ନୂଆଦିଲ୍ଲୀ,୧୭।୩: ରିଲାୟନ୍ସ ଇଣ୍ଡଷ୍ଟ୍ରିର କାର୍ଯ୍ୟନିର୍ବାହୀ ନିର୍ଦ୍ଦେଶକ ତଥା ରିଲାଏନ୍ସ ଫାଉଣ୍ଡେସନର ଚେୟାରମ୍ୟାନ ନୀତା ଅମ୍ବାନୀ ବନାରସ ହିନ୍ଦୁ ବିଶ୍ୱବିଦ୍ୟାଳୟ (ବିଏଚୟୁ)ର ଗେଷ୍ଟ ପ୍ରଫେସର ନିଯୁକ୍ତି ହେବା ରିପୋର୍ଟକୁ ତାଙ୍କ ମୁଖପାତ୍ର ନକଲି ବୋଲି କହିଛନ୍ତି। ବୁଧବାର ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ୍ର ମୁଖପାତ୍ର କହିଛନ୍ତି ଯେ, ବିଏଚୟୁ ପକ୍ଷରୁ ଜଣେ ଗେଷ୍ଟ ପ୍ରଫେସର ନିଯୁକ୍ତ ହେବା ନେଇ କୌଣସି ପ୍ରସ୍ତାବ ନାହିଁ। ଏହି ଖବର ନକଲି। ନୀତା ଅମ୍ବାନୀ ବିଶ୍ୱବିଦ୍ୟାଳୟରୁ କୌଣସି ପ୍ରସ୍ତାବ ଗ୍ରହଣ କରିନାହାଁନ୍ତି। ସୂଚନାଯୋଗ୍ୟ, ନିକଟରେ ଖବର ଆସିଥିଲା ଯେ ନୀତା ଅମ୍ବାନୀଙ୍କୁ ଜଣେ ପ୍ରଫେସର ନିଯୁକ୍ତ କରିବା ପାଇଁ ବନାରସ ହିନ୍ଦୁ ବିଶ୍ୱବିଦ୍ୟାଳୟର ସାମାଜିକ ବିଜ୍ଞାନ ବିଭାଗ ଦ୍ୱାରା ଏକ ପ୍ରସ୍ତାବ ପଠାଯାଇଛି। ରିଲାଏନ୍ସ ଇଣ୍ଡଷ୍ଟ୍ରିଜ ମାଲିକ ମୁକେଶ ଅମ୍ବାନୀଙ୍କ ସ୍ତ୍ରୀ ନୀତା ଅମ୍ବାନୀ ମୁମ୍ବାଇ ବିଶ୍ୱବିଦ୍ୟାଳୟରୁ ବି.କମ କରିଛନ୍ତି ଏବଂ ତାଙ୍କୁ ୨୦୧୪ରେ ରିଲାଏନ୍ସ ଇଣ୍ଡଷ୍ଟ୍ରିଜର କାର୍ଯ୍ୟନିର୍ବାହୀ ନିର୍ଦ୍ଦେଶକ ଭାବରେ ନିଯୁକ୍ତ କରାଯାଇଥିଲା। ୨୦୧୦ ମସିହାରେ, ସେ ରିଲାଏନ୍ସ ଫାଉଣ୍ଡେସନ ଗଠନ କରିଥିଲେ। ଜଣେ ସଫଳ ମହିଳା ଉଦ୍ୟୋଗୀ ହେବାର ଭାବମୂର୍ତ୍ତି ହେତୁ ଏହି ପ୍ରସ୍ତାବ ଦିଆଯାଇଛି ବୋଲି କୁହାଯାଇଥିଲା।
