ନୂୂଆଦିଲ୍ଲୀ,୨୫।୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିକଟରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ପ୍ରତିମୂର୍ତ୍ତି ସ୍ଥାପନ ପାଇଁ ଘୋଷଣା କରିଥିଲେ। ଏହି ପ୍ରତିମୂର୍ତ୍ତିକୁ ପୁରୀ ପ୍ରଭୁ ଜଗନ୍ନାଥଙ୍କ ମୂର୍ତ୍ତିର ରଙ୍ଗ ଭଳି ଜେଟ୍ ବ୍ଲାକ ଗ୍ରାନାଇଟରେ ନିର୍ମାଣ କରାଯିବ। ଏ ନେଇ ସୂଚନା ଦେଇଛନ୍ତି ନେତାଜୀଙ୍କ ପ୍ରତିମୂର୍ତ୍ତିର ନିର୍ମାଣ ଦାୟିତ୍ୱରେ ଥିବା ଶିଳ୍ପୀ ଅଦ୍ୱିତା ଗଡନାୟକ।
ଏହି ମୂର୍ତ୍ତିଟି ୨୮ ଫୁଟ ଲମ୍ବ ଗ୍ରାନାଇଟ ସ୍ଲାବରୁ ନିର୍ମିତ ହେବ। ମୂର୍ତ୍ତି ନିର୍ମାଣ ପାଇଁ ମୁଁ ଦେଶର ୩ଟି ସ୍ଥାନ(ମୈଶୁର, ବେଙ୍ଗାଲୁରୁ, ଏବଂ ତେଲେଙ୍ଗାନା)ରୁ ଗ୍ରାନାଇଟ ସର୍ଟଲିଷ୍ଟ କରିଛି। ସଠିକ୍ ସ୍ଲାବ ବାଛିବା ପାଇଁ ମୁଁ ଶୀଘ୍ର ନିଜେ ସ୍ଥାନ ପରିଦର୍ଶନ କରିବି ବୋଲି ଗଡନାୟକ କହିଛନ୍ତି। ସେ ଆହୁରି କହିଛନ୍ତି, ଏପରି ଏକ ମହାନ ବ୍ୟକ୍ତିଙ୍କର ପ୍ରତିମୂର୍ତ୍ତି ଖୋଦିତ କରିବାର ଦାୟିତ୍ୱ ମୋତେ ମିଳିଥିବାରୁ ମୁଁ ବହୁତ ଭାଗ୍ୟବାନ।
