ଓ୍ବାଶିଂଟନ,୨।୪ : ଆମେରିକାରେ ଗୁଳିକାଣ୍ଡ ଘଟଣା କମିବାର ନା ଧରୁନି। ପୁଣି ଥରେ ଆମେରିକାରେ ଗୁଳିକାଣ୍ଡ ଘଟଣା ସାମ୍ନାକୁ ଆସିଛି। ଶନିବାର ରାତିରେ ଓକାଲୋହୋମାରେ ଆଉ ଏକ ଗୁଳକାଣ୍ଡ ଘଟିଛି।
ଅଭିଯୁକ୍ତମାନେ ୬ ଜଣଙ୍କୁ ଟାର୍ଗେଟ କରି ଆଖିକୁଜା ଗୁଳି ଚାଳନା କରିଥିଲେ। ଏହାଯୋଗୁ ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ୩ ଜଣ ଆହତ ହୋଇଛନ୍ତି। ଆହତଙ୍କୁ ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି।
ରାତି ପ୍ରାୟ ୧୦ ଟା ସମୟରେ ଚକ୍ଲୋହୋମାର ହ୍ବିସ୍କି ବ୍ୟାରେଲ ସୈଲୁନରେ ଏଭଳି ଅଭାବନୀୟ ଘଟଣା ଘଟିଥିଲା। ସୂଚନା ପାଇବା ମାତ୍ରେ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲା।
ସେମାନେ ବାର ଭିତରେ ତିନିଜଣ ବୟସ୍କଙ୍କ ମୃତଦେହ ପାଇଥଲେ। ଓକାଲୋହୋମା ସିଟି ପୋଲିସର ସୂଚନାନୁସାରେ ଅନ୍ୟ ତିନି ଜଣଙ୍କୁ ଘଟଣାସ୍ଥଳରୁ ଡାକ୍ତରଖାନା ନିଆଯାଇଥିଲା। ଆହତଙ୍କ ମଧ୍ୟରେ ଜଣଙ୍କର ଅବସ୍ଥା ଗୁରୁତର ରହିଛି।
କୋକୋ-ଟିଭି ରିପୋର୍ଟ କରିଛି ନ୍ୟୁକେସଲ୍ସ ରୋଡ ଏବଂ ଦକ୍ଷିଣ ପଶ୍ଚିମ ଓକାଲୋହୋମା ସିଟିର ଦକ୍ଷିଣ ରୁଫ ଆଭେନ୍ୟୁ ନିକଟରେ ଥିବା ହ୍ବିସ୍କି ବ୍ୟାରେଲର ଅଜଣା ବ୍ୟକ୍ତିମାନେ ପହଞ୍ଚି ଗୁଳି ଚାଳନା କରିଥିଲେ।
ଏହି ଘଟଣାର ତଦନ୍ତ ଜାରି ରହିଥିବା ପୋଲିସ ସୂଚନା ପ୍ରଦାନ କରିଛି। ଓକ୍ଲୋମାବାସୀଙ୍କୁ ସତର୍କତା ଅବଲମ୍ବନ କରିବାକୁ କୁହାଯାଇଛି।
