ବିନା କାର୍ଯ୍ୟାନୁଷ୍ଠାନରେ ‘ଅପରେଶନ କ୍ଲିନ୍‌ ଅପ୍‌’

ଭୁବନେଶ୍ୱର, ୩୦ା୫(ବ୍ୟୁରୋ): ରାଜ୍ୟର ବିଭିନ୍ନ ଜେଲରେ ଚାଲିଛି ଅପରାଧୀଙ୍କ ରାଜ୍‌। ଜେଲ୍‌ର ସେଲ୍‌ ଭିତରୁ ହେଉଛି ଅପରାଧର ବ୍ଲୁ ପ୍ରିଣ୍ଟ୍‌। ବାହାରେ ଫୁଟୁଛି ଗୁଳି,ଗଡୁଛି ମୁଣ୍ଡ। ମୋବାଇଲ୍‌ ଫୋନ୍‌ ମାଧ୍ୟମରେ ଅପରାଧୀମାନେ ଅପରାଧ ନିୟନ୍ତ୍ରଣ କରୁଥିବାବେଳେ ନିଶା ସେବନ କରି ମଉଜ କରିବା ଘଟଣାର ଅନେକ ନଜିର ରହିଛି। ସ୍ଥିତି ବିଗିଡିଯିବା ପରେ ଏବେ ଶୋଇଯାଇଥିବା ଜେଲ ବିଭାଗ ଏବେ ଆରମ୍ଭ କରିଛି ‘ଅପରେଶନ କ୍ଲିନ୍‌ ଅପ୍‌’। ଚଢ଼ାଉ ଚାଲିଥିବାବେଳେ ଜେଲରୁ ପୁଳାପୁଳା ମୋବାଇଲ୍‌ ଫୋନ୍‌, ନିଶାଦ୍ରବ୍ୟ ସାଙ୍ଗକୁ ବିଭିନ୍ନ ବେଆଇନ ସାମଗ୍ରୀ ବିଭାଗର ନିଦ ହଜାଇ ଦେଇଛି। ତେବେ ମାସାଧିକ କାଳ କେବଳ ଚଢ଼ାଉ ଚାଲିଥିଲେ ମଧ୍ୟ କୌଣସି ଅଧିକାରୀ କିମ୍ବା କର୍ମଚାରୀଙ୍କ ଉପରେ ଏଯାଏ କାର୍ଯ୍ୟାନୁଷ୍ଠାନ ହୋଇ ନ ଥିବାରୁ ଜେଲ ବିଭାଗର କାର୍ଯ୍ୟଧାରାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।

ଜେଲ ଡିଜି ସନ୍ତୋଷ ଉପାଧ୍ୟାୟଙ୍କ ନିର୍ଦ୍ଦେଶକ୍ରମେ ବିଭାଗ ପକ୍ଷରୁ ଚାଲିଛି ‘ଅପରେଶନ କ୍ଲିନ୍‌ ଅପ୍‌’। ଜେଲକୁ ନିଶା କାରବାର ଓ ମୋବାଇଲ ଫୋନ୍‌ ମୁକ୍ତ କରିବା ପର୍ଯ୍ୟନ୍ତ ଏପରି ଅଭିଯାନ ଚାଲୁ ରହିବ ବୋଲି ମୁଖ୍ୟାଳୟ ପକ୍ଷରୁ ଏକ ପ୍ରେସ୍‌ ବିଜ୍ଞପ୍ତିରେ କୁହାଯାଇଛି। ହେଲେ ଝାରପଡ଼ା ସ୍ପେଶାଲ ଜେଲରୁ କେବଳ ମାସକ ଭିତରେ ୨୧ ମୋବାଇଲ୍‌ ଫୋନ୍‌, ନିଶାଦ୍ରବ୍ୟ ମିଳିଥିଲେ ମଧ୍ୟ ଏସବୁ ଭିତରକୁ କିପରି ଗଲା ତାହାର ଉତ୍ତର ବିଭାଗୀୟ ଅଧିକାରୀଙ୍କ ପାଖରେ ନାହିଁ। ଜବତ ମୋବାଇଲ୍‌ ଫୋନ୍‌ରେ ବାରମ୍ବାର ଭଏସ୍‌ କଲ୍‌, ମେସେଜ୍‌, ଭିଡିଓ କଲିଂ ହୋଇଛି। ଟେକ୍ନୋଲୋଜି କ୍ଷେତ୍ରରେ ଓଡ଼ିଶା ପୋଲିସ ଦକ୍ଷତା ହାସଲ କରିଥିବାବେଳେ କିପରି କାହାକୁ ଧରାଯାଇପାରୁନି ତାହା ରହସ୍ୟମୟ ହୋଇଯାଉଛି। ଏସବୁ ଘଟଣାରେ ଦାୟିତ୍ୱରେ ରହୁଥିବା ବରିଷ୍ଠ ଅଧିକାରୀଙ୍କର ପ୍ରମୁଖ ଭୂମିକା ରହୁଥିବାରୁ ପଦକ୍ଷେପ ନିଆଯାଉ ନ ଥିବା ଚର୍ଚ୍ଚା ଚାଲିଛି। କାରଣ ଏଠାରେ ରହୁଥିବା ଦୁର୍ଦ୍ଦାନ୍ତ ଅପରାଧୀ ଓ ହାଇପ୍ରୋଫାଇଲ୍‌ କଏଦୀଙ୍କ ସେଲ୍‌ ନିକଟରୁ ହିଁ ଅଧିକାଂଶ ମୋବାଇଲ୍‌ ଫୋନ୍‌ ମିଳିଛି। ତଦନ୍ତ ଚାଲୁଥିବା କହି ବିଭାଗୀୟ ଅଧିକାରୀ ସଫେଇ ଦେଉଥିବାବେଳେ ଭିତରେ ଦୋଷ ଠେଲାଠେଲି ଚାଲିଥିବା ସୂଚନା ମିଳିଛି।

