Posted inଖେଳ

ନ୍ୟୁଜିଲାଣ୍ଡର କ୍ଲିନ୍‌ ସୁଇପ୍‌

ଓ୍ବେଲିଂଟନ, ୨୭ା୩ (ଏପି)-ଡେଭନ କନଓ୍ବେ ଓ ଅଲରାଉଣ୍ଡର ଡେରିଲ ମିଚେଲଙ୍କ ପ୍ରଥମ ଶତକ ସହାୟତାରେ ନ୍ୟୁଜିଲାଣ୍ଡ ଏଠାରେ ଶୁକ୍ରବାର ଖେଳାଯାଇଥିବା ତୃତୀୟ ତଥା ଅନ୍ତିମ ଦିନିକିଆ କ୍ରିକେଟ ମ୍ୟାଚରେ ବାଂଲାଦେଶକୁ ୧୬୪ରନରେ ପରାସ୍ତ କରିଛି। ଏଥିସହିତ ଦଳ ୩ ମ୍ୟାଚ ବିଶିଷ୍ଟ ସିରିଜ ୩-୦ରେ କ୍ଲିନ ସୁଇପ ବିଜୟ ହାସଲ କରିଛି। ୧୨୬ ରନ କରିଥିବା ଦକ୍ଷିଣ ଆଫ୍ରିକା ଜନ୍ମିତ କନଓ୍ବେ ୯୫ ବଲ୍‌ରେ ତାଙ୍କ ଶତକ ହାସଲ କରିଥିଲେ। ମିଚେଲଙ୍କ ସହ ସେ ୧୫୯ରନର ଏକ ରେକର୍ଡ ପାର୍ଟନରଶିପ୍‌ କରିଥିଲେ। ଟସ୍‌ ଜିତି ପ୍ରଥମେ ବ୍ୟାଟିଂ ନେଇଥିବା ନ୍ୟୁଜିଲାଣ୍ଡ ନିର୍ଦ୍ଧାରିତ ଓଭରରେ ୬ ଉଇକେଟ ବିନିମୟରେ ୩୧୮ରନ କରିଥିଲା। ମିଚେଲ ୫୦ତମ ଓଭରରେ ୧୭ ରନ ସଂଗ୍ରହ କରି ୯୨ ବଲ୍‌ରେ ତଥା ଇନିଂସର ଅନ୍ତିମ ଡେଲିଭରିରେ ତାଙ୍କ ଅପରାଜିତ ଶତକ (୧୦୦ରନ) ହାସଲ କରିଥିଲେ। ପଛରେ ବ୍ୟାଟିଂ କରିଥିବା ବାଂଲାଦେଶର ଟପ୍‌ ଅର୍ଡରରେ ବିପର୍ଯ୍ୟୟ ଘଟାଇଥିଲେ ମ୍ୟାଟ୍‌ ହେନ୍‌ରୀ। ସେ ତାଙ୍କ ପ୍ରଥମ ୪ ଓଭରରେ ମାତ୍ର ୧୩ ରନ ବିନିମୟରେ ୩ଟି ଉଇକେଟ ଅକ୍ତିଆର କରିଥିଲେ। ଟ୍ରେଣ୍ଟ ବୋଲ୍ଟ ଥାର୍ଡମ୍ୟାନ ଅଞ୍ଚଳରେ ଲିଟନ ଦାସଙ୍କ ଏକ ଦର୍ଶନୀୟ କ୍ୟାଚ ନେବା ପରେ ଭ୍ରମଣକାରୀ ଦଳର ସ୍କୋର ୨୬ ରନରେ ୩ ଉଇକେଟ ହରାଇ ସଂକଟରେ ପଡ଼ିଥିଲା। ଦଳ ପରେ ୪୩ ଓଭରରେ ୧୫୪ ସ୍କୋରରେ ଅଲଆଉଟ ହୋଇଯାଇଥିଲା। ବାଂଲାଦେଶ ପାଇଁ ମହମୁଦୁଲ୍ଲା ଏକ ଲମ୍ବା ଇନିଂସ ଖେଳିଥିଲେ। ସେ ୭୬ ରନ କରି ଅପରାଜିତ ରହିଥିଲେ। ନ୍ୟୁଜିଲାଣ୍ଡ ଦଳ ତରଫରୁ ଜିମି ନିଶାମ ଅନ୍ତର୍ଜାତୀୟ ଦିନିକିଆରେ ତାଙ୍କ ଶ୍ରେଷ୍ଠ ବୋଲିଂ ସହ ୨୭ ରନ ବିନିମୟରେ ୫ ଉଇକେଟ ଅକ୍ତିଆର କରିଥିଲେ। ନ୍ୟୁଜିଲାଣ୍ଡର ଆରମ୍ଭ ମଧ୍ୟ ଭଲ ନ ଥିଲା। ଦଳ ୧୧ତମ ଓଭରରେ ୫୭ରନ ସ୍କୋରରେ ୩ ଉଇକେଟ ହରାଇ ସାରିଥିଲା। ମାତ୍ର କନଓ୍ବେ ୧୧୦ ବଲ୍‌ର ଏକ ଇନିଂସ ଖେଳି ନ୍ୟୁଜିଲାଣ୍ଡ ଇନିଂସରେ ସୁଧାର ଆଣିଥିଲେ। ଡେଭନ କନଓ୍ବେ ଉଭୟ ପ୍ଲେୟର ଅଫ୍‌ ଦି ମ୍ୟାଚ ଓ ପ୍ଲେୟର ଅଫ୍‌ ଦି ସିରିଜ ବିବେଚିତ ହୋଇଥିଲେ।
ସଂକ୍ଷିପ୍ତ ସ୍କୋର
ନ୍ୟୁଜିଲାଣ୍ଡ : ୫୦ ଓଭରରେ ୩୧୮/୬ (କନଓ୍ବେ-୧୨୬, ଡେରିଲ ମିଚେଲ-୧୦୦*, ମାର୍ଟିନ ଗୁପ୍‌ଟିଲ-୨୬; ରୁବେଲ ହୁସେନ-୩/୭୦)
ବାଂଲାଦେଶ : ୪୨.୪ ଓଭରରେ ୧୫୪/ ଅଲଆଉଟ, (ମହମୁଦୁଲ୍ଲା-୭୬*, ଲିିଟନ ଦାସ-୨୧, ମୁସ୍‌ଫିକର ରହିମ-୨୧, ଜେମ୍ସ ନିଶାନ-୫/୨୭, ମ୍ୟାଟ ହେନ୍‌ରୀ-୪/୨୭)।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଦିନେ ଏହି ଖେଳାଳିଙ୍କୁ ରିଜେକ୍ଟ କରିଥିଲେ ଚାପେଲ

