ନୂଆଦିଲ୍ଲୀ,୨୦।୨: ୧୬ ଦିନ ପରେ ୮ ମାର୍ଚ୍ଚରେ ଅନ୍ତର୍ଜାତୀୟ ମହିଳା ଦିବସ ପାଳନ କରାଯିବ, କିନ୍ତୁ ଏଥର ମହିଳା ଦିବସ ଦିଲ୍ଲୀର ମହିଳାମାନଙ୍କ ପାଇଁ ସୱତନ୍ତ୍ର ହେବ। ତାଙ୍କ ଆକାଉଣ୍ଟରେ ୨୫୦୦ ଟଙ୍କା ଜମା କରାଯିବ। ଗୋଟିଏ ପଟେ, ର୍ନିବାଚନ ଜିତିବା ପରେ, ଭାଜପା Rekha Gupta ଦିଲ୍ଲୀର ମୁଖ୍ୟମନ୍ତ୍ରୀ ହେବେ ବୋଲି ଘୋଷଣା କରିଛି, ଅନ୍ୟପଟେ ରେଖା ଗୁପ୍ତା ମଧ୍ୟ ଘୋଷଣା କରିଛନ୍ତି ଯେ ମହିଳାମାନଙ୍କୁ ପ୍ରତିଶ୍ରୁତି ଦିଆଯାଇଥିବା ଆର୍ଥିକ ସହାୟତା ପ୍ରଥମେ ପୂରଣ କରାଯିବ ଏବଂ ୮ ମାର୍ଚ୍ଚରେ ମହିଳାଙ୍କ ଆକାଉଣ୍ଟରେ 2500 ଟଙ୍କା ଜମା କରାଯିବ।
୨୭ ବର୍ଷ ପରେ ଦିଲ୍ଲୀରେ ଭାରତୀୟ ଜନତା ପାର୍ଟିର ସରକାର ଗଠନ ହୋଇଛି। ଏଥିସହ ଦଳ ଜଣେ ମହିଳା ମୁଖ୍ୟମନ୍ତ୍ରୀଙ୍କୁ ରାଜଧାନୀର କମାଣ୍ଡ ଦେଇଛି। ଏଥର ଦିଲ୍ଲୀ ବିଧାନସଭା ର୍ନିବାଚନରେ, ସମସ୍ତ ଦଳ ନୀରବ ଭୋଟର ଅର୍ଥାତ ମହିଳା ଭୋଟରଙ୍କ ଉପରେ ବିଶେଷ ଧ୍ୟାନ ଦେଇଥିଲେ। ସମସ୍ତ ଦଳ ମହିଳାମାନଙ୍କୁ ଆର୍ଥିକ ସହାୟତା ଦେବାକୁ ମଧ୍ୟ ପ୍ରତିଶ୍ରୁତି ଦେଇଥିଲେ। ଆମ ଆଦମୀ ପାର୍ଟି ୨୧୦୦ ଟଙ୍କା ଦେବାକୁ ପ୍ରତିଶ୍ରୁତି ଦେଇଥିବା ବେଳେ, ଭାଜପା ୨୫୦୦ ଟଙ୍କା ଦେବାକୁ ପ୍ରତିଶ୍ରୁତି ଦେଇଥିଲା। ତଥାପି, ବିଜୟ ପରେ ଏବେ ଭାଜପା ଏହି ପ୍ରତିଶ୍ରୁତି ପୂରଣ କରିବା ପାଇଁ ପଦକ୍ଷେପ ନେବା ଆରମ୍ଭ କରିଛି।
Rekha Gupta ଦିଲ୍ଲୀର ଚତୁର୍ଥ ମହିଳା ମୁଖ୍ୟମନ୍ତ୍ରୀ Delhi New CM ହେବେ। ତାଙ୍କ ପୂର୍ବରୁ ଭାଜପା ସୁଷମା ସୱରାଜଙ୍କୁ, କଂଗ୍ରେସ ଶୀଲା ଦୀକ୍ଷିତଙ୍କୁ ଏବଂ ଆମ ଆଦମୀ ପାର୍ଟି ଆତିଶୀଙ୍କୁ ମୁଖ୍ୟମନ୍ତ୍ରୀ ପଦର ଦାୟିତ୍ୱ ହସ୍ତାନ୍ତର କରିଥିଲା। ମହିଳା ସମୃଦ୍ଧି ଯୋଜନା ସମ୍ପର୍କରେ ରେଖା ଗୁପ୍ତା କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୱପ୍ନ ପୂରଣ କରିବା ରାଜଧାନୀର ସମସ୍ତ ୪୮ ବିଧାୟକଙ୍କ ଦାୟିତ୍ୱ। ଆମେ ମହିଳାମାନଙ୍କ ପାଇଁ ଆର୍ଥିକ ସହାୟତା ସମେତ ଆମର ସମସ୍ତ ପ୍ରତିଶ୍ରୁତି ନିଶ୍ଚିତ ଭାବରେ ପୂରଣ କରିବୁ। ୮ ମାର୍ଚ୍ଚ ସୁଦ୍ଧା ୧୦୦ ପ୍ରତିଶତ ମହିଳାଙ୍କ ଆକାଉଣ୍ଟରେ ଆର୍ଥିକ ସହାୟତା ମିଳିବ।
