ପ୍ରତି ମଣ୍ଡିରେ ସିସିଟିଭି ଲଗାଇବାକୁ ନିର୍ଦ୍ଦେଶ
9:11 amFebruary 3, 2021February 3, 2021 / 43

ଭୁବନେଶ୍ୱର,୩।୨(ବ୍ୟୁରୋ): ବିଧାନସଭା ବିଭାଗୀୟ ଷ୍ଟାଣ୍ଡିଂ କମିଟି-୬ର ନବମ ବୈଠକ କଂଗ୍ରେସ ବିଧାୟକ ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ମଙ୍ଗଳବାର ଅନୁଷ୍ଠିତ ହୋଇଯାଇଛି। ବୈଠକରେ ରାଜ୍ୟର କୃଷକମାନଙ୍କ ଧାନ ବିକ୍ରିଜନିତ ସମସ୍ୟା ଉପରେ ମୁଖ୍ୟତଃ ଆଲୋଚନା ହୋଇଥିଲା। ଆସନ୍ତା ମାର୍ଚ୍ଚ ୩୧ ସୁଦ୍ଧା ମଣ୍ଡିଗୁଡିକ ବନ୍ଦ ହେବାକୁ ଥିବାରୁ କୃଷକମାନଙ୍କ ପାଖରେ ଗଚ୍ଛିତ ଥିବା ଧାନ କିଣିବା ପାଇଁ ଯୋଗାଣ ଓ ସମବାୟ ବିଭାଗକୁ କମିଟି ନିର୍ଦ୍ଦେଶ ଦେଇଛି। ସେହିପରି ଚାଷୀମାନଙ୍କ ସ୍ବାର୍ଥର ସୁରକ୍ଷା ପାଇଁ ପ୍ରତ୍ୟେକ ମଣ୍ଡିରେ ସିସିଟିଭି ଲଗାଯିବା ସହିତ ଆବଶ୍ୟକ ଗୋଦାମ ଘର ନିର୍ମାଣ ଲାଗି କମିଟି ପରାମର୍ଶ ଦେଇଛି। ଏହାଛଡା ଚାଷୀଙ୍କୁ ଅଖା ବ୍ୟାଗ୍‌ ପିଛା ୧୦ ଟଙ୍କା ଏବଂ ପ୍ଲାଷ୍ଟିକ ବ୍ୟାଗ୍‌ ପିଛା ୫ଟଙ୍କା ଲେଖାଏ ପ୍ରଦାନ ଲାଗି ସୋସାଇଟିଗୁଡିକୁ ନିର୍ଦ୍ଦେଶ ଦିଆଯାଇଛି।