ମୁମ୍ବାଇ: ନିଜର ଡ୍ୟାନ୍ସ ମୁଭକୁ ନେଇ ବଲିଉଡ୍ରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ନୋରା ଫତେହି ପୁଣିଥରେ ସୋସିଆଲ ମିଡିଆରେ ନିଆଁ ଲଗାଇଛନ୍ତି । କିଛିଦିନ ହେବ ସୋସିଆଲ ମିଡିଆରୁ ଦୂରେଇ ରହିଥିବା ଏହି ନାୟିକା ଏବେ କିନ୍ତୁ ସୋସିଆଲ ମିଡିଆରେ ଖୁବ୍ ଆକ୍ଟିଭ । ନିକଟରେ ସେ ତାଙ୍କର ଏକ ଲାଟେଷ୍ଟ ଫଟୋ ଶେୟାର କରି ସମସ୍ତଙ୍କ ଦିଲ୍ ଜିତିଛନ୍ତି । ଯାହା ନିଆଁ ଭଳି ଭାଇରାଲ ହେବାରେ ଲାଗିଛି । ନୋରା ଘର ବାହାରକୁ ଆସିବେ ଆଉ ତାଙ୍କ ଷ୍ଟାଇଲକୁ ନେଇ ଚର୍ଚ୍ଚା ହେବନି ଏହା କେହି କେବେ ବୋଧହୁଏ ଜାଣନ୍ତି ନାହିଁ । ନିକଟରେ ସେ ଯେଉଁ ଫଟୋ ଶେୟାର କରିଛନ୍ତି ସେଥିରେ ସେ ଚିତା ପ୍ରିଣ୍ଟ ସ୍ୱିମ କଷ୍ଟ୍ୟୁମ ଲଙ୍ଗ ଗୋଲଡେନ୍ ଇୟର ରିଂ ଓ ଲମ୍ବା ଲମ୍ବା ମୁକୁଳା କେଶରେ ଯୁବବର୍ଗଙ୍କ ହାଟ ବିଟ୍କୁ ବଢାଇ ଦେଇଛନ୍ତି । ନୋରାଙ୍କ ଏହି ଫଟୋକୁ ପ୍ରଶଂସକମାନେ ଲାଇକ ଓ କମେଣ୍ଟ କରିବାକୁ ଆଦୌ ଭୁଲୁ ନାହାନ୍ତି । ନିକଟରେ ସେ ମୁଭି ‘ଭୁଜ: ଦ ପ୍ରାଇଡ ଅଫ୍ ଇଣ୍ଡିଆ’ରେ ଦେଖାଯିବେ । ଫିଲ୍ମର ଟ୍ରେଲର ରିଲିଜ୍ ହୋଇ ସାରିଛି । ପ୍ରଶଂସକ ଖୁବ୍ ଉତ୍କଣ୍ଠାର ସହ ତାଙ୍କ ଅଭିନୟ ଦେଖିବାକୁ ଚାହିଁ ରହିଛନ୍ତି ।
