ଓଡ଼ିଶାରେ ସର୍ବାଧିକ କୋଭିଡ୍‌ ଅନାଥ

ନୂଆଦିଲ୍ଲୀ,୧୭ା୧ :ଘାତକ କରୋନା ଭୂତାଣୁ ସାରା ଦେଶର ପିଲାଙ୍କ ପାଠପଢ଼ାରେ ଏକପ୍ରକାର ଡୋରି ବାନ୍ଧିବା ସହ ସେମାନଙ୍କ ଶୈଶବ ମଧ୍ୟ ଉଜାଡ଼ିଦେଇଛି। ମହାମାରୀରେ ସର୍ବାଧିକ ପ୍ରଭାବିତ ହୋଇଛନ୍ତି ଓଡ଼ିଶାର ଶିଶୁ। କୋଭିଡ୍‌-୧୯ ଯୋଗୁ ଗତ ୯ ମାସ ମଧ୍ୟରେ ଓଡ଼ିଶାର ୨୪,୪୦୫ ପିଲା ନିଜ ମା’ କିମ୍ବା ବାପା ଅଥବା ଉଭୟଙ୍କୁ ହରାଇଛନ୍ତି। ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗ ସୁପ୍ରିମକୋର୍ଟରେ ସଦ୍ୟ ଦାଖଲ କରିଥିବା ସତ୍ୟପାଠରୁ ଏହି ଉଦ୍‌ବେଗଜନକ ବିଷୟ ପ୍ରଘଟ ହୋଇଛି। ସବୁ ମାମଲା ହିସାବକୁ ନେଲେ ହୁଏତ ପ୍ରକୃତ ସଂଖ୍ୟା ଏହାଠାରୁ ଆହୁରି ଅଧିକ ହୋଇପାରେ।
ମହାମାରୀ କରୋନା ୨୦୨୦ ଏପ୍ରିଲ ୧ରୁ ଅଦ୍ୟାବଧି ୧,୪୭,୪୯୨ ଶିଶୁଙ୍କୁ ଅନାଥ କରିଛି। ସେମାନଙ୍କ ମଧ୍ୟରୁ ଓଡ଼ିଶାର ସର୍ବାଧିକ ୨୪,୪୦୫ ପିଲା କୋଭିଡ୍‌-୧୯ ଯୋଗୁ ନିଜ ମା’ କିମ୍ବା ବାପା ଅଥବା ଉଭୟଙ୍କୁ ହରାଇଥିବା ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗ (ଏନ୍‌ସିପିସିଆର୍‌) ସୁପ୍ରିମକୋର୍ଟଙ୍କୁ ସତ୍ୟପାଠ ଜରିଆରେ ଅବଗତ କରାଇଛନ୍ତି।
କୋଭିଡ୍‌-୧୯ ମହାମାରୀ ସମୟରେ ମାତାପିତାଙ୍କୁ ହରାଇଥିବା ଶିଶୁଙ୍କ ଯନତ୍ ଓ ସୁରକ୍ଷାର ଆବଶ୍ୟକତା ସମ୍ପର୍କିତ ପ୍ରସଙ୍ଗରେ ସୁପ୍ରିମକୋର୍ଟ ନିଜଆଡ଼ୁ ମାମଲାର ଶୁଣାଣି କରୁଛନ୍ତି। ଏହି ପରିପ୍ରେକ୍ଷୀରେ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକ ପକ୍ଷରୁ ‘ବାଲ୍‌ ସ୍ବରାଜ ପୋର୍ଟାଲ-କୋଭିଡ୍‌ କେୟାର’ରେ ଜାନୁୟାରୀ ୧୧ ପର୍ଯ୍ୟନ୍ତ ଅପ୍‌ଲୋଡ୍‌ କରାଯାଇଥିବା ତଥ୍ୟକୁ ଭିତ୍ତିକରି ଏନ୍‌ସିପିସିଆର୍‌ ଆଇନଜୀବୀ ସ୍ବରୂପମା ଚତୁର୍ବେଦୀ ସର୍ବୋଚ୍ଚ ଅଦାଲତରେ ଦାଖଲ କରିଥିବା ସତ୍ୟପାଠରେ ଉପରୋକ୍ତ ତଥ୍ୟ ଉଲ୍ଲେଖ କରିଛନ୍ତି। କୋଭିଡ୍‌ ଯୋଗୁ ଅନାଥ ହୋଇଥିବା ଶିଶୁଙ୍କ ରାଜ୍ୟ ଓ୍ବାରି ସଂଖ୍ୟାକୁ ଦେଖିଲେ ଏହି କ୍ଷେତ୍ରରେ ଅନ୍ୟ ରାଜ୍ୟଗୁଡ଼ିକ ତୁଳନାରେ ଓଡ଼ିଶା ସର୍ବାଗ୍ରେ ରହିଛି। ୨୦୨୦ ଏପ୍ରିଲରୁ କୋଭିଡ୍‌ ସଂକ୍ରମଣ ଓ ଅନ୍ୟାନ୍ୟ କାରଣରୁ ଓଡ଼ିଶାର ସର୍ବାଧିକ ୨୪,୪୦୫ ଶିଶୁ ଅନାଥ ହୋଇଛନ୍ତି। ଓଡ଼ିଶା ତଳକୁ ମହାରାଷ୍ଟ୍ର ରହିଛି, ଯେଉଁଠି ୧୯,୬୨୩ ଶିଶୁ ଅନାଥ ହୋଇଛନ୍ତି। ଏହି ଅବଧି ମଧ୍ୟରେ ଗୁଜରାଟର ୧୪,୭୭୦, ତାମିଲନାଡୁ ୧୧,୦୧୪, ଉତ୍ତର ପ୍ରଦେଶ ୯,୨୪୭, ଆନ୍ଧ୍ର ପ୍ରଦେଶ ୮,୭୬୦, ମଧ୍ୟପ୍ରଦେଶ ୭,୩୪୦, ପଶ୍ଚିମବଙ୍ଗ ୬,୮୩୫, ଦିଲ୍ଲୀ ୬,୬୨୯ ଏବଂ ରାଜସ୍ଥାନର ୬,୮୨୭ ଶିଶୁଙ୍କଠାରୁ ମହାମାରୀ ସେମାନଙ୍କ ମାତାପିତାଙ୍କୁ ଛଡ଼ାଇନେଇଛି। ମହାମାରୀରେ ଶିଶୁମାନେ ଯେପରି ପ୍ରଭାବିତ ନ ହେବେ ତାହା ସୁନିଶ୍ଚିତ କରିବା ଦିଗରେ ଏନ୍‌ସିପିସିଆର୍‌ ପଦକ୍ଷେପ ନେଉଥିବା ସର୍ବୋଚ୍ଚ ଅଦାଲତଙ୍କୁ ଅବଗତ କରାଇଛନ୍ତି। ମହାମାରୀ ପ୍ରଭାବରୁ ପିଲାଙ୍କୁ ଦୂରେଇ ରଖିବା ନିମନ୍ତେ ଏନ୍‌ସିପିସିଆର୍‌ ପ୍ରତ୍ୟେକ ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡ଼ିକର ଶିଶୁ ଅଧିକାର ସୁରକ୍ଷା ଆୟୋଗ(ଏସ୍‌ସିପିସିଆର୍‌)ଙ୍କ ସହ ଭର୍ଚୁଆଲ ବୈଠକ କରୁଛନ୍ତି। ମହାମାରୀର ସମ୍ଭାବ୍ୟ ତୃତୀୟ ଲହର ପରିପ୍ରେକ୍ଷୀରେ କେଉଁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ କି ପ୍ରକାର ପଦକ୍ଷେପ ନେଇଛନ୍ତି ତାହା ମଧ୍ୟ ଏନ୍‌ସିପିସିଆର୍‌ ବୈଠକରେ ସମୀକ୍ଷା କରୁଛନ୍ତି। ଆସନ୍ତା ୧୯ ତାରିଖରେ ଉତ୍ତର-ପୂର୍ବାଞ୍ଚଳ ରାଜ୍ୟଗୁଡ଼ିକର ଏସ୍‌ସିପିସିଆର୍‌ଙ୍କ ସହ ଅନ୍‌ଲାଇନ୍‌ ବୈଠକ କରାଯିବ। ଅନ୍ୟ ରାଜ୍ୟଗୁଡ଼ିକର ଆୟୋଗଙ୍କ ଭଳି ଉକ୍ତ ବୈଠକରେ ଶିଶୁଙ୍କ ପାଇଁ କରାଯାଇଥିବା