ଭାରତୀୟ ଜନତା ପାର୍ଟି ମହିଳା ସମୃଦ୍ଧି ଯୋଜନା ଅଧୀନରେ ଦିଲ୍ଲୀର ମହିଳାଙ୍କୁ 2500 ଟଙ୍କା ଦେବାକୁ ପ୍ରତିଶ୍ରୁତି ଦେଇଛି। ମହିଳାମାନଙ୍କୁ ପ୍ରତି ମାସରେ 2500 ଟଙ୍କା ଆର୍ଥିକ ସହାୟତା ଦିଆଯିବ। ତଥାପି, ଏହା ଜାଣିବା ଗୁରୁତ୍ୱପୂର୍ଣ୍ଣ ଯେ ଏହି ଯୋଜନା ଦିଲ୍ଲୀର ସମସ୍ତ ମହିଳାଙ୍କ ପାଇଁ ନୁହେଁ, କିନ୍ତୁ ଏହି ଉପହାର କେବଳ ଗରିବ ମହିଳାଙ୍କୁ ଦିଆଯିବ। ଦଳ ନିଜର ଇସ୍ତାହାରରେ ଘୋଷଣା କରିଥିଲା ଯେ ରାଜଧାନୀରେ ସରକାର ଗଠନ କରିବା ପରେ ଗରିବ ମହିଳାଙ୍କୁ ପ୍ରତି ମାସରେ ୨୫୦୦ ଟଙ୍କା, ଗର୍ଭବତୀ ମହିଳାଙ୍କୁ ୨୧ହଜାର ର ଏକକାଳୀନ ସହାୟତା ଏବଂ ଗରିବ ଲୋକଙ୍କୁ ୫୦୦ଟଙ୍କାରେ ଏଲପିଜି ସିଲିଣ୍ଡର ଏବଂ ବରିଷ୍ଠ ନାଗରିକଙ୍କ ପାଇଁ ୨୫୦୦ଟଙ୍କା ପେନସନ ସୁନିଶ୍ଚିତ କରାଯାଇଥିଲା।
ଗୋଟିଏ ସମୟ ଥିଲା ଯେତେବେଳେ ମହିଳାମାନେ ରାଜନୀତି ଏବଂ ରାଜନୈତିକ ମାମଲାରୁ ଦୂରତା ରଖୁଥିଲେ। ଏହା ବିଶ୍ୱାସ କରାଯାଉଥିଲା ଯେ ମହିଳାମାନେ ରାଜନୀତି ଜଗତ ବିଷୟରେ ବହୁତ କିଛି ବୁଝି ପାରନ୍ତି ନାହିଁ, କିନ୍ତୁ ଏବେ ଏହି ଢାଞ୍ଚା ବଦଳି ଯାଇଛି। ମହିଳାଙ୍କ ଭୋଟଦାନ ପ୍ରତିଶତ ବୃଦ୍ଧି ପାଇଛି ଏବଂ କେତେକ ସମୟରେ ଏହା ପୁରୁଷଙ୍କ ତୁଳନାରେ ଅଧିକ ମଧ୍ୟ ରେକର୍ଡ କରାଯାଇଛି। ମହିଳାମାନେ ନୀରବ ଭୋଟରରୁ ର୍ନିଣ୍ଣାୟକ ଭୋଟର ପାଲଟିଛନ୍ତି। ଏବେ ସେ ତାଙ୍କ ସରକାରକୁ ର୍ନିବାଚିତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି। ଏହି କାରଣରୁ ଦିଲ୍ଲୀର ସମସ୍ତ ରାଜନୈତିକ ଦଳ ମହିଳାମାନଙ୍କ ଉପରେ ଧ୍ୟାନ ଦେଇଥିଲେ। ଦିଲ୍ଲୀ ର୍ନିବାଚନରେ, ମହିଳାମାନଙ୍କ ଉଲ୍ଲେଖ ଏବଂ ସେମାନଙ୍କ ପାଇଁ ଆର୍ଥିକ ସହାୟତା ଘୋଷଣା ବାରମ୍ବାର ଶୁଣିବାକୁ ମିଳିଥିଲା। ଭାଜପା ୨୫୦୦ ଟଙ୍କାର ସହାୟତା ରାଶିକୁ ପ୍ରଚାର କରି ଚାଲିଥିଲା, ଆମ ଆଦମୀ ପାର୍ଟି ୨୧୦୦ ଟଙ୍କା ଦେବାକୁ ପ୍ରତିଶ୍ରୁତି ଦେଇ ଚାଲିଥିଲା, କିନ୍ତୁ ଏବେ ର୍ନିବାଚନ ସମୟରେ ଦିଆଯାଇଥିବା ପ୍ରତିଶ୍ରୁତି ପୂରଣ କରିବାର ସମୟ ଆସିଛି।
