ନୂଆଦିଲ୍ଲୀ, ୨୭।୪: ଜମ୍ମୁ ଓ କଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇଛି। ଏହି ଆକ୍ରମଣରେ ୨୬ ଜଣଙ୍କର ମୃତ୍ୟୁ ଘଟିଥିବା ବେଳେ ଦିଲ୍ଲୀରେ ଏହାର ପ୍ରତିକ୍ରିୟା ସ୍ବରୂପ ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଛ। ଏପ୍ରିଲ ୨୨ରେ ପହଲଗାମର ବୈସାରଣ ଅଞ୍ଚଳରେ ଆତଙ୍କବାଦୀମାନେ ଗୁଳିଚାଳନା କରି ୨୫ ଜଣ ପର୍ଯ୍ୟଟକ ଏବଂ ଜଣେ ସ୍ଥାନୀୟ ବ୍ୟକ୍ତିଙ୍କୁ ହତ୍ୟା କରିଥିଲେ। ଏହି ଆକ୍ରମଣର ଦାୟିତ୍ୱ ପାକିସ୍ତାନ ଆଧାରିତ ଲସ୍କର-ଏ-ତୋଇବାର ଛାୟା ସଂଗଠନ ‘ଦି ରେଜିଷ୍ଟାନ୍ସ ଫ୍ରଣ୍ଟ’ (ଟିଆରଏଫ) ନେଇଥିଲା, ଯଦିଓ ପରେ ସେମାନେ ଏହାକୁ ଅସ୍ବୀକାର କରିଛନ୍ତ।
ଆଜି ଦିଲ୍ଲୀରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଅଧ୍ୟକ୍ଷତାରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଛି। ଏହି ବୈଠକରେ ମୁଖ୍ୟ ପ୍ରତିରକ୍ଷା ଅଧ୍ୟକ୍ଷ (ସିଡିଏସ) ଜେନେରାଲ ଅନିଲ ଚୌହାନ, ଜାତୀୟ ସୁରକ୍ଷା ଉପଦେଷ୍ଟା ଅଜିତ ଡୋଭାଲ ଏବଂ ସେନା, ନୌସେନା ଓ ବାୟୁସେନାର ମୁଖ୍ୟମାନେ ଉପସ୍ଥିତ ଥିଲେ। ଏହି ବୈଠକରେ ଆକ୍ରମଣର ପ୍ରତିକ୍ରିୟା ଏବଂ ଭାରତ-ପାକିସ୍ତାନ ସୀମାରେ ବର୍ଦ୍ଧିତ ଉତ୍ତେଜନା ଉପରେ ଆଲୋଚନା ହୋଇଥିବା ଜଣାପଡିଛି। ଗୃହମନ୍ତ୍ରୀ ଅମିତ ଶାହା ମଧ୍ୟ ଦିଲ୍ଲୀ ପୋଲିସ କମିଶନରଙ୍କ ସହ ଏକ ସୁରକ୍ଷା ବୈଠକ କରି ରାଜଧାନୀରେ ସୁରକ୍ଷା ବ୍ୟବସ୍ଥାକୁ କରିବାକୁ ନିର୍ଦ୍ଦେଶ ଦେଇଛନ୍ତି।
ଏହି ଆକ୍ରମଣ ପରେ ଭାରତ ସରକାର ପାକିସ୍ତାନ ବିରୋଧରେ କଡ଼ା ପଦକ୍ଷେପ ଗ୍ରହଣ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କ୍ୟାବିନେଟ କମିଟି ଅନ ସିକ୍ୟୁରିଟି (ସିସିଏସ) ଅଟାରୀସ୍ଥିତ ଇଣ୍ଟିଗ୍ରେଟେଡ ଚେକ ପୋଷ୍ଟ ବନ୍ଦ କରିବାକୁ ନିଷ୍ପତ୍ତି ନେଇଛି। ଏହା ସହିତ, ୧୯୬୦ ମସିହାରେ ସ୍ବାକ୍ଷରିତ ସିନ୍ଧୁ ଜଳ ଚୁକ୍ତିକୁ ସ୍ଥଗିତ ରଖାଯାଇଛି, ଯାହା ପାକିସ୍ତାନର କୃଷି କ୍ଷେତ୍ର ପାଇଁ ଏକ ବଡ଼ ଆଘାତ ବୋଲି ବିବେଚନା କରାଯାଉଛ।
ଏହା ବ୍ୟତୀତ, ପାକିସ୍ତାନୀ ନାଗରିକଙ୍କ ପାଇଁ ଭିସା ସେବା ବନ୍ଦ କରାଯାଇଛି ଏବଂ ଭାରତରେ ଥିବା ପାକିସ୍ତାନୀ ହାଇ କମିଶନରେ କାର୍ଯ୍ୟରତ ଅଧିକାରୀଙ୍କ ସଂଖ୍ୟା ହ୍ରାସ କରାଯାଇଛ। ପାକିସ୍ତାନୀ ସୈନ୍ୟ ଦ୍ୱାରା ନିୟନ୍ତ୍ରଣ ରେଖା (ଏଲଓସି) ନିକଟରେ ଗୁଳିଚାଳନା ଜାରି ରହିଛି, ଯାହାକୁ ଭାରତୀୟ ସେନା ପ୍ରତିଉତ୍ତର ଦେଉଛି।
ଆଜି ‘ମନ କି ବାତ’ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦୀ ଏହି ଆକ୍ରମଣକୁ ନେଇ ଗଭୀର ଦୁଃଖ ପ୍ରକାଶ କରିଛନ୍ତ। ସେ କହିଛନ୍ତ, ପାହାଲଗାମ ଆକ୍ରମଣ ଆତଙ୍କବାଦୀଙ୍କ କାପୁରୁଷତା ଓ ନିରାଶାକୁ ପ୍ରତିଫଳିତ କରୁଛ। କଶ୍ମୀରରେ ଶାନ୍ତି ଓ ସମୃଦ୍ଧି ଫେରି ଆସୁଥିବା ବେଳେ ଆତଙ୍କବାଦୀ ଓ ତାଙ୍କ ପୃଷ୍ଠପୋଷକମାନେ ଏହାକୁ ନଷ୍ଟ କରିବାକୁ ଚାହୁଁଛନ୍ତ। ସେ ଆକ୍ରମଣକାରୀଙ୍କୁ କଠୋର ଶାସ୍ତି ଦେବା ଏବଂ ପୀଡିତ ପରିବାରଙ୍କୁ ନ୍ୟାୟ ପ୍ରଦାନ କରିବା ପାଇଁ ସଂକଳ୍ପ ବ୍ୟକ୍ତ କରିଛନ୍ତି।
