ନୂଆଦିଲ୍ଲୀ,୨୯।୯: ସମାଜବାଦୀ ପାର୍ଟିର ରାଷ୍ଟ୍ରୀୟ ରାଷ୍ଟ୍ରୀୟ ମହାସଚିବ ଆଜମ ଖାନଙ୍କ ଅଧିକାରରୁ ଜୌହର ରିସର୍ଚ୍ଚ ଇନଷ୍ଟଚ୍ୟୁଟର କୋଠା ଖାଲି କରିବା ପରେ ବର୍ତ୍ତମାନ ଏସପି କାର୍ଯ୍ୟାଳୟ ଖାଲି କରିବାକୁ ମଧ୍ୟ ପ୍ରସ୍ତୁତି ଚାଲିଛି। ଏ ସମ୍ପର୍କରେ ଜିଲା ମାଜିଷ୍ଟ୍ରେଟ ସରକାରଙ୍କୁ ଏକ ଚିଠି ଲେଖିଛନ୍ତି। ଏସପି କାର୍ଯ୍ୟାଳୟ ନିକଟରେ ଆଜମ ଖାନଙ୍କ ଆଉ ଏକ ସ୍କୁଲ ଚାଲିଛି। ତାହା ମଧ୍ୟ ସ୍ଥାନାନ୍ତର କରାଯିବ ବୋଲି ଜଣାପଡିଛି।
ତୋପଖାନା ରୋଡରେ ରହିଛି ଏହି ଏସପି ଅଫିସ। ଏହା ନିକଟରେ ରହିଛି ରାମପୁର ପବ୍ଲିକ ସ୍କୁଲ। ପୂର୍ବରୁ ଏଠାରେ ସରକାରୀ ମୁର୍ତାଜା ବିଦ୍ୟାଳୟ ଥିଲା, ପରେ ଏହା ଜିଲା ବିଦ୍ୟାଳୟ ଇନ୍ସପେକ୍ଟର ଏବଂ ଜିଲା ମୌଳିକ ଶିକ୍ଷା କାର୍ଯ୍ୟାଳୟ ହେଲା। ଏହି ଦୁଇଟି କାର୍ଯ୍ୟାଳୟ ଅନ୍ୟ ଏକ ସ୍ଥାନରେ ମଧ୍ୟ ନିର୍ମାଣ କରାଯାଇଥିଲା ଏବଂ ପୁରୁଣା କୋଠା ଖାଲି ହୋଇଗଲା।
ଏସପି ଶାସନ କାଳରେ ୨୦୦୭ଏବଂ ୨୦୧୨ରେ ଆଜମ ଖାନଙ୍କ ମୌଲାନା ମହମ୍ମଦ ଅଲି ଜୌହର ଟ୍ରଷ୍ଟ ନାମରେ ଏହି କୋଠା ଲିଜରେ ଦିଆଯାଇଥିଲା। ଏହି ଦୁଇଟି କାର୍ଯ୍ୟାଳୟର କ୍ଷେତ୍ର ହେଉଛି ୪୧୧୮୧ ବର୍ଗଫୁଟ। ୩୦ବର୍ଷର ଲିଜ ଦେବାବେଳେ ସରକାର ଏକ ସର୍ତ୍ତ ରଖିଥିଲେ ଯେ ଏହି କୋଠାଟି ମହମ୍ମଦ ଜୋହର ଅଲି ବିଶ୍ୱବିଦ୍ୟାଳୟକୁ କାର୍ଯ୍ୟକ୍ଷମ କରିବାକୁ ଦିଆଯାଉଛି। ଯଦି ସର୍ତ୍ତ ଉଲ୍ଲଂଘନ ହୁଏ ତେବେ କୋଠାକୁ ଫେରାଇ ନିଆଯିବ।
