ଭୁବନେଶ୍ୱର,୧୬ା୩(ବ୍ୟୁରୋ): କଂଗ୍ରେସ ୫ ରାଜ୍ୟର ବିଧାନସଭା ନିର୍ବାଚନରେ ଅମାନତ ହାରିବା ପରେ ଆକ୍ସନ ମୋଡ୍କୁ ଆସିଛି ଏଆଇସିସି। ଏହି ରାଜ୍ୟଗୁଡ଼ିକର ସଭାପତିମାନେ ଇସ୍ତଫା ଦେବାକୁ ଏଆଇସିସି ପକ୍ଷରୁ ନିର୍ଦ୍ଦେଶ ଦିଆଯାଇଛି। ପଞ୍ଜାବ ପିସିସି ସଭାପତି ନବଜ୍ୟୋତି ସିଂ ସିଦ୍ଧୁ ଇସ୍ତଫା ଦେଇ ସାରିଛନ୍ତି। ଏହି କ୍ରମରେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ପାଖକୁ ମଧ୍ୟ ଏଆଇସିସିର ଚିଠି ଆସିଛି। ଏହାକୁ ନେଇ ଏବେ ରାଜ୍ୟ ରାଜନୀତିରେ ଚର୍ଚ୍ଚା ଆରମ୍ଭ ହୋଇଯାଇଛି। ପିସିସି ସଭାପତି ପଦ ଛାଡ଼ିବେ କି ନିରଞ୍ଜନ ବୋଲି କଥା ଉଠିଛି।
ଚିଠି ଆସିଥିବା ନେଇ ନିଜେ ନିରଞ୍ଜନ ସୂଚନା ଦେଇଛନ୍ତି । ହାଇକମାଣ୍ଡଙ୍କ ପାଖରୁ ଚିଠି ଆସିଥିବା ସେ କହିଛନ୍ତି। ତେବେ ଏଥିରେ କ’ଣ ଉଲ୍ଲେଖ ରହିଛି ତାହା ସେ ସ୍ପଷ୍ଟ କରିନାହାନ୍ତି। ଦେଖାଯାଉ ଆଗକୁ କ’ଣ ଘଟୁଛି।