ଜେଲ ନିୟମ ଅନୁସାରେ, କୌଣସି ଅଭିଯୁକ୍ତ ବା କଏଦୀ ଜେଲ ଭିତରକୁ ଯିବାବେଳେ କ୍ୟାମେରା ସମ୍ମୁଖରେ ତନ୍ନତନ୍ନ କରି ଯାଞ୍ଚ କରାଯାଇଥାଏ। ଏଥିସହ କର୍ମଚାରୀମାନେ ନିୟମିତ ଜେଲ୍‌ ଭିତରେ ନିରୀକ୍ଷଣ ଓ ଯାଞ୍ଚ କରନ୍ତି। କଏଦୀଙ୍କ ପରିବାର ଲୋକେ ଖାଦ୍ୟ ପଠାଇଲେ ତାହା ବି ଯାଞ୍ଚ କରାଯାଇ ଭିତରକୁ ଯାଇଥାଏ। ସନ୍ଦେହ ହେଲେ ରଖିଦିଆଯାଇଥାଏ। ପ୍ରବେଶ ପଥରେ କଡ଼ା ଯାଞ୍ଚ ସହ ଚାରିପଟେ ସୁଉଚ୍ଚ ପ୍ରାଚୀର ଘେରି ରହିଥିବାବେଳେ ଭିତରକୁ ମୋବାଇଲ ଫୋନ୍‌ ଓ ନିଶାଦ୍ରବ୍ୟ ଭଳି ବେଆଇନ ସାମଗ୍ରୀ କିପରି ଯାଉଛି ତାହାର ବଡ଼ ତଦନ୍ତ ହେବା ଆବଶ୍ୟକ ବୋଲି ମତ ପ୍ରକାଶ ପାଇଛି।


Enter your email to get our daily news in your inbox.

All Right Reserved By Dharitri.Com

‘ଖାଉଟି ସାମଗ୍ରୀ ବଣ୍ଟନର ସୋସିଆଲ ଅଡିଟ୍‌ କର’

କଟକ ଅଫିସ, ୨୫ା୮: ଜାତୀୟ ଖାଦ୍ୟ ସୁରକ୍ଷା ଆଇନ କାର୍ଯ୍ୟକାରୀ ନେଇ ସ୍ବଚ୍ଛତା ନିମନ୍ତେ ଖାଉଟି ସାମଗ୍ରୀ ବଣ୍ଟନର ସୋସିଆଲ ଅଡିଟ କର। ଏହାର ଭିଡିଓଗ୍ରାଫି...

୨୬ରେ ଆସୁଛି ‘ୟାସ୍‌’

ଭୁବନେଶ୍ୱର, ୨୧ା୫(ବ୍ୟୁରୋ): ସମ୍ଭାବ୍ୟ ସାମୁଦ୍ରିକ ଝଡ଼ ‘ୟାସ୍‌’କୁ ନେଇ ପଶିଲାଣି ଛନକା। ଆସନ୍ତା ୨୨ ତାରିଖରେ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ହେବ।...

