ଜୋଧପୁର: ରାଜସ୍ଥାନର ଜୋଧପୁରରେ ଏକ ଅଜବ ମାମଲା ସାମ୍ନାକୁ ଆସିଛି। ଏଠାରେ ଜଣେ ନବବିବାହିତ ବ୍ୟକ୍ତି ବିବାହର ୯ ଦିନ ପରେ ସ୍ତ୍ରୀଙ୍କ ବିରୋଧରେ ପ୍ରତାରଣାର ଅଭିଯୋଗ ଆଣିଛନ୍ତି।
ଗତ ବର୍ଷ ଜୁଲାଇ ୨୬ରେ ସୁମନଙ୍କ ହାତ ଧରିଥିଲେ ରାମେଶ୍ୱର ଜାଙ୍ଗଡ଼ା। ସେ ଆମେରିକାର ପ୍ରତିଷ୍ଠିତ କମ୍ପାନୀରେ କାମ କରୁଛନ୍ତି। ବିବାହର କିଛି ଦିନ ପରେ ସ୍ତ୍ରୀ ସୁମନଙ୍କ ଇନ୍ଷ୍ଟାଗ୍ରାମ ଚାଟ୍ରେ ବିବାହ ପୂର୍ବରୁ ନିଜ ପ୍ରେମିକଙ୍କୁ ପଠାଇଥିବା ମେସେଜ୍ ରାମେଶ୍ୱର ଦେଖିବାକୁ ପାଇଥିଲେ। ଏଥିରେ ସେ ତାଙ୍କୁ ବିବାହ କରିବାକୁ ଚାହୁଁ ନ ଥିବା କହିଥିଲେ। ଯଦି ବିବାହ ହେଲା ତେବେ ବି ପ୍ରେମିକଙ୍କୁ ବିବାହ କରିବାକୁ ପଡ଼ିବ ବୋଲି ସୁମନ କହିଥିଲେ। କେବଳ ଏତିକି ନୁହେଁ ମା’ଙ୍କ ରାଣ ଖାଇ ପ୍ରେମିକ ଛାଡ଼ିଦେଲେ ଆତ୍ମହତ୍ୟା କରିବେ ବୋଲି ଧମକ ଦେଇଥିଲେ। ରାମେଶ୍ୱରଙ୍କ ହାତରେ ଏହି ଚାଟ୍ ଲାଗିବା ପରେ ସେ ସିଧା ଥାନାରେ ପହଞ୍ଚିଥିଲେ। ସେଠାରେ ସେ ସୁମନଙ୍କ ନାମରେ ପ୍ରତାରଣା ଅଭିଯୋଗ କରିଥିଲେ। କୋର୍ଟରେ ଏବେ ଏହିି ଘଟଣାରେ ମାମଲା ରୁଜୁ ହୋଇଛି।
ଅପରପକ୍ଷେ ବିବାହର ୯ ଦିନ ପରେ ସ୍ତ୍ରୀ ସୁମନ ବାପଘରକୁ ଚାଲିଯାଇଥିଲେ। ପରେ ରାମେଶ୍ୱର ଆମେରିକା ଚାଲିଯାଇଥିଲେ। ହେଲେ ସୁମନ ଏବଂ ତାଙ୍କ ଭାଉଜ ରାମେଶ୍ୱରଙ୍କ ଘରର ତାଲା ଭାଙ୍ଗି ତାଙ୍କ ବିରୋଧରେ ଯୌତୁକ, ଘରୋଇ ହିଂସା ଏବଂ ଅନ୍ୟ ମାମଲା ରୁଜୁ କରିଦେଇଥିଲେ। ହେଲେ ଏବେ ପ୍ରକୃତ କଥା ଜଣାପଡ଼ିବା ପରେ ସମସ୍ତେ ଚକିତ ହୋଇଯାଇଛନ୍ତି।
