ଭୁବନେଶ୍ୱର,୩୧।୧୦(ବ୍ୟୁରୋ): ଦରଦାମ ବୃଦ୍ଧିକୁ ନେଇ ରାଜଭବନ ସମ୍ମୁଖରେ ବିଜେଡିର ପ୍ରତିବାଦ ପ୍ରସଙ୍ଗରେ ପିସିସି ସଭାପତି ନିରଞ୍ଜନ ପଟ୍ଟନାୟକ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ବିଜେଡି ପରିବା ଦରକୁ ନେଇ ପ୍ରତିବାଦ କରିବା ଏକ ହାସ୍ୟାସ୍ପଦ କଥା। ଏ ପ୍ରତିବାଦ ବିଜେଡି କେବଳ ରାଜନୈତିକ ଫାଇଦା ପାଇଁ କରୁଛି । ବିଜେଡି ପ୍ରଥମେ ସ୍ପଷ୍ଟ କରିବାର ଅଛି ସେ ୨୧ ବର୍ଷ ଭିତରେ କେତୋଟି ଶୀତଳ ଭଣ୍ଡାର ର୍ନିମାଣ କରିଛି । ଆଉ ଯଦି ବି କୋଲ୍ଡ ଷ୍ଟୋରେଜ ନିର୍ମାଣ କରିଛି ସେଥିରୁ କେତୋଟି କାମ କରୁଛି ବୋଲି ନିରଞ୍ଜନ ପ୍ରଶ୍ନ କରିବା ସହ ରାଜ୍ୟ ସରକାରଙ୍କ ଭୁଲ ପାଇଁ ଆଜି ରାଜ୍ୟରେ ପରିବା ଦର ଆକାଶ ଛୁଆଁ ହୋଇଛି ବୋଲି ସେ କହିଛନ୍ତି। ଏହାସହ ବଜେଡି ଲୋକଙ୍କୁ ଭୁଆଁ ବୁଲଉଛି । ତେବେ କଂଗ୍ରେସ ଦର ଦାମ ବୃଦ୍ଧିକୁ ନେଇ ସବୁବେଳେ ପ୍ରତିବାଦ କରି ଆସିଛି । ଆଉ ଆଗକୁ ମଧ୍ୟ ପ୍ରତିବାଦ ଜାରି ରଖିବ ବୋଲି କହିଛନ୍ତି ପିସିସି ସଭାପତି।