ସ୍ବାସ୍ଥ୍ୟସେବା ସୁବିଧା, ଚିଲ୍‌ଡ୍ରେନ୍‌ ସ୍କୁଲ/ଆବାସିକ ବିଦ୍ୟାଳୟ ଆଦି ସମ୍ପର୍କରେ ଆଲୋଚନା ହେବ। ଏହାସହ ସୁପ୍ରିମକୋର୍ଟଙ୍କ ନିର୍ଦ୍ଦେଶନାମା ଅନୁପାଳନର ସାମ୍ପ୍ରତିକ ଷ୍ଟାଟସ୍‌ର ସମୀକ୍ଷା କରାଯିବ ବୋଲି ଏନ୍‌ସିପିସିଆର୍‌ ନିଜ ସତ୍ୟପାଠରେ ଉଲ୍ଲେଖ କରିଛନ୍ତି।
କମିଶନ ଏଥିରେ ଆହୁରି ଦର୍ଶାଇଛନ୍ତି ଯେ, ଗତ ଜାନୁୟାରୀ ୧୧ ଯାଏ ଦେଶରେ ସମ୍ପୂର୍ଣ୍ଣ ଅନାଥ ହୋଇଥିବା ୧୦,୦୯୪ ଶିଶୁଙ୍କୁ ଯନତ୍ ଓ ସୁରକ୍ଷା ଜରୁରୀ। ସେହିପରି ୧,୩୬,୯୧୦ ଶିଶୁ ନିଜ ମା’ କିମ୍ବା ବାପାଙ୍କୁ ହରାଇଛନ୍ତି। ଏଥିସହ ୪୪୮ ପରିତ୍ୟକ୍ତ ଶିଶୁଙ୍କୁ ମିଶାଇଲେ ଯନତ୍ ଓ ସୁରକ୍ଷା ଆବଶ୍ୟକ କରୁଥିବା ସଂଖ୍ୟା ୧,୪୭,୪୯୨ରେ ପହଞ୍ଚତ୍ଛି। ଲିଙ୍ଗଗତ ଦୃଷ୍ଟିରୁ ହିସାବ କଲେ ସେମାନଙ୍କ ମଧ୍ୟରୁ ୭୬,୫୦୮ ପୁଅ ଓ ୭୦,୯୮୦ ଝିଅ ଥିବାବେଳେ ୪ ଜଣ କିନ୍ନର ଶିଶୁ ରହିଛନ୍ତି। ସର୍ବାଧିକ ୫୯,୦୧୦ ଶିଶୁଙ୍କ ବୟସ ୮ରୁ ୧୩ ବର୍ଷ ମଧ୍ୟରେ ହେବ। ଏହା ତଳକୁ ୧୪ରୁ ୧୫ ବର୍ଷୀୟ ୨୨,୭୬୩ ଶିଶୁ ଥିବାବେଳେ ୧୬ରୁ ୧୮ ବର୍ଷର ୨୨,୬୨୬ ଜଣ ଓ ୪ରୁ ୭ ବର୍ଷୀୟ ୨୬,୦୮୦ ଶିଶୁ ଥିବା ଉକ୍ତ ସତ୍ୟପାଠରେ ଦର୍ଶାଯାଇଛି। ଶିଶୁଙ୍କ ସାମ୍ପ୍ରତିକ ଆଶ୍ରୟ ସ୍ଥିତି ସମ୍ପର୍କରେ ମଧ୍ୟ ଏନ୍‌ସିପିସିଆର୍‌ ଅବତାରଣା ଏଥିରେ କରିଛନ୍ତି। ସର୍ବାଧିକ ୧,୨୫,୨୦୫ ପିଲା ନିଜ ମା’ କିମ୍ବା ବାପାଙ୍କ ସହ ରହୁଥିବାବେଳେ ୧୧,୨୭୨ ଜଣ ପରିବାର ସହ ରହୁଛନ୍ତି। ସେହିପରି ୮,୪୫୦ ଶିଶୁ ଅଭିଭାବକଙ୍କ ତତ୍ତ୍ୱାବଧାନରେ ଅଛନ୍ତି। ୧,୫୨୯ ପିଲା ଶିଶୁ ଆଶ୍ରୟସ୍ଥଳରେ, ୧୯ ଜଣ ଓପନ୍‌ ଶେଲ୍ଟର ହୋମ, ୧୮୮ ଅନାଥାଶ୍ରମ, ୬୬ ସ୍ବତନ୍ତ୍ର ପୌଷ୍ୟ ସଂସ୍ଥା ଓ ୩୯ ପିଲା ହଷ୍ଟେଲରେ ରହୁଥିବା ସତ୍ୟପାଠରେ କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

