ ଭାଜପା ଓ କଂଗ୍ରେସ ଦଳ ପାଇଁ ମୁଣ୍ଡବିନ୍ଧାର କାରଣ ପାଲଟିଛି। ତେଣୁ କେଉଁ ପ୍ରାର୍ଥୀଙ୍କୁ ଟିକେଟ ଦେଲେ ସେ ଶାସକ ଦଳ ପ୍ରାର୍ଥୀଙ୍କୁ କଡା ଟକ୍କର ଦେଇପାରିବେ ତାହାକୁ ନେଇ ନେତାମାନେ ଚିନ୍ତିତ ରହିଛନ୍ତି। ଏଥର ବିଏମ୍‌ସି ନିର୍ବାଚନରେ ବିଜେଡିି ଓ ଭାଜପା ମଧ୍ୟରେ କଡ଼ା ଟକ୍କର ହେବ ବୋଲି ଆଶା କରାଯାଉଥିଲା। ମହାନଗରର ୬୭ ଓ୍ବାର୍ଡରେ ଏକାଧିକ ପ୍ରାର୍ଥୀ ବିଜେଡିିରୁ ଟିକେଟ ପାଇବାକୁ ଆଶାୟୀ ଥିଲେ। ତେଣୁ ଭାଜପାକୁ ସାମ୍ନା କରିପାରୁଥିବା ଦମ୍‌ଦାର ପ୍ରାର୍ଥୀଙ୍କୁ ଚୟନ କରିବା ଦଳ ପାଇଁ ଚ୍ୟାଲେଞ୍ଜ ହୋଇଥିଲା। ମାତ୍ର ପଞ୍ଚାୟତ ନିର୍ବାଚନ ଫଳାଫଳରେ ଭାଜପାର ନୈରାଶ୍ୟଜନକ ପ୍ରଦର୍ଶନ ଗୋଟେ ପଟେ ଶାସକ ଦଳ ବିଜେଡି ପାଇଁ ଆଶ୍ୱସ୍ତି ଆଣିଥିବାବେଳେ, ଅନ୍ୟପଟେ ଭାଜପାର ମନୋବଳ ଭାଙ୍ଗିଦେଇଛି। ସେହିପରି ମହାନଗରରେ ବିଜେଡିର ମୂଳଦୁଆକୁ ଦୋହଲାଇବା କଂଗ୍ରେସ ପାଇଁ ଏକ ପ୍ରକାର କାଠିକାର ପାଠ ହେବ।
ପୌର ନିର୍ବାଚନ ପାଇଁ ବିଜେଡିରେ ପ୍ରାର୍ଥୀ ଚୟନକୁ ନେଇ ଚର୍ଚ୍ଚା ଜୋର୍‌ ଧରିଥିଲା। ପ୍ରତି ଓ୍ବାର୍ଡରୁ ୩ଜଣ ଆଶାୟୀଙ୍କ ନାମ ୨୭ତାରିଖ ସୁଦ୍ଧା ଦେବା ପାଇଁ ୩ ବିଧାୟକଙ୍କୁ ନିର୍ଦ୍ଦେଶ ଦିଆଯାଇଥିଲା। ସୋମବାର ବିଧାୟକମାନେ ନିଜ ଅଞ୍ଚଳର ଆଶାୟୀଙ୍କ ତାଲିକା ଦାଖଲ କରିଛନ୍ତି। ତେବେ ୬୭ଟି ଓ୍ବାର୍ଡରୁ ଏକାଧିକ ଓ୍ବ୍ବାର୍ଡରେ ପୂର୍ବତନ କର୍ପୋରେଟରଙ୍କୁ ଟିକେଟ ମିଳିବା ନେଇ ସବୁଜ ସଂକେତ ମିଳିିଛି। ସୂଚନା ଅନୁଯାୟୀ, ଏଥର ୩ଟି ପର୍ଯ୍ୟାୟରେ ପ୍ରାର୍ଥୀଙ୍କ ନାମ ଘୋଷଣା ହେବାକୁ ଥିବାବେଳେ ପ୍ରଥମ ପର୍ଯ୍ୟାୟ ତାଲିକା ମଙ୍ଗଳବାର ପ୍ରକାଶ ପାଇବ। ଏ ସମ୍ପର୍କରେ ବିଜେଡି ବିଧାୟକ ଅନନ୍ତ ନାରାୟଣ ଜେନା କହିଛନ୍ତି, ପ୍ରାର୍ଥୀଙ୍କ ଚୟନ ତାଲିକା ମୁଖ୍ୟମନ୍ତ୍ରୀଙ୍କ ପାଖକୁ ପଠାଯାଇଛି। ସେଠାରୁ ତାଲିକା ଆସିବା ପରେ ପ୍ରାର୍ଥୀଙ୍କ ନାମ ଘୋଷଣା ହେବ। ଏହାପରେ ନାମାଙ୍କନ ପତ୍ର ଦାଖଲ ହେବ ଏବଂ ପ୍ରଚାର କରାଯିବ। ବହୁ ଆଶାୟୀ ଦଳରୁ ଟିକେଟ ପାଇବା ପାଇଁ ଚାହୁଁଥିଲେ। ତେବେ ଯେଉଁମାନଙ୍କର ସାଧାରଣ ଲୋକଙ୍କ ସହିତ ସମ୍ପର୍କ ଥିବ, ସେମାନଙ୍କ ସୁଖଦୁଃଖରେ ସାମିଲ ହେଉଥିବେ ସେହିମାନଙ୍କୁ ହିଁ ଦଳ ପ୍ରାଧାନ୍ୟ ଦେଇଛି। ପଞ୍ଚାୟତ ନିର୍ବାଚନ ପରି ପୌର ନିର୍ବାଚନରେ ବି ବିଜେଡି ବାଜିମାତ୍‌ କରିବ। ଅନ୍ୟପକ୍ଷରେ ଭାଜପା ଜିଲା ସଭାପତି ବାବୁ ସିଂ କହିଛନ୍ତି, ପଞ୍ଚାୟତ ନିର୍ବାଚନରେ ଆମେ ସିଟ୍‌ରେ କମିଯାଇଛୁ। ମାତ୍ର ଭୋଟ୍‌ ଦୃଷ୍ଟିରେ ଦେଖିଲେ ଭଲ ପାଇଛୁ। ସବୁଠାରେ ଆମେ ଦ୍ୱିତୀୟ ସ୍ଥାନରେ ରହିବା ସହ କଂଗ୍ରେସଠାରୁ ବହୁ ଆଗରେ ଅଛୁ। ପଞ୍ଚାୟତ ଓ ପୌର ନିର୍ବାଚନ କଥା ଅଲଗା ଅଲଗା। ୨୦୧୯ ସାଧାରଣ ନିର୍ବାଚନରେ ଭାଜପା ମହାନଗର ନିଗମରେ ଭଲ ପ୍ରଦର୍ଶନ କରିଥିଲା। ତେଣୁ ପୌର ନିର୍ବାଚନରେ ଭଲ କରିବ ବୋଲି ବିଶ୍ୱାସ ରହିଛି। ଦୀର୍ଘ ୨୨ବର୍ଷ ହେବ ବିଜେଡି ଲୋକଙ୍କୁ ଠକି ଆସିଛି। ତେଣୁ ଭୁବନେଶ୍ୱରବାସୀ ନିଶ୍ଚିତ ଏଥର ଭାଜପାକୁ ସମର୍ଥନ କରିବେ। ନିର୍ବାଚନ ପାଇଁ ମଣ୍ଡଳ ସ୍ତରରେ ପ୍ରାର୍ଥୀ ଚୟନ ହେଉଛି। ମୁଁ ଏକାମ୍ର ନିର୍ବାଚନ ମଣ୍ଡଳୀରୁ, ଜଗନ୍ନାଥ ପ୍ରଧାନ ମଧ୍ୟମରୁ ଏବଂ ଦିଲ୍ଲୀପ ମହାନ୍ତି ଉତ୍ତରରୁ ପ୍ରାର୍ଥୀ ଚୟନ କରିଛନ୍ତି। ଯାହାକୁ ଏମ୍‌ପି ଅପରାଜିତା ଷଡ଼ଙ୍ଗୀ ତଦାରଖ କରୁଛନ୍ତି। ଏବେ ସୁଦ୍ଧା ୩୦ ପ୍ରତିଶତ ପ୍ରାର୍ଥୀ ଚୟନ ସରିଯାଇଛି। ଖୁବ୍‌ଶୀଘ୍ର ସମସ୍ତ ଚୟନ ପ୍ରକ୍ରିୟା ଶେଷ ହେବ ବୋଲି ସିଂ କହିଛନ୍ତି। ସେହିପରି ବରିଷ୍ଠ କଂଗ୍ରେସ ନେତା ଶିବାନନ୍ଦ ରାୟ କହିଛନ୍ତି, ମଙ୍ଗଳବାର ସୁଦ୍ଧା ସମସ୍ତ ଚୟନ ପ୍ରକ୍ରିୟା ସରିଯିବ। ପଞ୍ଚାୟତ ନିର୍ବାଚନରେ ବିଜେଡି ଏକପାଖିଆ ଜିତୁଛି। ସରକାର, ଅଫିସର, ପୋଲିସ, ଟଙ୍କା ସବୁ ବିଜେଡି ହାତରେ। ତେଣୁ ବାଜିମାତ୍‌ କରୁଛି। ତଥାପି ଆମେ କାମକୁ ନେଇ ଲୋକଙ୍କ ବିଶ୍ୱାସ ଜିତିବାକୁ ଚେଷ୍ଟା କରିବୁ ବୋଲି ରାୟ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଆସନ୍ତାକାଲି ଭୀଷଣ ବାତ୍ୟାର ରୂପ ନେବ ଅକ୍ବାନ: ଓଡ଼ିଶାରେ ପ୍ରବଳ ବର୍ଷା! ୧୯ ତାରିଖରେ…

ଭୁବନେଶ୍ୱର,୧୬।୧୧: ବାତ୍ୟାରେ ପରିଣତ ହେଲା ଗଭୀର ଅବପାତ। ଘଣ୍ଟା ପ୍ରତି ୧୦କିମି ବେଗରେ ଆଗକୁ ବଢୁଛି। ବିଶାଖାପାଟଣା ଠାରୁ ୬୭୦ କିମି ଏବଂ ଗୋପାଳପୁରଠାରୁ ଦକ୍ଷିଣରେ ୭୯୦…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?