ବମ୍ବେ: ବ୍ୟକ୍ତିଗତ ଜୀବନ ହେଉ ଅଥବା ଗାୟିକା ହେବାର ଯାତ୍ରା,ସବୁକିଛିକୁ ନେଇ ଚର୍ଚ୍ଚାରେ ରହିଥାନ୍ତି ଗାୟିକା ନେହା କକ୍କଡ। ଏବେ ତାଙ୍କୁ ନେଇ ଭିନ୍ନ ଚର୍ଚ୍ଚା। ସେଇଟି ହେଲା ସେ କୁଆଡେ ମା’ ହେବାକୁ ଯାଉଛନ୍ତି। କିଛି ଦିନ ଧରି ନେହା ସ୍ବାମୀ ରୋହନପ୍ରିତଙ୍କ ସହ ଛୁଟି କଟାଉଥିଲେ। ହେଲେ ବମ୍ବେ ବିମାନବନ୍ଦରରେ ତାଙ୍କୁ ଦେଖାଯିବା ପରେ ସେ ମା’ ହେବାକୁ ଯାଉଥିବା ନେଇ ଶୁଣିବାକୁ ମିଳୁଛି।
ବିମାନବନ୍ଦରରେ ନେହା ଟିକେ ମୋଟା ଦେଖାଯାଉଥିଲେ। ଏପରିକି ସେ ଢ଼ିଲା ପୋଷାକ ପିନ୍ଧିଥିଲେ। ଏହି ସମୟର କିଛି ଫଟୋ ଓ ଭିଡିଓ ଭାଇରାଲ ହେବା ପରେ ଏପରି କୁହାଯାଉଛି। ପ୍ରଶଂସକମାନେ ଏହାକୁ ନେଇ ପ୍ରଶ୍ନ କରୁଛନ୍ତି। ଗ୍ଲାମରଜଗତରୁ ଦୂରେଇ ଯାଇ ସେ ପରିବାର ସହ ସମୟ ବିତାଇ ଫେରିଛନ୍ତି। ଛୁଆ ପାଇଁ ଯୋଜନା କ’ଣ ଏହାର କାରଣ ବୋଲି କେହି କେହି ପଚାରିଛନ୍ତି। ସେହିଭଳି କ’ଣ ଏଥିପାଇଁ ସେ ‘ଇଣ୍ଡିଆନ୍ ଆଇଡଲ ୧୨’ରୁ ଦୂରେଇ ଯାଇଛନ୍ତି ବୋଲି ବି କିଛି ପ୍ରଶଂସକ ପଚାରିଛନ୍ତି।
କହିରଖୁଛୁ, ନେହା-ରୋହନପ୍ରିତ ସୋସିଆଲ ମିଡିଆରେ ନିଜ ସମ୍ପର୍କକୁ ଖୋଲାଖୋଲି ସ୍ବୀକାର କରିଥିଲେ। ଏହାର କିଛି ଦିନ ପରେ ଉଭୟଙ୍କ ବିବାହକୁ ନେଇ ଖବର ଶୁଣିବାକୁ ମିଳିଥିଲା। ପରେ ୨୪ ଅକ୍ଟୋବର ୨୦୨୦ରେ ସେମାନେ ବିବାହ ବନ୍ଧନରେ ଆବଦ୍ଧ ହୋଇଥିଲେ। ଏବେ ନେହା ମା’ ହେବାକୁ ଯାଉଥିବା ଖବର ଶୁଣିବାକୁ ମିଳୁଥିବା ବେଳେ ତାହାକୁ ନେଇ ଗାୟିକା ମୁହଁ ଖୋଲିନାହାନ୍ତି। ତେବେ ଏହା କେତେ ସତ କେତେ ମିଛ ତାହା ସମୟ ଆସିଲେ ଜଣାପଡ଼ିବ।