ଗଗନୟାନ ରକେଟ ବୁଷ୍ଟରର ସଫଳ ପରୀକ୍ଷା

ଚେନ୍ନାଇ,୧୩।୫: ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ଏହାର ପ୍ରଥମ ମାନବ ପ୍ରେରଣ ମିଶନ ଗଗନୟାନକୁ ଶୁକ୍ରବାର ଆଉ ଏକ ସଫଳତା ମିଳିଛି। ଏହାର କଠିନ...

ଚା’ ଆମନ୍ତ୍ରଣ ବଦଳରେ ଭୋଜନ ପାଇଁ ପ୍ରିୟଙ୍କାଙ୍କୁ ନିମନ୍ତ୍ରଣ ପଠାଇଲେ ଏମ୍‌ପି

ନୂଆଦିଲ୍ଲୀ,୨୮।୭: କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ଚା’ ନିମନ୍ତ୍ରଣରେ ରାଜ୍ୟସଭା ସଦସ୍ୟ ଅନୀଲ ବଲୁନି ପୂରା ଭଦ୍ରତାର ସହ କିଛି ସମୟ ପାଇଁ ଏହାକୁ...

ତୃତୀୟ ଲହରରେ ମୃତ୍ୟୁ ସଂଖ୍ୟା ୬୦୦ ପ୍ରତିଶତ କମିବ !…

ନୂଆଦିଲ୍ଲୀ, ୧୦।୧ : ଓମିକ୍ରନ କାରଣରୁ କରୋନାର ତୃତୀୟ ଲହର ସଂକ୍ରମଣ ଦ୍ରୁତ ବ୍ୟାପିବାର ଆଶଙ୍କା ରହିଛି। କିନ୍ତୁ ଏହା ଦ୍ୱାରା ମୃତ୍ୟୁ ହାର, ଦ୍ୱିତୀୟ...

ରାଜ୍ୟରେ କରୋନାରେ ଆଖିବୁଜିଲେ ଆଉ ୧୫ ଆକ୍ରାନ୍ତ

ଭୁବନେଶ୍ୱର, ୧୧।୧୧(ବ୍ୟୁରୋ): ରାଜ୍ୟରେ କରୋନାରେ ବୁଧବାର ଆଉ ୧୫ ଜଣଙ୍କ ମୃତ୍ୟୁ ଘଟିଛି। ଏହାକୁ ମିଶାଇ ରାଜ୍ୟରେ କରୋନାଜନିତ ମୃତ୍ୟୁ ସଂଖ୍ୟା ୧୪୬୯ରେ ପହଞ୍ଚିଛି। ଏ...

ଆକ୍ସନ ମୁଡରେ ଯୋଗୀ: ପୁଣି ସକ୍ରିୟ ହେବ ଆଣ୍ଟି ରୋମିଓ ସ୍କାର୍ଡ

ଲକ୍ଷ୍ନୌ,୧ ।୪: ଉତ୍ତର ପ୍ରଦେଶର ଦ୍ୱିତୀୟଥର ଲାଗି ମୁଖ୍ୟମନ୍ତ୍ରୀ ହୋଇଥିବା ଯୋଗି ଆଦିତ୍ୟନାଥ ଏବେ ଆକ୍ସନ ମୁଡରେ । ନବରାତ୍ରୀ ମଧ୍ୟରେ ମହିଳାଙ୍କ ସୁରକ୍ଷାକୁ ଗୁରୁତ୍ୱ...

ବୋରିସଙ୍କୁ ଯୋଦ୍ଧା ବୋଲି କହିଲେ ମୋଦି

ନୂଆଦିଲ୍ଲୀ,୨୭।୩: ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନ କରୋନାରେ ପୀଡ଼ିତ ହେବା ଜଣାପଡିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ଜଣେ ଯୋଦ୍ଧା ବୋଲି କହିଛନ୍ତି। ଟୁଇଟ୍‌...

ହାପିନେସ୍‌ କ୍ଲାସରେ ମେଲାନିଆ

ନୂଆଦିଲ୍ଲୀ,୨୫।୨: ଆମେରିକାର ଫାଷ୍ଟ ଲେଡି ମେଲାନିଆ ଟ୍ରମ୍ପ ମଙ୍ଗଳବାର ରାଜଘାଟରୁ ଫେରି ଦିଲ୍ଲୀର ନାନକପୁରାରେ ଥିବା ସର୍ବୋଦୟ କୋ-ଏଡ ସିନିଅର ସେକେଣ୍ଡାରୀ ସ୍କୁଲ ଯାଇଛନ୍ତି। ସେଠାରେ...

‘ଲଘୁ ବନଜାତ ଦ୍ରବ୍ୟ ସଂଗ୍ରହ, ବିକ୍ରୟ ବ୍ୟବସ୍ଥା ଜାରି ରଖ’

ଭୁବନେଶ୍ୱର,୯ା୪(ବ୍ୟୁରୋ): ମହାମାରୀ କରୋନା ଜନସାଧାରଣଙ୍କ ଜନଜୀବନକୁ ବହୁଳ ଭାବେ ପ୍ରଭାବିତ କରିଛି। ବିଶେଷକରି ଅନୁସୂଚିତ ଜନଜାତି(ଏସ୍‌ଟି) ବର୍ଗ ବହୁଳ ଭାବେ ପ୍ରଭାବିତ ହେଉଛନ୍ତିି। ଜଙ୍ଗଲରେ ମିଳୁଥିବା...

Advertisement
Archives

Model This Week