ନୂଆଦିଲ୍ଲୀ,୨୨।୭: ପେସର ଦୀପକ ଚହର ଶ୍ରୀଲଙ୍କା ବିପକ୍ଷ ଦ୍ୱିତୀୟ ମ୍ୟାଚ୍‌ରେ ଟିମ୍‌ ଇଣ୍ଡିଆ ପାଇଁ ହିରୋ ସାଜିଥିଲେ। ତାଙ୍କର ୬୯ ରନ୍‌ର ଇନିଂସ ଯୋଗୁ ୩...

ଚୌକା କି ଛକା-ନୋ’ କି ଓ୍ବାଇଡ୍‌ ବଲ୍‌ ନୁହେଁ, ଗୋଟିଏ ବଲ୍‌ରୁ ଏମିତି ୭ ରନ୍‌ ସଂଗ୍ରହ କଲେ ବ୍ୟାଟ୍ସମ୍ୟାନ୍‌: ଦେଖନ୍ତୁ ଭିଡିଓ

ଖ୍ରୀଷ୍ଟଚର୍ଚ୍ଚ,୯।୧: କ୍ରିକେଟ ପଡ଼ିଆରେ କିଛି ନା କିଛି ରୋଚକ ଘଟଣା ଦେଖିବାକୁ ମିଳିଥାଏ। ନିକଟରେ ବାଂଲାଦେଶ ଏବଂ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଉଥିବା ୨ ମ୍ୟାଚ ବିଶିଷ୍ଟ...