ନେଇଛି ୧୪୦ ହଜାର କୋଟି, ଦେଇଛି ୧୪ ହଜାର କୋଟି

ଭୁବନେଶ୍ୱର,୬।୨(ବ୍ୟୁରୋ): ୨୦୨୧-୨୨ ଆର୍ଥିକବର୍ଷ ପାଇଁ କେନ୍ଦ୍ରରେ ଭାଜପା ପରିଚାଳିତ ଏନ୍‌ଡିଏ ସରକାର ଆଣିଥିବା ରେଳ ବଜେଟରେ ଓଡ଼ିଶା ପ୍ରତି ହୋଇଥିବା ଅଣଦେଖାକୁ ନେଇ ବିଜେଡି ଭାଜପାକୁ...

ଖୋଲିବାକୁ ମନା ସତ୍ତ୍ୱେ ଚାଲିଥିଲା ସ୍କୁଲ, ରାଜଧାନୀର ଏହି ସରସ୍ବତୀ ବିଦ୍ୟା ମନ୍ଦିରକୁ ସିଲ୍‌ କଲା ବିଏମ୍‌ସି

ଭୁବନେଶ୍ୱର,୧।୧୨(ବ୍ୟୁରୋ): ରାଜଧାନୀର ଚିନ୍ତାମଣୀସ୍ବର ଲେନ୍‌-୬ ଅଞ୍ଚଳରେ ଥିବା ଏକ ସ୍କୁଲ କୋଭିଡ ଗାଇଡଲାଇନ୍‌ ଉଲ୍ଲଂଘନ କରିଆସୁଥିଲା। ଏହାକୁ ନେଇ ସାଇ ସରସ୍ବତୀ ବିଦ୍ୟା ମନ୍ଦିରକୁ ମଙ୍ଗଳବାର...

ଭୁବନେଶ୍ୱରରେ ହେବ ଜୁନିୟର ହକି ବିଶ୍ୱକପ୍‌

ଭୁବନେଶ୍ୱର,୨୩।୯: ଓଡ଼ିଶା ଚଳିତ ବର୍ଷ ଜୁନିୟର ପୁରୁଷ ହକି ବିଶ୍ୱକପ ଆୟୋଜନ କରିବ। ଏ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ଘୋଷଣା କରିଛନ୍ତି। ଚଳିତ...

CORONAVIRUS UPDATE: ରାଜ୍ୟରେ ଆଜି ୨୬୧୭ ପଜିଟିଭ୍‌ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୨ ଲକ୍ଷ ୩୫ ହଜାର ୩୩୦କୁ ବୃଦ୍ଧି

ଭୁବନେଶ୍ୱର,୫ା୧୦(ବ୍ୟୁରୋ): ସୋମବାର ମୋଟ୍‌ ୩୦ ଜିଲାରୁ ୨୬୧୭ ନୂଆ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୨ ଲକ୍ଷ ୩୫...

ର଼୍ୟାକ ପଏଣ୍ଟରୁ ୟୁରିଆ ସାର ହରିଲୁଟ

ଯାଜପୁର ଅଫିସ,୨୮।୯:  ଲାଭଖୋର ସାର ବ୍ୟବସାୟୀଙ୍କୁ ନିୟନ୍ତ୍ରଣ କରିବାରେ ରାଜ୍ୟ ସରକାରଙ୍କ ବିଫଳତା ଯୋଗୁ ଯାଜପୁର ଜିଲାରେ ସାରର ଅଭାବୀ ପରିସ୍ଥିତି ଲାଗି ରହିଛି। ର଼୍ୟାକ...

ବିରୋଧ, ବିକ୍ଷୋଭ

ଭୁବନେଶ୍ୱର,୨୬।୯(ବ୍ୟୁରୋ): କେନ୍ଦ୍ର ସରକାରଙ୍କ କୃଷି ବିଲ୍‌କୁ ବିରୋଧ କରି ଭାରତୀୟ କିଷାନ ୟୁନିୟନ, ଅଲ୍‌ ଇଣ୍ଡିଆ କୃଷକ ସଂଗଠନ, ଅଖିଳ ଭାରତ କିଷାନ ସଂଘର୍ଷ ସମନ୍ବୟ...

Advertisement


Archives

Model This Week