ରାଇରଙ୍ଗପୁର,୨୦।୮(ମାନସ ମହାନ୍ତି): ମୟୂରଭଞ୍ଜ ଜିଲା ରାଇରଙ୍ଗପୁର ଟାଉନ ଥାନା ଅଧୀନ ରାଇରଙ୍ଗପୁର-ବିଷୋୟୀ ରାଜପଥରେ ଦୃତଗତିରେ ଆସୁଥିବା ଏକ କାର (ନଂ. ଓଡ଼ି୧୧ଟି- ୪୨୫୮) ଜଣେ ପଥଚାରୀଙ୍କୁ ଧକ୍କା ଦେଇଥିଲା। ଫଳରେ ପଥଚାରୀଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ମୃତକ ହେଲେ ରାଇରଙ୍ଗପୁର ଥାନା ଅନ୍ତର୍ଗତ ଆହାରବନ୍ଧ ଗ୍ରାମର ଭୀମ ପାତ୍ର(୪୮)।
ମିଳିଥିବା ସୂଚନା ମୁତାବକ, ଭୀମ ରାସ୍ତାରେ ଚାଲିକି ରାଇରଙ୍ଗପୁରରୁ ଭରଣ୍ଡିଆ ଗ୍ରାମକୁ ଯାଉଥିଲେ। ହେଲେ କାରଟି ଦୃତଗତିରେ ଆସି ତାଙ୍କୁ ଧକ୍କା ଦେଇଥିଲା। ଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ଦୁର୍ଘଟଣା ପରେ କାର ଚାଳକ କାର ଧରି ଫେରାର ହୋଇଯାଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ରବିବାର ବ୍ୟବଚ୍ଛେଦ ପରେ ପରିବାରଙ୍କୁ ହସ୍ତାନ୍ତର କରିଛି। ମୃତ ଭୀମଙ୍କ ପୁଅ ବିରେନ୍ଦ୍ର ପାତ୍ରଙ୍କ ଅଭିଯୋଗ କ୍ରମେ ପୋଲିସ ଏହି ମାମଲା (ନଂ.୨୫୪/୨୦୨୩) ରୁଜୁ କରି ଦୁର୍ଘଟଣା ଘଟାଇଥିବା କାରକୁ ଜବତ କରିଛି।
