ମସ୍କୋ,୨୨ ।୨: ରୁଷିଆ-ୟୁକ୍ରେନ୍ ଯୁଦ୍ଧକୁ ୨୪ ଫେବୃୟାରୀରେ ବର୍ଷେ ପୂରଣ ହେବାକୁ ଯାଉଛି । ଶକ୍ତିଶାଳୀ ରୁଷିଆକୁ ୟୁକ୍ରେନ୍ ଯଦିଓ କଡା ଜବାବ ଦେଇ ପାରିନି ହେଲେ ମଜଭୁତ ଭାବେ ସାମ୍ନା କରିଛି । ଆଶା କରାଯାଉଥିବା ଠାରୁ ଅଧିକ ଦିନ ଚାଲିଥିବା ଏହି ଯୁଦ୍ଧରେ ରୁଷିଆକୁ ଝଟ୍କା ପରେ ଝଟ୍କା ଲାଗିଛି, ହେଲେ ଘରୋଇ ରାଜନୀତିରେ ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଛବି ଉପରେ କୌଣସି ପ୍ରଭାବ ପଡି ନାହିଁ । ବରଂ ସେ ଆହୁରି ଶକ୍ତିଶାଳୀ ହୋଇଯାଇଛନ୍ତି ।
ରାଷ୍ଟ୍ରପତି ପୁଟିନଙ୍କ ୟୁକ୍ରେନ୍ ଉପରେ ଆକ୍ରମଣ କରିବାକୁ ପ୍ରେରିତ କରିଥିବା ଯେଉଁ ଅଭିଯୋଗ, ଅସନ୍ତୋଷ ଏବଂ ସାମ୍ରାଜ୍ୟବାଦୀ ମାନସିକତା ଥିଲା ତାହା ଏବେ ରୁଷିଆ ଲୋକଙ୍କ ଜୀବନରେ ଗଭିର ଭାବେ ଜଡିତ ହୋଇଯାଇଛି । ରୁଷିଆର କୌଣସି ସ୍ଥାନରେ ପୁଟିନଙ୍କୁ ବିରୋଧ କରାଯାଉନାହିଁ, ବରଂ ଲୋକେ ତାଙ୍କୁ ସମର୍ଥନ କରୁଛନ୍ତି ।
ୟୁକ୍ରେନ୍ ଯୁଦ୍ଧର ଆରମ୍ଭରେ ପୁଟିନକୁ ନିରବଚ୍ଛିନ୍ନ ଭାବେ ବିରୋଧ କରାଯାଉଥିଲା । ମାନବାଧିକାର କର୍ମୀ ତଥା ଉଦାରବାଦୀମାନେ ସେମାନଙ୍କ ବିରୁଦ୍ଧରେ ଠିଆ ହେଉଥିଲେ ଏବଂ ପ୍ରେକ୍ଷାଳୟରେ ଯୁଦ୍ଧ ବିରୋଧି ନାଟକ ମଧ୍ୟ ମଞ୍ଚସ୍ଥ ହୋଇଥିଲା । ହେଲେ ଗୋଟିଏ ବର୍ଷ ବିତିବା ପରେ ଉଦାରବାଦୀମାନେ ଅଦୃଶ୍ୟ ହୋଇଗଲେ ଓ ଜାତୀୟତାବାଦୀ ସ୍ୱର ଉତ୍ତୋଳନ କଲେ ।
