ଭୋପାଳ, ୭।୯ : ମଧ୍ୟପ୍ରଦେଶର ଗୃହମନ୍ତ୍ରୀ ନରୋତ୍ତମ ମିଶ୍ର ବୁଧବାର ଗଣମାଧ୍ୟମର ପ୍ରଶ୍ନର ଉତ୍ତର ଦେଇଛନ୍ତି। ଏହି ସମୟରେ, ଉଜ୍ଜୟନୀରେ ବଜରଙ୍ଗ ଦଳ କର୍ମୀଙ୍କ ଦ୍ୱାରା ଆଲିଆ-ରଣବୀରଙ୍କୁ ବିରୋଧ ସମ୍ପର୍କରେ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ କୌଣସି ପ୍ରସଙ୍ଗରେ ବିରୋଧ କରିବା ଏକ ଭିନ୍ନ ବିଷୟ। ଦର୍ଶନ ପାଇଁ କୌଣସି ରୋକ ନଥିଲା।
ରଣବୀର ଏବଂ ଆଲିଆଙ୍କ ସହ ଆସିଥିବା ଆୟାନ ମୁଖାର୍ଜୀଙ୍କ ସମତେ ସମସ୍ତେ ଦର୍ଶନ କରିଥିଲେ। ସେଠାରେ ସମ୍ପୂର୍ଣ୍ଣ ବ୍ୟବସ୍ଥା କରାଯାଇଥିଲା। ପ୍ରଶାସନ ରଣବୀର ଏବଂ ଆଲିଆଙ୍କୁ ଦର୍ଶନ ପାଇଁ ଯିବାକୁ ମଧ୍ୟ ଅନୁରୋଧ କରିଥିଲା। କିନ୍ତୁ ସେମାନେ ଗଲେ ନାହିଁ। ମିଶ୍ର କହିଛନ୍ତି ଯେ କଳାକାରମାନେ ଲୋକଙ୍କ ଭାବନାକୁ ଆଘାତ ଶବ୍ଦ ବ୍ୟବହାର କରିବା ଉଚିତ ନୁହେଁ ।
ମଙ୍ଗଳବାର ରଣବୀର କପୁର ପତ୍ନୀ ଆଲିଆ ଭଟ୍ଟ ଏବଂ ଫିଲ୍ମର ନିର୍ଦ୍ଦେଶକ ଆୟାନ ମୁଖାର୍ଜୀଙ୍କ ସହ ମଧ୍ୟପ୍ରଦେଶରେ ପହଞ୍ଚିଥିଲେ। ଇନ୍ଦୋରରେ ଫିଲ୍ମର ପ୍ରମୋଶନ କରିବା ପୂର୍ବରୁ ସମସ୍ତ କଳାକାର ଉଜ୍ଜୟନୀକୁ ଆସି ଫିଲ୍ମର ସଫଳତା ପାଇଁ ବାବା ମହାକାଳଙ୍କ ଆଶୀର୍ବାଦ ନେବାକୁ ଆସିଥିଲେ। କିନ୍ତୁ ଏଠାରେ ରଣବୀର କପୁରଙ୍କ ୧୦ ବର୍ଷ ପୁରୁଣା ଗୋମାଂସ ଖାଇବା ବିବୃତ୍ତି ଉପରେ ହିନ୍ଦୁ ସଂଗଠନମାନେ ମନ୍ଦିର ପ୍ରବେଶ ଦ୍ୱାରରେ ବିରୋଧ କରିଥିଲେ।
ଏହା ପରେ ଆଲିଆ ଏବଂ ରଣବୀରଙ୍କୁ ଉଜ୍ଜୟନୀ କଲେକ୍ଟର ଆଶିଷ ସିଂଙ୍କ ବାସଭବନରେ ଆଶ୍ରୟ ନେବାକୁ ପଡିଥିଲା। ପରିସ୍ଥିତି ଦେଖି ସେମାନେ ମନ୍ଦିର ଯିବା ନିଷ୍ପତ୍ତି ବାତିଲ କରିଥିଲେ।
ଧାର୍ମିକ ବିଶ୍ୱାସକୁ ଆଘାତ ଦେଇଥିବା ରଣବୀର କପୁରଙ୍କ ପୁରୁଣା ବିବୃତ୍ତି ଉପରେ ହିନ୍ଦୁତ୍ୱ ସଂଗଠନ ବିରୋଧ କରିଥିଲେ। ଏହି ସମୟରେ ଜଣେ କର୍ମଚାରୀ ଏବଂ ପୋଲିସ ମଧ୍ୟରେ ଧସ୍ତାଧସ୍ତି ଲାଗିଥିଲା। ପୋଲିସ ତାଙ୍କୁ ପିଟିବା ସହିତ ପରେ ଗିରଫ କରିଥିଲେ। ହିନ୍ଦୁ ଧର୍ମ ସଂଗଠନ ପକ୍ଷରୁ ସ୍ଲୋଗାନ ଦିଆଯାଇଥିଲା। କଳା ପତାକା ଧରି ସଂଗଠନ ସଦସ୍ୟ ମନ୍ଦିର ବାହାରେ ପ୍ରଦର୍ଶନ କରିଥିଲେ। ଏଥିସହିତ ପୋଲିସ ବଳ ପ୍ରୟୋଗ କରି ଭିଡ଼କୁ ନିୟନ୍ତ୍ରଣ କରିଥିଲା।
ଆଲିଆ ଭଟ୍ଟ ଏବଂ ରଣବୀର କପୁରଙ୍କ ଫିଲ୍ମ ବ୍ରହ୍ମାସ୍ତ୍ର ୯ ସେପ୍ଟେମ୍ବରରେ ରିଲିଜ ହେବାକୁ ଯାଉଛି। ଏହି ଚଳଚ୍ଚିତ୍ରର କଳାକାରମାନେ ଦେଶର ଅନେକ ସହରରେ ଫିଲ୍ମର ପ୍ରମୋଶନ କରୁଛନ୍ତି।
