କୁଚିଣ୍ଡା,୨୩ା୬(ବିରଞ୍ଚତ୍ ଦର୍କା): ବାମରା ବ୍ଲକ ଅନ୍ତର୍ଗତ କେଶାଇବାହାଲ ପଞ୍ଚାୟତ ଭିକାପାଲି ଗ୍ରାମରେ ପଞ୍ଚାୟତ କର୍ତ୍ତୃପକ୍ଷଙ୍କ ଅଜାଣତରେ ଏକ ବୁଢିକଟା ଖନନ (ମାଟିକାମ) ଚାଲିଛି। ଏହି କାର୍ଯ୍ୟ ସମ୍ପର୍କିତ କୌଣସି ସୂଚନା ଫଳକ ନ ଥିବାରୁ ଜନସାଧାରଣ କଟା ଖନନରେ କେତେ ଅର୍ଥ ଓ କେଉଁ ଅନୁଦାନରେ ଚାଲିଛି ତାହା ଜାଣିପାରୁନାହାନ୍ତି। ଜୁନ ୧୫ପରେ ମାଟି କାମ ହୋଇ ନ ପାରିବା ସରକାରୀ ନିୟମ ରହିଥିବା ଜେସିବି ମେଶିନ ଲଗାଇ କଟା ଖନନ ଚାଲିଛି। ୨୦୨୧-୨୨ବର୍ଷରେ ଏହି ବୁଢିକଟା ଉନ୍ନତୀକରଣ ନିମନ୍ତେ ପଞ୍ଚଦଶ ଅର୍ଥ କମିଶନରୁ ୨ଲକ୍ଷ ଟଙ୍କା ଓ ପାହାଚ ନିର୍ମାଣ ନିମନ୍ତେ ୨ଲକ୍ଷ ଟଙ୍କାର ଅନୁଦାନ ପଞ୍ଚୟତକୁ ଆସିଛି। ମାତ୍ର କଟାରେ କେବଳ ପାହାଚ ଘାଟ ନିର୍ମାଣ ହୋଇଥିବାବେଳେ ଏହାର ସୂଚନା ଫଳକ ଥିବା ଜଣାଯାଇଛି। ମାତ୍ର ଅନ୍ୟ ମାଟି କାମର ସୂଚନା ଫଳକ ନ ଥିବାରୁ ଲୋକେ କଟା ଖନନ ସମ୍ପର୍କରେ ତଥ୍ୟ ପାଇବାରୁ ବଞ୍ଚତ୍ତ ହେଉଛନ୍ତି। ଏ ସମ୍ପର୍କରେ କେଶାଇବାହାଲ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଦୀପକ କୁମାର ପଟେଲଙ୍କୁ ପଚାରିବାରେ ଏହି କଟା ଉନ୍ନତି ପାଇଁ ପଞ୍ଚଦଶ ଅର୍ଥ କମିଶନରୁ ପଞ୍ଚାୟତରେ ୨ଲକ୍ଷ ଟଙ୍କା ଅଛି। ମାତ୍ର ଏଥିପାଇଁ ଫାଇଲ ଖୋଲାହୋଇ ନ ଥିବା ବେଳେ ସେଠାରେ ପୁଣି ମାଟି କାମ ଚାଲିଛି। ତାହା ପଞ୍ଚାୟତର ଅଜାଣତରେ ହେଉଥିବା ଓ ଏଭଳି ବେଆଇନ କାମର କୌଣସି ବିଲ୍ ପେମେଣ୍ଟ ହେବନାହିଁ ବୋଲି କହିଛନ୍ତି।