ବୋପାନ୍ନା ଆଉଟ୍‌

ପ୍ୟାରିସ, ୩ା୬ (ପି.ଟି.)- ଭାରତର ରୋହନ ବୋପାନ୍ନା ଏବଂ ତାଙ୍କ ରେମାନିଆନ ପାର୍ଟନର ମାରିଅସ୍‌ କୋପିଲ୍‌ ଫ୍ରେଞ୍ଚ ଓପନ୍‌ ଟେନିସ୍‌ରୁ ବିଦାୟ ନେଇଛନ୍ତି। ରବିବାର ପୁରୁଷ...

ଅନୁରୋଧ ପରେ ଟିମ୍‌ ଇଣ୍ଡିଆକୁ ମିଳିଲା ଅଭ୍ୟାସ ମ୍ୟାଚ୍‌

ମୁମ୍ବାଇ,୨୬।୬: ଅଗଷ୍ଟ ୪ରୁ ଆରମ୍ଭ ହେବାକୁ ଥିବା ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍‌ ପୂର୍ବରୁ ଟିମ୍‌ ଇଣ୍ଡିଆ ହାତରେ ପ୍ରାୟ ୪୦ ଦିନ ରହିଛି। ଏହି...

ଆରମ୍ଭରୁ ଝୁଣ୍ଟିଲା ଭାରତ

ଭୁବନେଶ୍ୱର,୨୪।୧୧: କଳିଙ୍ଗ ଷ୍ଟାଡିୟମରେ ବୁଧବାରଠାରୁ ଆରମ୍ଭ ହୋଇଯାଇଛି ଜୁନିୟର ପୁରୁଷ ହକି ବିଶ୍ୱକପ। ପ୍ରଥମ ଦିନରେ ଡିଫେଣ୍ଡିଂ ଚାମ୍ପିୟନ ଭାରତୀୟ ଦଳ ଝୁଣ୍ଟି ପଡ଼ିଛି। ସଞ୍ଜୟଙ୍କ...

ନ୍ୟୁଜିଲାଣ୍ଡରେ ଟ୍ରେନିଂ ପାଇଁ ଅନୁମତି ପାଇଲା ନାହିଁ ପାକିସ୍ତାନ

ଓ୍ବେଲିଂଟନ,୪।୧୨: ନ୍ୟୁଜିଲାଣ୍ଡ ଗସ୍ତ କରିଥିବା ପାକିସ୍ତାନ କ୍ରିକେଟ ଦଳକୁ ଟ୍ରେନିଂ ପାଇଁ ଅନୁମତି ମିଳି ନାହିଁ। ଦଳର ୮ଜଣ ସଦସ୍ୟ କୋଭିଡ୍‌-୧୯ ଟେଷ୍ଟରେ ପଜିଟିଭ ଜଣାପଡ଼ିବା...

ଅନ୍ତିମ ଟି୨୦: କ୍ଲିନ୍‌ ସୁଇପ୍‌ ଲକ୍ଷ୍ୟରେ ଭାରତ

ମାଉଣ୍ଟ ମାଉଁଗାନୁଇ, ୨।୨(ପି.ଟି.)- ଟି୨୦ ସିରିଜର ପ୍ରଥମ ୪ଟି ମ୍ୟାଚ୍‌ରେ ବିଜୟୀ ହୋଇଥିବା ଭ୍ରମଣକାରୀ ଭାରତ ଏବେ ୫-୦ରେ କ୍ଲିନ୍‌ ସୁଇପ୍‌ କରିବା ଲକ୍ଷ୍ୟରେ ରହିଛି।...

ଏହି ପୂର୍ବତନ ଭାରତୀୟ କ୍ରିକେଟର୍‌ଙ୍କ ସ୍ତ୍ରୀଙ୍କୁ କରୋନା

କୋଲକାତା, ୧୧।୭- ଭାରତୀୟ କ୍ରିକେଟ୍‌ ଦଳର ପୂର୍ବତନ ଅଲ୍‌ରାଉଣ୍ଡର ଲକ୍ଷ୍ମୀରତନ ଶୁକ୍ଳାଙ୍କ ସ୍ତ୍ରୀ ସ୍ମିତା ସନ୍ୟାଲ କରୋନା ଭାଇରସରେ ଆକ୍ରାନ୍ତ ହୋଇଛନ୍ତି। ସ୍ମିତା ବର୍ତ୍ତମାନ ପଶ୍ଚିମବଙ୍ଗ...

Advertisement
Archives

Model This Week