ନୂଆଦିଲ୍ଲୀ,୨୩।୨: ଦେଶରେ ପ୍ରଥମ ଥର ଇ-ଏଫଆଇଆର ପଞ୍ଚିକୃତ ହୋଇଛି। ଜମ୍ମୁ ଏବଂ କ୍ଶ୍ମିର ପୋଲିସ ହୱାଟସଆପ ମାଧ୍ୟମରେ ଦେଶର ପ୍ରଥମ ଇ-ଏଫଆଇଆର ପଞ୍ଜିକରଣ କରିଛି। ଏପର୍ଯ୍ୟନ୍ତ ଆପଣଙ୍କୁ FIR ପଞ୍ଜିକରଣ କରିବା ପାଇଁ ପୋଲିସ ଷ୍ଟେଶନ ଯିବାକୁ ପଡୁଥିଲା କିମ୍ବା ପୋଲିସ ପୋର୍ଟାଲକୁ ଯିବାକୁ ପଡୁଥିଲା, କିନ୍ତୁ ଏବେ କୌଣସି ପରିସ୍ଥିତିରେ ଆପଣଙ୍କୁ FIR ପଞ୍ଜିକରଣ କରିବା ପାଇଁ ପୋଲିସ ଷ୍ଟେଶନ ଯିବାକୁ ପଡିବ ନାହିଁ। ଏବେ ଆପଣ ଆପଣଙ୍କ ମୋବାଇଲରେ ହୱାଟସଆପ ଖୋଲି ସହଜରେ E-FIR ପଞ୍ଜୀକରଣ କରିପାରିବେ।
ଜମ୍ମୁ ଏବଂ କାଶ୍ମୀର ରାଜ୍ୟ ସଡ଼କ ପରିବହନ ନିଗମର ଡ୍ରାଇଭର ଇମତିଆଜ ଅହମ୍ମଦ ଦାର ହୱାଟସଆପ ମାଧ୍ୟମରେ ପୋଲିସକୁ ଅଭିଯୋଗ ପଠାଇଛନ୍ତି। ତାଙ୍କ ଅଭିଯୋଗ ଅନୁଯାୟୀ, ଯେତେବେଳେ ସେ ତ୍ରାଥପୋରାରୁ ଶ୍ରୀନଗର ଯାଉଥିବା ସମୟରେ ଆଶିକ ହୁସେନ ଭଟ ଏବଂ ଗୌହର ଅହମଦ ଭଟ ନାମକ ଦୁଇ ଜଣ ବ୍ୟକ୍ତି ତାଙ୍କୁ ଭିଲଗାମରେ ଅଟକାଇ ଆକ୍ରମଣ କରିଥିଲେ।
ଅଭିଯୋଗ ପାଇବା ପରେ, ପୋଲିସ ତୁରନ୍ତ BNS ଧାରା 115(2) ଏବଂ 126(2) ଅନୁଯାୟୀ ଏକ ଇ-ଏଫଆଇଆର ପଞ୍ଜିକୃତ କରିଥିଲା। ଏହା ପ୍ରଥମ ଥର ଯେ ପୋଲିସ ଷ୍ଟେସନକୁ ନଯାଇ ଅଭିଯୋଗକୁ ସରକାରୀ ଫର୍ମ ଦିଆଯାଇଛି।
E-FIR ର ସୁବିଧା ଏବଂ ଅସୁବିଧା
ସହଜ ଏବଂ ଶୀଘ୍ର ପ୍ରକ୍ରିୟା: ଏବେ ଲୋକମାନେ ହୱାଟସଆପ ଭଳି ଡିଜିଟାଲ ମାଧ୍ୟମରେ ସେମାନଙ୍କର ଅଭିଯୋଗ ପଞ୍ଜୀକୃତ କରିପାରିବେ। ଏଣିକି ପୋଲିସ ଷ୍ଟେଶନ ଯିବାର ଆବଶ୍ୟକତା ନାହିଁ, ଏହି ସୁବିଧା ବିଶେଷକରି ଗ୍ରାମାଞ୍ଚଳ ଏବଂ ଦୁର୍ଗମ ଅଞ୍ଚଳ ପାଇଁ ଉପଯୋଗୀ ପ୍ରମାଣିତ ହେବ।
ସୱଚ୍ଛତା ଏବଂ ଦାୟିତ୍ୱ: ଡିଜିଟାଲ ରେକର୍ଡ ପୋଲିସ ବ୍ୟବସ୍ଥାରେ ଦୁର୍ନୀତି ହ୍ରାସ କରିବ ଏବଂ ଲୋକଙ୍କ ବିଶ୍ୱାସ ବୃଦ୍ଧି କରିବ।
କମ ସମୟ ମଧ୍ୟରେ ନ୍ୟାୟ: ଏହା ଅପରାଧ ପଞ୍ଜିକରଣ ପ୍ରକ୍ରିୟାକୁ ତ୍ୱରାନୱିତ କରିବ, ଯାହା ଫଳରେ ମାମଲାର ତଦନ୍ତ ଶୀଘ୍ର ଆରମ୍ଭ ହୋଇପାରିବ।
ମିଥ୍ୟା ଅଭିଯୋଗର ବିପଦ: ଡିଜିଟାଲ ମାଧ୍ୟମରେ ମଧ୍ୟ ମିଥ୍ୟା ମାମଲା ପଞ୍ଜିକୃତ କରାଯାଇପାରିବ।
ବୈଷୟିକ ସମସ୍ୟା: ଇଣ୍ଟରନେଟ ଉପଲବ୍ଧତା ଏବଂ ସାଇବର ସୁରକ୍ଷା ସୁନିଶ୍ଚିତ କରିବା ଆବଶ୍ୟକ ହେବ।
ହୱାଟସଅପରେ E FIR ର ଲାଭ
ଯଦି ଏହି ପରୀକ୍ଷଣ ସଫଳ ହୁଏ, ତେବେ ଏହାକୁ ଅନ୍ୟ ରାଜ୍ୟରେ ମଧ୍ୟ କାର୍ଯ୍ୟକାରୀ କରାଯାଇପାରିବ। ଏହା ପୋଲିସ ବ୍ୟବସ୍ଥାକୁ ଅଧିକ ପ୍ରଭାବଶାଳୀ କରିବ ଏବଂ ଇ-ଗଭର୍ନାନ୍ସକୁ ପ୍ରୋତ୍ସାହିତ କରିବ। ଜମ୍ମୁ ଏବଂ କଶ୍ମିରରେ ଇ-ଏଫଆଇଆର ବ୍ୟବସ୍ଥା ପ୍ରଚଳନ ନ୍ୟାୟ ବ୍ୟବସ୍ଥାକୁ ଡିଜିଟାଲ ଏବଂ ସୁଲଭ କରିବା ଦିଗରେ ଏକ ବଡ଼ ପଦକ୍ଷେପ।
