ଭୁବନେଶ୍ୱର,୩୦ା୫(ବ୍ୟୁରୋ): ଚାଇନାରୁ ରବିବାର ଭୁବନେଶ୍ୱରରେ ଆସି ପହଞ୍ଚିଛି ଅକ୍ସିଜେନ ସିଲିଣ୍ଡର। ଏକ ସ୍ବତନ୍ତ୍ର ବିମାନ ଯୋଗେ ଏହି ଅକ୍ସିଜେନ ସିଲିଣ୍ଡର ସିଧାସଳଖ ଭୁବନେଶ୍ୱରରେ ଆସି ପହଞ୍ଚିଛି। ଯାହାକି ଦେଶରେ ପ୍ରଥମ। ଏନେଇ ଟୁଇଟ୍ କରି ସୂଚନା ଦେଇଛନ୍ତି, ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ ଅସିତ ତ୍ରିପାଠୀ। ଖୁବ୍ଶୀଘ୍ର ରାଜ୍ୟର ସମସ୍ତ ମେଡିକାଲକୁ ଏହି ସିଲିଣ୍ଡର ଯୋଗାଇ ଦିଆଯିବ। ଅକ୍ସିଜେନ ଅଭାବରୁ କାହାର ଯେମିତି ଅସୁବିଧା ନ ହେବ ଏନେଇ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ଅସିତ୍ ତ୍ରିପାଠୀ କହିଛନ୍ତି, ଖୁବ୍ଶୀଘ୍ର ଚାଇନାରୁ ଦ୍ୱିତୀୟ ପର୍ଯ୍ୟାୟ ଅକ୍ସିଜେନ ସିଲିଣ୍ଡର ଓଡ଼ିଶାରେ ଆସି ପହଞ୍ଚିବ।
