ସିଓଲ, ୧୩।୧୨: କରୋନା ମହାମାରୀର ନୂଆ ଭାରିଆଣ୍ଟ ଓମିକ୍ରନ୍ ଯୋଗୁ ପୃଥିବୀରେ ଆତଙ୍କ ସୃଷ୍ଟି ହୋଇଛି। ଦୈନିକ ସଂକ୍ରମଣ-ମୃତ୍ୟୁ ସଂଖ୍ୟା ବଢ଼ିଚାଲିଛି। ଦକ୍ଷିଣ କୋରିଆର ଗବେଷକମାନେ ଓମିକ୍ରନ ଭାରିଆଣ୍ଟର ଚିହ୍ନଟ ପାଇଁ ଏକ ମଲିକୁଲାର ଡାଇଗ୍ନୋଷ୍ଟିକ ଟେକ୍ନୋଲୋଜିର ବିକାଶ କରିଛନ୍ତି। ଏହା ଦ୍ୱାରା ମାତ୍ର ୨୦ ମିନିଟ ମଧ୍ୟରେ ଆକ୍ରାନ୍ତ ବ୍ୟକ୍ତି ଜଣକ ଓମିକ୍ରନ ଭାରିଆଣ୍ଟରେ ସଂକ୍ରମିତ ଗବେଷକଙ୍କ ଅନୁଯାୟୀ, ମଲିକୁଲାର ଡାଇଗ୍ନୋଷ୍ଟିକ ଟେକ୍ନୋଲୋଜି ଏକକ-ନ୍ୟୁକ୍ଲିଓଟାଇଡ ଭିତ୍ତିରେ ମ୍ୟୁଟେଶନକୁ ପୃଥକ କରିବାକୁ ସକ୍ଷମ ହୋଇଥାଏ।
ଦକ୍ଷିଣ କୋରିଆରେ ରୋଗ ନିୟନ୍ତ୍ରଣ ଏବଂ ପ୍ରତିରୋଧ କେନ୍ଦ୍ରଗୁଡ଼ିକ ବର୍ତ୍ତମାନ କରୋନାର ବିଭିନ୍ନ ଭାରିଆଣ୍ଟର ଚିହ୍ନଟ ପାଇଁ ତିନୋଟି ପଦ୍ଧତି ବ୍ୟବହାର କରୁଛନ୍ତି। ସେଗୁଡ଼ିକ ହେଉଛି ଫୁଲ୍ ଜିନୋମ ସ୍ବିକ୍ୱେନ୍ସିଂ, ଟାର୍ଗେଟ ଡିଏନ୍ଏ ଆନାଲିସିସ୍ ଏବଂ ଆର୍ଟି-ପିସିଆର୍ ପରୀକ୍ଷା ପ୍ରଭୃତି।
ଡେଲଟା ଭାରିଆଣ୍ଟକୁ ଆର୍ଟି-ପିସିଆର୍ ପରୀକ୍ଷା ଦ୍ୱାରା ଚିହ୍ନଟ କରାଯାଇପାରେ, କିନ୍ତୁ ଏହା ଓମିକ୍ରନ୍ ପାଇଁ ପ୍ରଭାବଶାଳୀ ନୁହେଁ । ନୂତନ ବିକଶିତ ଟେକ୍ନୋଲୋଜି ଡିଏନ୍ କିମ୍ବାଆଏନ୍ଏ ସିକ୍ୱେନ୍ସିଂର ପ୍ରକ୍ରିୟା ନୁହେଁ ବରଂ ମଲିକୁଲାର ଡାଇଗ୍ନୋଷ୍ଟିକ ଟେକ୍ନୋଲୋଜି ହୋଇଥିବାରୁ ଏହା ଓମିକ୍ରନ୍ ଭାରିଆଣ୍ଟକୁ ସହଜରେ ଚିହ୍ନଟ କରିବାକୁ ସକ୍ଷମ ହେବ। ନ୍ୟୁକ୍ଲିୟିକ ଏସିଡ-ବାଇଣ୍ଡିଂ ପ୍ରତିକ୍ରିୟାର କାରଣ ଜାଣିବା ପାଇଁ ମଲିକୁଲାର ଡାଇଗ୍ନୋଷ୍ଟିକ ଟେକ୍ନୋଲୋଜି ଡିଜାଇନ ହୋଇଛି । ଯାହା ଦ୍ୱାରା କୋଭିଡ୍-୧୯ ଆର୍ଏନ୍ଏରେ ଉପସ୍ଥିତ ଥିଲେ ଏହା ଶୀଘ୍ର ଚିହ୍ନଟ ହୋଇପାରିବ।
ପ୍ରଫେସର ଲିଙ୍କ ଅନୁଯାୟୀ, ଆର୍ଟି-ପିସିଆର୍ ପରୀକ୍ଷା ଓମିକ୍ରନରେ ଥିବା ଏନ୍ ଜିନ ଚିହ୍ନଟ କରିପାରିବ। ଓମିକ୍ରନ କ୍ଷେତ୍ରରେ, ଉଭୟ ଏନ୍ ଏବଂ ଏସ୍ ଜିନସ୍ପଜିଟିଭ୍ ରହିଥାଏ। ଫଳରେ ଏହାକୁ ଅନ୍ୟ ଭାରିଆଣ୍ଟ୍ଠାରୁ ପୃଥକ୍ କରିବା କଷ୍ଟକର ହୋଇଥାଏ। ମାତ୍ର ମଲିକୁଲାର ଡାଇଗ୍ନୋଷ୍ଟିକ ଟେକ୍ନୋଲୋଜି ଆର୍ଟି-ପିସିଆର୍ ତୁଳାନରେ ପୃଥକ ଭାବରେ କାର୍ଯ୍ୟ କରିବା ସହିତ ସଫଳତାର ସହିତ ଓମିକ୍ରନ ଚିହ୍ନଟ କରିଥାଏ ବୋଲି ସେ କହିଛନ୍ତି।
