ନୂଆଦିଲ୍ଲୀ,୧।୫ : ଏକ ଭାରତ ଶ୍ରେଷ୍ଠ ଭାରତ ଅଭିଯାନ ଅନ୍ତର୍ଗତ ମେ‘୧ରେ ମହାରାଷ୍ଟ୍ର ଏବଂ ଗୁଜରାଟ ପ୍ରତିଷ୍ଠା ଦିବସ ଦେଶର ସମସ୍ତ ରାଜ୍ୟ ଏବଂ ପାଳନ କରିଛନ୍ତି। କେନ୍ଦ୍ରର ଭାରତୀୟ ଜନତା ପାର୍ଟି ସରକାର ଏନ୍ନେଇ ଏକ ବଡ଼ ଐତିହାସିକ ନିଷ୍ପତ୍ତି ନେଇଥିବାବେଳେ ଏହା କାର୍ଯ୍ୟକାରୀ କରାଯାଇଛି। ଏହା ଅନ୍ତର୍ଗତ ସମସ୍ତ ରାଜ୍ୟ ବର୍ତ୍ତମାନ କେବଳ ନିଜର ପ୍ରତିଷ୍ଠା ନୁହେଁ ଅନ୍ୟ ରାଜ୍ୟର ପ୍ରତିଷ୍ଠା ଦିବସ ମଧ୍ୟ ପାଳନ କରିବେ। ଏକ ଭାରତ ଶ୍ରେଷ୍ଠ ଭାରତର ଭାବନାକୁ ପ୍ରୋତ୍ସାହିତ କରିବା ପାଇଁ ସରକାର ଏହି ନିଷ୍ପତ୍ତି ନେଇଛନ୍ତି। ବର୍ତ୍ତମାନଠାରୁ ଦେଶର ସମସ୍ତ ରାଜ୍ୟର ରାଜଭବନରେ ସମସ୍ତ ରାଜ୍ୟର ପ୍ରତିଷ୍ଠା ଦିବସ ପାଳନ କରାଯିବ।
କୋଡିଏଟି ରାଜ୍ୟ ଏବଂ ସମସ୍ତ ଆଠଟି ୟୁନିଅନ ଅଞ୍ଚଳ ନିଜ ନିଜ ରାଜଭବନ (ରାଜ୍ୟପାଳଙ୍କ ବାସଭବନ) ଏବଂ ରାଜନିବାସ (ଉପରାଜ୍ୟପାଳଙ୍କ ବାସଭବନ)ରେ ଗୁଜରାଟ ଏବଂ ମହାରାଷ୍ଟ୍ରର ପ୍ରତିଷ୍ଠା ଦିବସ ପାଳନକୁ ନିଶ୍ଚିତ କରିଛନ୍ତି। ଏଥିମଧ୍ୟରେ ୩୦ ରାଜ ଭବନ ରହିଛି।
ସୂଚନାଯୋଗ୍ୟ,ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ୩୧ ଅକ୍ଟୋବର ୨୦୧୫ ରେ ସର୍ଦ୍ଦାର ବଲ୍ଳଭଭାଇ ପଟେଲଙ୍କ ୧୪୦ ତମ ଜନ୍ମ ବାର୍ଷିକୀରେ ‘ଏକ ଭାରତ ଶ୍ରେଷ୍ଠ ଭାରତ’ ପଦକ୍ଷେପ ଘୋଷଣା କରାଯାଇଥିଲା। ଏହି ପଦକ୍ଷେପର ଉଦ୍ଦେଶ୍ୟ ହେଉଛି ବିଭିନ୍ନ ରାଜ୍ୟର ସଂସ୍କୃତି, ପରମ୍ପରା ଏବଂ ଅଭ୍ୟାସ ବିଷୟରେ ଜ୍ଞାନ ବଢ଼ାଇ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ ମଧ୍ୟରେ ବୁଝାମଣା ଏବଂ ସଂଯୋଗକୁ ବୃଦ୍ଧି କରିବା ଏବଂ ଭାରତର ଏକତା ଏବଂ ଅଖଣ୍ଡତାକୁ ସୁଦୃଢ଼ କରିବା।
